Sambula
| |||||
|---|---|---|---|---|---|
 | |||||
| Allium triquetrum | |||||
| Classificazione scentifica | |||||
| Regnu | Plantae | ||||
| Divisione | Magnoliophyta | ||||
| Classa | Liliopsida | ||||
| Ordine | Liliopsida | ||||
| Famiglia | Liliaceae | ||||
| Generu | Allium | ||||
| Nome binuminale | |||||
| Allium triquetrum Linnaeus, 1753 | |||||
 | |||||
A Sambula (o Sammula) (Allium triquetrum) hè un tipu di pianta chì face parte di a famiglia di e Liliaceae. Hè un fiore di l'area mediterranea, ma hè stata introdutta per esempiu in Brittania o in Inghilterra.
Descrizzione
[mudificà | edità a fonte]A sàmbula hè alta da 20 à 40 cm. I fiori sò bianchi. Sò longhi 14 à 18 mm. Fiuriscenu d'aprile à ghjugnu. I fiori sò ermafruditi, avendu à tempu organi maschili è feminili. U bulbu hà un diamitru sin'à 20mm. E sambule hanu un odore d'aglia. E sambule si scontranu da 0 à 700 metri. Si piacenu piuttostu in i lochi adumbrati è in a terra umida.
Cumposizione chimica
[mudificà | edità a fonte]E sambule cuntenenu sulfussidi: allicina, allistatina, disulfuru di diallile.
E sambule sò ricchissime in oligoelementi, chì cuntenenu potassiu (1249.75 mg/100g), calciu (155.65 mg/100g), magnesiu (105.70 mg/100g) è ancu ferru, zincu è manganese.[1]
Sicondu certi studii, e sambule averianu pruprietà antinfiammatorie.[2]
Ripartizione
[mudificà | edità a fonte]E sambule sò diffuse in a parte occidentale di u Mediterraniu.
In Corsica
[mudificà | edità a fonte]E sambule sò assai cumune in Corsica. Sò ancu chjamate agliu salvaticu o purriolu.
Etnobutanica
[mudificà | edità a fonte]In Corsica, u nome "agliu salvaticu" si riferisce à l'odore d'aglia di e sambule, è à u fattu ch'è i picculi bulbi ponu esse manghjati in insalata. Sò raccolti piuttostu à u principiu di l'estate. E sambule s'usanu dinù in a suppa, è si ni pò ancu fà frittate. In i tempi, e sambule eranu vindute annantu à i marcati (Conrad 1981).
Citazione
[mudificà | edità a fonte]Accade chì a sambula fussi citata in a litteratura è a cultura corsa. Per esempiu:
- in e Poesie Giocose di Paulu Matteiu di la Fuata:
- in a sprissione: Esse ni à e sambule chì significheghja: firmà senza nulla o Manghjarà i sammuli ! chì vole dì: hè senza nulla, senza rivinuti
- in l'interghjezzione: Diu sambula !
Note
[mudificà | edità a fonte]Referenze
[mudificà | edità a fonte]- Gabriella Corea, Ernesto Fattorusso, é Virginia Lanzotti, Saponins and Flavonoids of Allium triquetrum, Journal of natural Products, 2003 (in inglese)
- Archiviu 2012-01-11 at the Wayback Machine Conrad, Marcella, I corsi è e piante salvatiche, avà è innanzi, 1981, Adecec
- Mokrani Ahlem, 2022, Caractérisation Phytochimique de l'ail triquètre (Allium triauetrum L.) Archiviu 2012-01-11 at the Wayback Machine
- Menacer, A., & Saidi, F. (n.d.). Mineral content and chemical composition of the lipid fraction of Algerian Allium triquetrum bulbs. Revue Agrobiologia. https://asjp.cerist.dz/en/article/228550