Orchis morio

À prupositu di Wikipedia
Anacamptis morio
Anacamptis morio
Classifica scentifica
Regnu Plantae
Divisione Magnoliophyta
Classa Liliopsida
Ordine Orchidales
Famiglia Orchidaceae
Generu Anacamptis
Nome binuminale
Anacamptis morio
( L. ) R.M.Bateman , Pridgeon

U giglione (Anacamptis morio) hè un fiore chì face parte di a famiglia di e Orchidaceae.[1]

Descrizzione[mudificà | edità a fonte]

U giglione hè una spezia d'orchidee terranee vivace appartinendu à a famiglia di l'Orchidaceae. 'Ssa pianta erbacea si caratterizeghja da i so fiori incù i culori vivi è da un labellu trilobatu adurnatu di mutivi purpurei.

E casce di u giglione sò lanceulate, da verde chjaru à verde scuru è disposte in rusetta basale. U picciolu fiurale, robustu è drittu, pò aghjunghje un'altezza da 15 à 40 centimi.

I fiori sò di regula ragruppati in infiuriscenze dense, cumposte da 10 à 50 fiori. U so culore varieghja da rusulatu pallidu à purpureu scuru, incù un labellu trilobatu. I lobi laterali sò stretti è appena piigati ver'di l'internu, mentre ch'è u lobu cintrale hè più largu è prisenta mutivi purpurei scuri à forma di vene. U spronu hè cortu è puntatu à l'inghjò.

Ripartizione[mudificà | edità a fonte]

U giglione hè largamente spartu in Europa, stindendu si da u Regnu Unitu è l'Irlanda à punente sinu à a Russia è in Turchia à livante, è dapoi a Scandinavia à nordu sinu à u Maroccu è l'Algeria à u sudu. Omu a trova ancu in certe rigione di l'Asia di u Punente, cum'è a Turchia è l'Iranu.

'Ss'orchidea priferisce l'ambienti aperti, tali e pratuline, i prati asciutti è e ricce erbose. Hè ancu prisente in e chjarine è l'arici di i boschi. U giglione apprizzieghja e terre ricche di calcariu è esposti à u sole o à meza ombra. A spezia pò esse truvata à altitudine andendu da u livellu di u mare insin'à circa 2000 metri.

Benchì u giglione ùn sia micca cunsiderata cum'è una spezia minacciata à a scala mundiale, hè prutetta in certe rigione per causa di a digradazione di u so ambiente è di a racolta illegale di i so fiori. Sforzi di cunsirvazione, tali a messa in piazza di riserve naturale è di prugrammi di riintruduzione, sò purtati per pruteghje è prisirvà 'ssa spezia d'orchidea.

U giglione hè prisente è cumunu in Corsica.[2]

Riferimenti[mudificà | edità a fonte]

  • Jeanmonod D. & Gamisans J. (2013) Flora Corsica (2 ed), Edisud.

Note[mudificà | edità a fonte]

  1. 'Ss'articulu pruvene in parte da a wikipedia in inglese, in talianu è in francese.
  2. Jeanmonod & Gamisans (2013).