Orchis pallens
| |||||
|---|---|---|---|---|---|
| |||||
| Orchis pallens | |||||
| Classifica scentifica | |||||
| Regnu | Plantae | ||||
| Divisioni | Magnoliophyta | ||||
| Classa | Liliopsida | ||||
| Ordini | Orchidales | ||||
| Famiglia | Orchidaceae | ||||
| Genaru | Orchis | ||||
| Nomu binuminali | |||||
| Orchis pallens L. , 1771 | |||||
| |||||
Orchis pallens hè un fiori chì faci parti di a famiglia di l'Orchidaceae.
Discrizzioni
[mudificà | edità a fonte]L'Orchis pallens hè una spezia d'urchidei terranii vivaci appartinendu à a famiglia di l'Orchidaceae. 'Ssa pianta arbacea si caratterizeghja da i so fiora giaddi pallidi disposti in gaspa lena annantu à u picciolu fiurali.
I casci di l'Orchis pallens sò basali, uvali à lanceulati, d'un culori verdi chjari o verdi scuru. Sò disposti à a basa di u picciolu fiurali è poni ancu essa prisenti longu à u picciolu, divintendu prugrissivamenti più chjuchi à capu insù. U picciolu, ribustu è drittu, pò aghjunghja un'altezza da 20 à 40 centimi.
I fiora, di culori giaddu pallidu, sò ragruppati in infiuriscenzi à forma di gaspa lena, cumposti da 5 à 20 fiora. U labeddu hè trilubatu, incù lobi latirali incurvati è un lobu cintrali più largu prisintendu mutivi à forma di punti o di strisci. I fiora di l'Orchis pallens sò ermafruditi è sò inamacati par u più da l'insetti.
Ripartizioni
[mudificà | edità a fonte]L'Orchis pallens hè prisenti par u più in Auropa, in particulari in Francia, in Alimagna, in Italia, in iSpagna è in i Balcani. 'Ss'urchidea prifirisci l'ambienti varii, tali i pratulini secchi, i furesti chjari, l'arici di i furesti è i landi. Apprizzeghja i terri beddi assiccati è appena aciti à neutri, è si sviluppa in zoni esposti à u soli o à meza ombra. A spezia pò essa truvata à altitudini andendu da u liveddu di u mari sinu à circa 2000 metri.
L'Orchis pallens ùn hè micca cunsidarata com'è una spezia minacciata à a scala mundiali. Eppuri, in certi righjoni, pò essa prutetta par via di a digradazioni di u so ambienti è di a racolta illegali di i so fiora. 'Ss'urchidea hè ancu prutetta da a Cunvinzioni annantu à u cummerciu internaziunali di i spezii di fauna è di flora salvatichi minacciati d'estinzioni (CITES), chì intardisci u so cummerciu. Sforzi di cunsirvazioni, tali a missa in piazza di riservi naturali è di prugrammi di riintruduzioni, sò fatti in certi loca par pruteghja è prisirvà 'ssa spezia d'urchidea.
Orchis pallens hè prisenti in Corsica, ma hè rarissima.[1]
Rifarimenti
[mudificà | edità a fonte]- Jeanmonod D. & Gamisans J. (2013) Flora Corsica (2 ed), Edisud.
Noti
[mudificà | edità a fonte]- ↑ Jeanmonod & Gamisans (2013).