Corsica
From Wikipedia
| Corsica | |
|---|---|
| Nome ufficiale: | Corse |
 |
|
| Statu: | Francia |
| Capilocu: | Aiacciu |
| Superficia: | 8 680 km² |
| Pupulazione: | 281 000 ab. |
| Densità: | 32,4 ab./km² |
| Dipartimenti: | Corsica suttana (2A), Corsica suprana (2B) |
| Circundarii: | 5 |
| Cantoni: | 52 |
| Cumune: | 360 |
| Situ ufficiale | |
 |
|
A Corsica hè un'isula di u mare Mediterraniu, a quarta più isula grande dopu à Sicilia, Sardegna è Cipru.
Hè una culletività territuriale è una regione francese. Cumporta dui dipartimenti: a Corsica suprana (2B, Haute-Corse in francese) in nordu è a Corsica suttana (2A, Corse-du-sud in francese) in meziornu. A lingua di a populazione hè u francese poi a lingua regiunale hè u corsu.
A capitale amministrativa di l'isula hè Aiacciu (Aiaccio in italiano), è questa cità hè dinù a prefettura di u dipartimentu di a Corsica suttana. E grande cità di u dipartimentu sò Portivechju è Sartè.
A prefettura di u dipartimentu di a Corsica suprana hè a cità di Bastia è a so agglumerazione hè a più grande di Corsica, cù e cumune di Furiani, U Borgu, Lucciana, Biguglia è Pietranera. Dinù, a cità di Bastia hè vicinu à u Capicorsu. E principale cità di Corsica suprana sò Corti è Calvi.
Cuntenutu |
[mudificà] Giugrafia
A Corsica teni 8.680 km2 di superficia.
[mudificà] Rilievu
A principale muntagna di a Corsica hè u Monte Cintu con 2.706 metri di altitudine.
[mudificà] Idrografia
U Golu hè u fiume più lungu di a Corsica.
[mudificà] Storia
A Corsica fù a prima nazione democràtica di u mondu cù una custituzione (prima in 1735 è dopu in 1755 cù a participazione di Jean-Jacques Rousseau, u famosu filòsofu di Ginevra.)
Dopu a disfatta di Ponte Novu in Corsica suprana, l'isula diventa francese in 1769, u stessu annu chè a nàscita di Napulione Buonaparte, futuru imperatore di Francia trà 1804 è 1815. A Corsica hè un' ùnicu dipartimentu da 1790 à 1793 è da 1811 à 1976.
- 725 : invasione di a Corsica da i Lombardi
- 754 : Carulu Magnu, diventatu rè di i Lombardi, cede a Corsica à u Pappa
- 1077 : u Pappa Gregoriu VII cunfida l'amministrazione di a Corsica à u vescu di Pisa
- 1133 : i vescuvati sò spiccati in dui gruppi (unu per Genuva è une per Pisa)
- 1195 : istallazione di Genuva in Bonifaziu
- 1268 : istallazione di Genuva in Calvi
- 1284 : a Corsica diventa a proprietà di Genuva
- 1383 : fondazione di Bastia da Genuva
- 1551 : Samperu Corsu occupa a Corsica incù i Turchi, per a Francia
- 1559 : trattatu di Cateau-Cambrésis, a Corsica hè resa à Genuva
- 1594 : escita di a prima storia di Corsica
- 1725 : nascita di Pasquale Paoli
- 1730 : di decembre, a Corsica dichara a so independenza
- 1731 : e truppe imperiale scalanu in Corsica, dopu à dumanda di Genuva
- 1732 : pace di Corti, chì ùn serà micca respettata
- 1735 : 30 di ghjennaghju, dichjarazione d'independenza da a consulta d'Orezza
- 1735 : prima Custituzione corsa
- 1736 : Teodoru di Neuhoff diventa "rè di i Corsi"
- 1737 : convenzione di Versailles trà a Francia è Genuva
- 1738 : primu interventu francese
- 1747 : secondu interventu francese
- 1755 : u 14 di lugliu, Pasquale Paoli hè proclamatu "generale di a Nazione" da a consulta d'Orezza
- 1755 : seconda Custituzione corsa
- 1765 : apertura di l'Università di Corti
- 1768 : 15 di maghju, per via di u trattatu di Versaglia Genuva cede a Corsica à a Francia. A Corsica dichjara a guerra à a Francia
- 1768 : 9 d'ottobre, vittoria di e truppe di Pasquale Paoli annantu l'armata francese, durante a battaglia di U Borgu
- 1769 : 9 di maghju, disfatta di e truppe di Pasquale Paoli contra à l'armata francese, durante à battaglia di Ponte Novu
- 1769 : 13 di ghjugnu, Pasquale Paoli lascia a Corsica per a Grande Brittania
- 1769 : 15 d'aostu, nascita di Napoleone Bonaparte in Aiacciu
- 1789 : l'Assemblea naziunale francese decreta ch'è « a Corsica face parte di l'Imperiu francese »
- 1790 : creazione di u dipartimentu di Corsica, avendu Bastia cum'è capitale
- 1793 : separazione di Corsica in dui dipartimenti, u Liamone è u Golu
- 1807 : morte di Pasquale Paoli
- 1821 : morte di Napoleone Bonaparte annanta à l'isula di Santa Elena
- 1840 : viaghju di Prosper Mérimée in Corsica
- 1858 : 4 d'aostu : a lingua francese diventa a lingua officiale in Corsica
- 1942 : interventu talianu
[mudificà] Referenze
[mudificà] Ligami annantu à a Reta
- A lingua corsa
- Situ di a prefettura di Corsica
- A lingua corsa adatta à e nove tecnulugie
- Università di Corsica
- A cultura corsa
- Ingurdizie in lingua corsa
[mudificà] Da vede dinù
