Ophrys lupercalis
| |||||
|---|---|---|---|---|---|
| |||||
| Ophrys lupercalis | |||||
| Classifica scentifica | |||||
| Regnu | Plantae | ||||
| Classa | Polypodiopsida | ||||
| Divisioni | Tracheophyta | ||||
| Sottudivisioni | Spermatophytes | ||||
| Ordini | Asparagales | ||||
| Famiglia | Orchidaceae | ||||
| Genaru | Ophrys | ||||
| Nomu binuminali | |||||
| Ophrys lupercalis Devillers & Devillers-Terschuren, 1994 | |||||
| |||||
Ophrys lupercalis hè una spezia di pianta chì faci parti di a famiglia di l'Orchidaceae.
Discrizzioni[mudificà | edità a fonte]
Ophrys lupercalis hè una spezia di pianta appartinendu à a famiglia di l'Orchidaceae. 'Ss'urchidea terrania si distingui da i so fiora di taglia media, di circa 2 à 3 centimi di diamitru. I fiora sò carattarizati da pitali è sepali di culori varievuli, andendu da u biancu à u rusulinu pallidu, incù mutivi cumplessi è diddicati. U labeddu, parti a infiriori di u fiori, hè à spessu adurnatu di mutivi assumigliendu si à insetti, ciò chì li cunfarisci un'apparenza unica.
Ripartizioni[mudificà | edità a fonte]
Ophrys lupercalis hè par u più sparta in i righjoni mediterranii, in particulari in Francia, in Italia, in iSpagna è in Grecia. Omu a trova ancu in certi parti di l'Africa subrana. 'Ssa spezia prifirisci l'ambienti assuliati è secchi, tali i pratulini, è a machja.
Ophrys lupercalis hè prisenti in Corsica.[1]
Biulugia[mudificà | edità a fonte]
Ophrys lupercalis hè una pianta vivaci chì fiurisci di regula di branu. Si ripraduci par u più in impullinazioni cruciata, grazia à una rilazioni simbiotica incù l'insetti. I fiora pruducini i ferumoni chì imitani i ferumoni sissuali di l'insetti femini, attirendu cusì i masci di certi spezii d'abbi è di vespi. Quandu 'ssi insetti tentani d'accuppià si incù u fiori, trasportani invuluntariamenti l'amacu di un fiori à un'antru, prupiziendu cusì a ripruduzioni di l'urchidea.
Tassunumia[mudificà | edità a fonte]
Ophrys lupercalis hè ancu cunnisciuta sottu à u sinonimu Ophrys fusca subsp. fusca. 'Ssa spezia hè stata discritta pà a prima volta da Devillers è Devillers-Terschuren in u 1994. Apparteni à u genaru Ophrys, chì ragruppa numarosi spezii d'urchidei terranii.
Ophrys lupercalis tira u so nomu di a festa rumana di i Lupercali chì era cilibrata tutti l'anni u 15 frivaghju. 'Ssu nomu traduci u fattu chì 'ssa spezia prisenta una fiuritura mori prumaticcia è 'ssa carattaristica custituisci unu di l'elementi chì parmettini d'idantificà la.
Cunsirvazioni[mudificà | edità a fonte]
Ophrys lupercalis hè cunsidarata com'è una spezia vulnerevuli par causa di a distruzzioni di u so ambienti naturali. L'attività umani tali l'urbanisazioni, l'agricultura intinsiva è u turisimu poni caghjunà a sparizioni di 'ss'urchidea. I misuri di cunsirvazioni sò nicissarii par pruteghja i pupulazioni esistenti è prisirvà l'ambienti apprupriati. A sinsibilisazioni di u publicu à l'impurtanza di a prisirvazioni di a biudiversità hè ancu escinziali par assicurà a sopravvivenza di 'ssa spezia è di u so ecusistema.
Rifarimenti[mudificà | edità a fonte]
- Jeanmonod D. & Gamisans J. (2013) Flora Corsica (2 ed), Edisud.
Noti[mudificà | edità a fonte]
- ↑ Jeanmonod & Gamisans (2013).
Altri prugetti[mudificà | edità a fonte]
Ophrys lupercalis annantu à Wikimedia Commons.
