Corti
Corti (in talianu: Corte) hè una cumune è una cità di u dipartimentu di u Cismonte, situata à u centru di l'isula. Ghjè a capitale storica è culturale di a Corsica. L'abitanti di Corti si chjamanu i curtinesi.
| Corti
| |
|---|---|
| Dipartimentu | Corsica suprana |
| Còdice pustale | 20250 |
| Circundariu | Corti |
| Cantone | Cantone di Corti |
| Merre | Antone Sindali |
| Pieve | Talcini |
| Latitùdine | {{{lat}}} N |
| Longitùdine | {{{long}}} E |
| Altitùdine | media 486 m massimale 2626 m minimale 299 m |
| Pupulazione | 7335 ab. (2015) |
| Nome di l'abitanti | {{{nomab}}} |
| Àrea | {{{sup}}} km² |
Geografia
[mudificà | edità a fonte]Lucalisazione
[mudificà | edità a fonte]A cità di Corti hè situata à u centru di a Corsica, à 68 km di Bastìa è 80 km d'Aiacciu. Ghjè a principale cità di u centru di l'isula è di a regione di u Curtinese.
Rilievu
[mudificà | edità a fonte]A regione di Corti hè muntagnosa. Parechji munti circundanu a cità. U tarritoriu di a cumuna hè situatu trà 299 è 2.622 metri d'altitudine. U pianu d'alta muntagna hè superiore à 1.100 m.
Clima
[mudificà | edità a fonte]Corti pussede un clima mediterraniu influenzatu da u clima muntagnolu, per via di a so pusizione giugraffica. A timperatura media annuale hè di 14°C. L'inverni sò fretti è l'istati caldi. A timperatura più fretta registrada hè di -8,7°C è a più calda hè di 41,1°C.
| Ghj | Fri | Mar | Apr | Mag | Ghj | Lug | Aos | Sit | Utt | Nuv | Dic | Annu | |
|---|---|---|---|---|---|---|---|---|---|---|---|---|---|
| Timp. mas. med. (°C) | 13 | 14 | 16 | 19 | 24 | 28 | 33 | 32 | 26 | 22 | 16 | 12 | 21,2 |
| Timp. media (°C) | 6,5 | 7,5 | 9,5 | 12 | 16,5 | 20 | 24 | 23,5 | 19 | 15,5 | 10 | 6,5 | 14,3 |
| Timp. min. med. (°C) | 0 | 1 | 3 | 5 | 9 | 12 | 15 | 15 | 12 | 9 | 4 | 1 | 7,1 |
| Precipitazione (mm) | 69,2 | 55,1 | 49,7 | 79,1 | 57,5 | 35,7 | 29,1 | 30,7 | 53,4 | 106 | 116,6 | 121,5 | 803,6 |
Vegetazione
[mudificà | edità a fonte]
E cullette di bassa altitudine è e piaghje sò cuperte da a machja. L'arburi tipichi di stu pianu sò l'albitru, a leccia, a scopa, o ancu u pinu marittimu. Circa 1.100 metri d'altitudine ci sò parechje fureste di pinu lariciu o di faiu. A parte di 1.700 metri si trova u pianu muntagnolu, induv'è e fureste sò menu prisente. Da 2.000 à 2.200 metri, in u pianu subalpinu, l'arburi sò guasgì inesistenti. Pudemu trova à st'altitudine l'Alnus alnobetula o a filetta cumuna.
Trasporti è vie di cumunicazione
[mudificà | edità a fonte]Strade
[mudificà | edità a fonte]Parechje strade attraversanu a cità :
- RT 20 - a strada territuriale 20 (Borgu-Aiacciu) passa per Corti
- RT 50 - a strada territuriale 50 (Corti-Aleria) cullega a cità di Corti cù a piaghja urientale
- D 623 - a strada dipartimentale 623 cullega Corti cù a Restonica
Trenu
[mudificà | edità a fonte]
A cità pussede une gara: a gara di Corti. Si pò andà in trenu à Bastìa, Aiacciu è Calvi.
Aerodromi è aeroporti
[mudificà | edità a fonte]L'aerodromu di Corti, situatu à 3 km à u Sudeste di u centru di a cità, hè un aérodromu di turisimu.
L'aeroportu internziunale di Bastìa-Poretta hè situatu à 52 km à u Nordeste di Corti.
Storia
[mudificà | edità a fonte]
Corti acquistò impurtenza quandu u conte Vincentellu d'Istria in 1419 dopu avè scunfittu i ghjinuvesi pressu Merusaglia, fece ricustruì raffurzendula a furtezza preesistente di u XI seculu. Pè trè seculi fù di volta in volta guvernata da i corsi in 1419-1441, 1464-1484, 1553-1556 è in 1755-1769 o da i ghjinuvesi. Da 1755 à 1769 diventa capitale di a Ripublica Corsa di Pasquale Paoli, che vi insediò u guvernu, u tribunale, a zecca è l'Università, poi chjusa da i francesi in 1769 è riaperta solu in 1983. In 1769 venne uccupata definitivamente da i francesi.
Cultura
[mudificà | edità a fonte]A Muresca
[mudificà | edità a fonte]A muresca (o moresca) ghjè un'antica danza corsa di urighjine araba di carattere gruttescu in ritimu binariu o ternariu. Esiste principalmente ind'i ruhjoni d'a Castagniccia, l'Ellerata, u Fiumorbu, u Curtinese e l'Alta Rocca.
L'urighjini di questa danza sarìa ligata à e cruciate in quantu simulìa a lutta trà cristiani è mori. Infine altri studiosi ritenenu chì averìa urighjini assai più antiche è sarìa ligata à rituali cuntadini arcaichi, cumu prupiziazione di u bonu raccoltu rapprisintata da a lutta contru à i spiriti maligni.
A muresca hè una di e danze da l'urighjini assai antiche chì esistenu ancu oghje ind'a forma di danza tradiziunale di alcuni rughjoni taliani: celebri, ad esempiu, hè a muresca di Contigliano, paese di a Sabina.
Citazione
[mudificà | edità a fonte]Corti hè stata mintuvata qualchì volta in a litteratura è u cantu corsu. Per esempiu:
- in a paghjella (racolta da a Ricuccata - Cervioni):
- In Moita, curtinesi Pudianu falà di core
- N'eranu ben ricevuti Da le mamme è le figliole
- Parianu tantu cipressi Cunturnati da viole.
- in u pruverbiu: S'è Corti avissi un portu, d'Aiacciu è di Bastia ni farebbe un ortu.
- in u pruverbiu: Sfida ti di a lingua curtinese è di a penna calvese.
Referenze
[mudificà | edità a fonte]- Saravelli-Retali, F. A vita in Corsica à traversu pruverbii è detti, 1976, Don Bosco.
- Inventariu di e paghjelle di Corsica
