Marculella
| |||||
|---|---|---|---|---|---|
| |||||
| Anacamptis papilionacea | |||||
| Classifica scentifica | |||||
| Regnu | Plantae | ||||
| Divisione | Magnoliophyta | ||||
| Classa | Liliopsida | ||||
| Ordine | Orchidales | ||||
| Famiglia | Orchidaceae | ||||
| Generu | Anacamptis | ||||
| Nome binuminale | |||||
| Anacamptis papilionacea ( L. ) R.M.Bateman , Pridgeon | |||||
| |||||
A marculella o orchidea farfalla (Anacamptis papilionacea) hè un fiore chì face parte di a famiglia di l'Orchidaceae.[1]
Descrizzione[mudificà | edità a fonte]
L'orchidea farfalla hè una spezia d'orchidee terranee vivace appartinendu à a famiglia di l'Orchidaceae. Tira u so nome di a sumiglianza di i so fiori incù l'ale svolte di una farfalla.
'Ssa pianta erbacea prisenta casce basale lanceulate, disposte in rusetta, è foglie picciulaghje più chjuche, disposte longu à u picciolu. U picciolu fiurale, robustu è rittu, pò aghjunghje un'altezza da 20 à 60 centimi.
I fiori, disposti in gaspa, sò di regula rusulati purpurei, benchì variazione di culore esistinu, andendu da rusulatu pallidu à viulinu scuru. U labellu hè trilobatu è prisenta un lobu cintrale più largu, incù lobi laterali più stretti è appena piigati ver'di l'internu. A superficia di u labellu hè adurnata di mutivi à forma di vene, di regula più scuri ch'è u culore di sfondu di u fiore. U spronu hè cortu è arcatu à l'inghjò.
Ripartizione[mudificà | edità a fonte]
L'orchidea farfalla hè per u più prisente in mare Terraniu occidentale, incù una distribuzione geugrafica chì si stende da u Portugallu è a Spagna à punente, sinu à l'Italia è a Grecia à livante, è ancu in certe rigione di u nordu di l'Africa, in particulare à u Maroccu, in Algeria è in Tunisia.
'Ss'orchidea si scontra di regula in e pratuline è i prati asciuti, i bordi di stradoni, e ricce erbose, e chjarine è l'arici di fureste. Priferisce i terre ricche di calcariu, è si sviluppa in zone esposte à u sole o à meza ombra. A spezia pò esse truvata à altitudine andendu da u livellu di u mare sinu à circa 1500 metri.
A marculella hè cunsiderata cum'è una spezia in declinu in certe rigione di a so area di ripartizione, per u più per causa di a distruzzione di u so ambiente è di a racolta eccessiva di i so fiori per a decurazione. Misure di cunsirvazione, tale a messa in piazza di riserve naturale è di prugrammi di sensibilisazione à a prutezzione di 'ssa spezia, sò à locu à locu necessarii per prisirvà è risturà e pupulazione di Orchis papilionacea.
L'orchidea farfalla hè prisente in Corsica è assai abundante è cumuna.[2]
Riferimenti[mudificà | edità a fonte]
- Jeanmonod D. & Gamisans J. (2013) Flora Corsica (2 ed), Edisud.
Note[mudificà | edità a fonte]
- ↑ 'Ss'articulu pruvene in parte da a wikipedia in francese è in inglese.
- ↑ Jeanmonod & Gamisans (2013).
