Marcu Biancarelli
From Wikipedia
Marcu Biancarelli, di Portivechju, hè natu in 1968, hè unu scrivanu in lingua corsa. Hè statu cofundatori di a rivista A Pian' d'Avretu (1991) è hà publicatu a so prima racolta di puisii in u 1999 (Viaghju in Vivaldia). Hà uttinutu dui volti u Premiu di a Litteratura Isulana di Ouessant pà i so libri di nuvelli Prighjuneri è San Ghjuvanni in Patmos (2001 è 2002). In 2008 una terza racolta di nuvelli, Stremu Miridianu, hè stata riscumpinsata da u Premiu di i Lettori di Corsica. In 2009, infini, hà publicatu u so sicondu rumanzu, Murtoriu.
In l'audiovisuali, hà scrittu pà u filmu Lettre de Porto Alegre (2002) rializatu da Eric Guéret è pinsatu da Serge Orru.
Hà travaddatu dinò pà u teatru è a pezza Bella Sterpa, scritta in cullaburazioni cù Orlando Forioso, fù ghjucata pà a prima volta in Calvi in 2004. Un' altra pezza, Cuntruversa di Valdu Nieddu, fù missa in scena à parta da 2006 da a truppa tiatrali fiumurbaccia I Stroncheghjetta, mentri chì Cristianu Ruspini è Ghjuvan' Petru Lanfranchi adattaiani u rumanzu 51 Pegasi astru virtuali.
Infini hà firmatu i canzoni Corsican beauty (I Cantelli 2005) è ultimu viaghju di Stepan Trofimovich (Paulu Miniconi 2007).
[mudificà] Bibliugrafia
- Viaghju in Vivaldia - Puisii, Le Signet, 1999
- Prighjuneri - Nuvelli, Albiana, 2000 (traduttu in francesu da Ghjilormu Ferrari)
- San Ghjuvanni in Patmos - Nuvelli, Albiana, 2001 (traduttu in francesu da Ghjilormu Ferrari, Didier Rey è l'autori)
- Parichji dimonia - Puisii, Albiana, 2002
- 51 Pegasi astru virtuali - Rumanzu, Albiana, 2003 (traduttu in francesu da Ghjilormu Ferrari)
- Stremu miridianu - Nuvelli, Albiana, 2007 (traduttu in francesu da Ghjilormu Ferrari, Paulu Desanti, Bernardu Biancarelli è l'autori)
- U Domu : un rumanzu cortu chì ùn hè micca statu publicatu par via di l'edizioni classica, ma hè statu postu da l'autori annantu à u so bloggu. U racontu metti in scena dui parsunaghji - Stèfanu è Paulantonu - chì a so missioni hè di purtà un "pacchettu" mistiriosu in Corti. Si cumponi di quattru parti. Parti I Parti II Parti III Parti IV
- Murtoriu - Rumanzu, Albiana, 2009
