Dactylorhiza insularis

Dactylorhiza insularis
Dactylorhiza insularis
Classifica scentifica
Regnu	Plantae
Divisioni	Magnoliophyta
Classa	Liliopsida
Ordini	Orchidales
Famiglia	Orchidaceae
Genaru	Dactylorhiza
Nomu binuminali
Dactylorhiza insularis ( Sommier )

Dactylorhiza insularis hè un fiori chì faci parti di a famiglia di l'Orchidaceae.

Discrizzioni

Dactylorhiza insularis, ancu cunnisciuta sottu u nomu di Orchis isulanu, hè una spezia d'urchidei terranii vivaci appartinendu à a famiglia di l'Orchidaceae. 'Ssa pianta arbacea si caratterizeghja da i so fiora culuriti, disposti in gaspa densa annantu à u picciolu fiurali.

I casci di Dactylorhiza insularis sò basali, uvali à lanceulati, d'un culori verdi chjaru à verdi scuru, calchì volta marcati di tacchi purpurei. Sò disposti à a basa di u picciolu fiurali è poni ancu essa prisenti longu à u picciolu, divintendu prugrissivamenti più chjuchi à capu insù. U picciolu, ribustu è drittu, pò aghjunghja un'altezza da 15 à 40 centimi.

I fiora, di culori purpureu, rusulinu o biancu, sò ragruppati in infiuriscenzi à forma di gaspa densa, cumposti da 10 à 50 fiora. U labeddu hè trilubatu, incù lobi latirali incurvati è un lobu cintrali più largu prisintendu mutivi à forma di punti o di strisci. I fiora di Dactylorhiza insularis sò ermafruditi è sò inamacati par u più da l'insetti.

Ripartizioni

Dactylorhiza insularis hè endemicu di i righjoni mediterranii è atlantichi. Si trova par u più in Francia, in iSpagna, à u Portugallu è à u Maroccu. 'Ss'urchidea prifirisci l'ambienti varii, tali i pratulini umiti, i paduli, l'arici di furesti è i landi. Apprizzeghja i terri beddi assiccati è appena aciti o neutri, è si sviluppa in zoni esposti à u soli o à meza ombra. A spezia pò essa truvata à altitudini andendu da u liveddu di u mari insin'à à l'incirca 1000 metri.

Bench'è Dactylorhiza insularis ùn fussi micca cunsidarata com'è una spezia minacciata à a scala mundiali, hè prutetta in certi righjoni par via di a digradazioni di u so ambienti è di a racolta illegali di i so fiora. 'Ss'urchidea hè ancu prutetta da a Cunvinzioni annantu à u cummerciu internaziunali di i spezii di fauna è di flora salvatichi minacciati d'estinzioni (CITES), chì intardisci u so cummerciu. Sforzi di cunsirvazioni, tali a missa in piazza di riservi naturali è di prugrammi di riintruduzioni, sò fatti in certi loca par pruteghja è prisirvà 'ssa spezia d'urchidea.

Dactylorhiza insularis hè prisenti in Corsica.

Rifarimenti

• Jeanmonod D. & Gamisans J. (2013) Flora Corsica (2 ed), Edisud.