Aleria

Aleria
Dipartimentu	Corsica suprana
Còdice pustale	20270
Circundariu	Corti
Cantone	Moita è Verde
Merre	Anghjulu Fraticelli
Pieve	{{{pieve}}}
Latitùdine	{{{lat}}} N
Longitùdine	{{{long}}} E
Altitùdine	media 10 m massimale 102 m minimale 0 m
Pupulazione	2245 ab. (2015)
Nome di l'abitanti	{{{nomab}}}
Àrea	{{{sup}}} km²

Aleria hè una cumuna di u dipartimentu di a Corsica suprana.

Geografia

U Caterraghju

Aleria hè situata in u centru maiore di a parte centrale di a costa urientale di l'isula. Si trova circa à metà strada trà Bastia è Portivechju, in una zona di pianura à a foce di u fiume Tavignanu, secondu di a Corsica.

Storia

In u 565 a.C. i coloni grechi focei fundonu quì un emporiu cù lu nome di Alalia (Ἀλαλίη in grecu anticu) .

A parte da u 546 a.C., dopu à a cunquista di a Lidia è di a Ionia da parte di Ciru u Grande, l'emporiu fù incrementatu da a ghjunta di i Focei profughi da à cità ionica.

Siguendu Erodotu, a cità vene subitu in cuntrastu cù l'Etruschi è i Cartaghjinesi chì si cunfederonu per attaccà la.

A guerra si cumpiì cù à Battaglia di Alalia avvenuta, trà u 540 a.C. è u 535 a.C., in l'acque di a cità è duve a flotta focea, cù e so 60 pentecontere, frunteghjaronu una flotta di dimensione doppie.
In a battaglia navale i Focei riuscinu à respinghje i nemichi subendu però grave perdite: quaranta di e so navi eranu distrutte. E rimanente, danneghjate in i rostri, ùn eranu micca utilizabile per à guerra.
L'esitu di a guerra li cunvinse à abbandunà a cità per dirighje si versu l'Italia meridiunale, duve fundonu Elea.
Da 'ssu mumentu à Corsica passò sottu u cuntrollu cartaghjinese è etruscu.

In u 259 a. C., durante à prima guerra punica, vene uccupata da i Rumani è cambiò u nome in Aleria.
Sottu Augustu diventa capilocu di l'isula ghjugnendu à avè circa 20.000 abitanti.

U cristianesimu arrivò intornu à u 60 d.C. Vi fu martirizata Santa Devota, patrona di u Principatu di Monacu versu u IIIu seculu. L'uccupazione vandala fù l'iniziu di u decadimentu di Aleria finch'è i Saraceni ùn la distrussenu cumpletamente.

U colpu di grazia arrivò cù l'impadulamentu di u portu è a ghjunta di a malaria chì custrinse l'abitanti à migrà versu l'internu. Intornu à u 1240 Aleria fu assughjettata à a Repubblica Marinara di Pisa, finch'è ùn divente ghjenuvese dopu à a scunfitta pisana à a Meloria in u 1284. In u 1572 i ghjenuvesi custruirunu u forte di Mantra à presidiu di a foce di u Tavignanu è ci mandarunu abitanti di u locu. In u 1840 fù u scrittore francese Prosper Mérimée à scopre i resti di l'antica cità. In u 1920 cuminciònu i primi scavi veri è propri.

Avvenimenti recenti

U 21 d'aostu 1975, una decina di omi, cù l'aiutu di u duttore naziunalista di Corti Edmond Simeoni entronu è occuponu a casa colonica Depeille di un viticultore di Aleria di urighjine pedi neru, suspettatu d'esse mischjatu in unu scandalu finanziariu. U capu di l'Azione reghjunalista Corsa (ARC) fece cunnosce e raghjoni di l'uccupazione: <<Quici vene svelatu lu scandalu di i vini chì mette in causa u pruprietariu di a cantina è parechji i so amichi neguzianti. Dopu à avè beneficiatu di prezzi esurbitanti, i respunsabili di a cantina hanu messu in pedi un'enorme truffa di parechji miliardi di vechji franchi, che hanu distruttu i picculi viticultori.>> U cumunicatu di l'indipendentisti di u 21 aostu 1975 in francese: <<Il s'agit de dévoiler le scandale des vins mettant en cause le propriétaire de la cave et plusieurs de ses amis négociants. Après avoir bénéficié de prêts exorbitants, les responsables des caves vinicoles ont mis sur pied une énorme escroquerie de plusieurs milliards d'anciens francs, au préjudice de petits viticulteurs.>>

U CRS (Compagnie républicaine de sécurité) è 1200 gendarmi circundarunu l'edificiu, cù l'appoghju di blindati è di elicotteri fermandu in attesa di riceve l'ordine d'assale la.

Venneri 22 aostu fù dumandatu à l'uccupanti di a casa colonica Depeille d'arrende si ma, dopu à una sparatoria chì fece due morti trà i gendarmi è un feritu grave trà li manifestanti fora da à casa colonica, venne datu l'ordine. Ghjunsenu novi rinforzi cù l'elicotteri è a folla pruvò di furzà i blocchi di a pulizia, cantandu l'innu corsu è incindandu i resti di a casa colonica è di e cantine cunfinanti. Per tutta a notte Bastia fù teatru di feroci scontri trà manifestanti indipendentisti è gendarmi.

L'ARC si dissolse u 27 aostu è questu pruvocò novi scontri à Bastia, chì si cunclusenu cù un mortu è parechji feriti trà i giandarmi mandati da a Francia cuntinentale.

U dramma di Aleria purtò à a luce u prublema di a ghjestione di e finanze è di a pulitica lucale, è purtò à un boicuttaghju di i vini corsi. Si parla di questu mumentu di a storia corsa come "I tre minuti chì sveglionu a Corsica" fendu ne risorghje u naziunalismu.

Museu dipartimentale d'archeologia Ghjilormu Carcopino

U forte di Matra

U Museu dipartimentale d'archeologia Ghjilormu Carcopino stà in forte di Matra.

Uni pochi d'ogetti esposti :

• 
• 
• 
• 

Altri monumenti

San'Marcellu

• Chjesa di San'marcellu chjesa custruita in u 1462 di i ghjenuvesi nantu i resti di u domu custruitu da i pisani nantu à i resti di un edificiu di u IVu seculu.
• Forte di Matra di fronte à a chjesa, custruitu in u 1572 da i ghjenuvesi. In u forte hè allestitu u Museu dipartimentale d'archeologia Jérôme Carcopino duve si trovanu i resti di a necropuli prerumana è di a cità rumana, cuntene e iputese di l'insediamentu, ceramiche attiche è etrusche, utensili.
• Santa Laurina in un'ansa di u Tavignanu, si trova un edificiu à pianta basilicale in mattone è petra grezza di u IIIu sec., forse un edificiu termale.

Merri

• 2008 - 2014 : Anghjulu Fraticelli, UMP

Citazione

Accade chì Aleria fussi mintuvata in a litteratura è a cultura corsa. Per esempiu in i pruverbii:

• Aleria, Aleria, chì nun ammazza, vituperia.
• Aleria, di punta à Roma, i vechji tomba è i zitelli doma.
• Tana ricca, Aleria bella.

Bibliografia

• Erodotu, Storie (1.163.1) è seguenti.
• Stillwell, Richard, The Princeton Encyclopedia of Classical Sites, (Editors: Richard Stillwell, William L. MacDonald and Marian Holland McAllister) (1976) ISBN 0-691-03542-3  
• Saravelli-Retali, F. A vita in Corsica à traversu pruverbii è detti, 1976, Don Bosco.

Ligami

• Arnestu Papi, Paesi, cità, paisola, loca citati in i pruverbii|

Da vede dinù

• Museu dipartimentale d'archeologia Ghjilormu Carcopino
• Forte Matra
• a Battaglia d'Alalia