Monte Cintu

Monte Cintu (2 706 m) da u rifugiu di l'Ercu (1 667 m)

Geugrafia

• Altitudine : 2 706 metri
• Massicciu : Cintu
• Pusizione geugrafica : 42° 22′ 47″ Nordu, 8° 56′ 44″ Este
• Cumune : Ascu è Lozzi
• Rifugi vicini : rifugiu di l'Ercu (1 667 m), rifugiu d'Ascu Stagnu (1 422 m), rifugiu di Tighjettu (1 683 m)

U Monte Cintu hè u più monte altu di Corsica, a so cima hè 2706 metri sopra à u livellu di u mare. Hè cupartu di neve una parte maiò di l'annata. Si trova in a Corsica Suprana, è suprana a valle di u Niolu, à circa 28 chilometri da u mare à punente è à 50 chilometri da u mare da u cantu uriintale. U nome "Cintu" vene da u fattu chì, vistu da luntanu, a neve li forma una spezia di cinta.

Da a punta, si vèdenu parechji lavi, cum'è u lavu di u Cintu è u lavu d'Arghjentu. Si vede ancu u cuntinente francese s'è u tempu hè chjaru.

A muntagna corsa vista da Calvi. U Cintu hè adestru.

U Cintu vistu da u Niolu, in u mezzu, sopra à u lavu di Calacuccia. A Paglia Orba (2 525 m) à parte manca.

In a cultura corsa

U Monte Cintu hè mintuvatu aspessu in a litteratura corsa è u cantu corsu. Per esempiu :

• In una paghjella tradiziunale di Bustanicu:

Averia ancu cridutu Chì u mare fussi tintu

S'addunissi Monte d'Oru, Monte Ritondu è Monte Cintu.

Nanzu ch'è d'abbandunà Un amore cusì distintu.

• È in a canzone "Ci teneremu caru" d'i Muvrini:

È quandu i nostri cori turnaranu à dà

Chì a Madre Universale ci farà cantà

Ch'è no saremu pronti inseme à pardunà

Chì Monte Cintu fieru ci accumpagnarà.

Riferimenti

• Ceccaldi, Matteiu (1968) Dizziunariu Corsu-Francese Pieve d'Evisa, Klincksieck
• Paghjelle

Ligami

I monti di Corsica

Capu à u Perdatu Monte Cintu Monte d'Oru Monte Falu Monte Incudine Monte Padru Monte Renosu Monte Ritondu Monte Stellu Paglia Orba Punta di l’Oriente Punta Minuta