Dactylorhiza sambucina

À prupositu di Wikipedia
Dactylorhiza sambucina
Dactylorhiza sambucina
Classifica scentifica
Regnu Plantae
Divisioni Magnoliophyta
Classa Liliopsida
Ordini Orchidales
Famiglia Orchidaceae
Genaru Dactylorhiza
Nomu binuminali
Dactylorhiza sambucina
( L. ) So

Dactylorhiza sambucina hè un fiori chì faci parti di a famiglia di l'Orchidaceae.

Discrizzioni[mudificà | edità a fonte]

Dactylorhiza sambucina hè una spezia d'urchidei terranii vivaci appartinendu à a famiglia di l'Orchidaceae. 'Ssa pianta arbacea si caratterizeghja da i so fiora prufumati, chì i so culori varieghjani da u giaddu à u rossu, disposti in gaspa densa annantu à u picciolu fiurali.

I casci di Dactylorhiza sambucina sò basali, uvali o lanceulati, d'un culori verdi chjaru o verdi scuru, è micca pichjulati. Sò disposti à a basa di u picciolu fiurali è poni ancu essa prisenti longu à u picciolu, divintendu prugrissivamenti più chjuchi à capu insù. U picciolu, ribustu è addrizzatu, pò aghjunghja un'altezza da 20 à 40 centimi.

I fiora, di culori giaddu o rossu, sò ragruppati in infiuriscenzi à forma di gaspa densa, cumposti da 10 à 25 fiora. U labeddu hè trilubatu, incù lobi latirali incurvati è un lobu cintrali più largu prisintendu mutivi à forma di punti o di strisci. I fiora di Dactylorhiza sambucina sgaghjani un prufumu richjamendu quiddu di u sambucu, da induva u so nomu latinu. I fiora sò ermafruditi è sò inamacati par u più da l'insetti.

Ripartizioni[mudificà | edità a fonte]

Dactylorhiza sambucina hè largamenti sparta in Auropa, in particulari in Auropa cintrali è miridiunali, è ancu in Asia Minori. 'Ss'urchidea prifirisci l'ambienti varii, tali i pratulini asciuti, i prata calcarii, l'arici di furesti è i landi. Apprizzeghja i terri beddi assiccati è appena aciti o neutri, è si sviluppa in zoni esposti à u soli o à meza ombra. A spezia pò essa truvata à altitudini andendu da u liveddu di u mari sinu à à l'incirca 2500 metri.

Bench'è Dactylorhiza sambucina ùn fussi micca cunsidarata com'è una spezia minacciata à a scala mundiali, hè prutetta in certi righjoni par causa di a digradazioni di u so ambienti è di a racolta illegali di i so fiora. 'Ss'urchidea hè ancu prutetta da a Cunvinzioni annantu à u cummerciu internaziunali di i spezii di fauna è di flora salvatichi minacciati d'estinzioni (CITES), chì intardisci u so cummerciu. Sforzi di cunsirvazioni, tali a missa in piazza di riservi naturali è di prugrammi di riintruduzioni, sò fatti in certi loca par pruteghja è prisirvà 'ssa spezia d'urchidea.

Dactylorhiza sambucina hè prisenti in Corsica, ma hè rarissima.[1]

Rifarimenti[mudificà | edità a fonte]

  • Jeanmonod D. & Gamisans J. (2013) Flora Corsica (2 ed), Edisud.

Noti[mudificà | edità a fonte]

  1. Jeanmonod & Gamisans (2013).