Albitru

À prupositu di Wikipedia
Jump to navigation Jump to search
L'albitru
Arbutus sp. fruit.jpg
Arbutus unedo
Classificazioni scentifica
Regnu Plantae
Divisioni Magnoliophyta
Classa Magnoliopsida
Ordini Ericales
Famiglia Ericaceae
Genaru Arbutus
Nomu binuminali
Arbutus unedo
Aiton, 1753
A pecita

L' Albitru (o Arbitru) (Arbutus unedo) hè un arburettu o un picculu arburu chì faci parti di a famiglia di l' Ericaceae.

L'àlbitru pò ghjugna à un altezza di 7 o 8 metri. T'hà i foglii ovali è lungarini, di 2-4 x 10-12 centimetri. U so culori hè verdi scuru. U fiori di l'albitru si chjama a bruma. I fiori di l'albitru sò riuniti è a so corolla hè bianca-giaddiccia o ancu rosulina. U fruttu di l'arbitru hè u bagu. U so culori hè rossu à l'ebbica di a maturità è a forma hè sferica di circa 2 cm. L'albitru fiurisci d'uttrovi o di nuvembri.

L'albitru hè cumunu è tuttu à fattu tipicu di a machja mediterrania. Hè nativu di i paesi di l'Auropa miridiunali ma è moltu diffusu anch'è in California. Si trova dinò annantu à a costa atlantica, sin'à l'Irlanda.

In Corsica[mudificà | edità a fonte]

L'albitru hè cumunu in Corsica. Parechji toponimi facini minzioni di l'albitru: par asempiu a Bocca Albitrina (vicinu à Sartè), u Stagnu d'Arbitru, Arbitru (vicinu à i Monachi).

Gastrunumia[mudificà | edità a fonte]

Incù u bagu, si faci tradiziunalementi l'acquavita.

Si faci dinò a cunfittura di baghi. Par quissa si coglini i baghi rossi rossi, beddi maturi. Si lavani è si asciuvani. Dopu i baghi si lagani à mogliu in un cunconu incù u zuccaru (1 kilò di zuccaru par un kilò di baghi) in polvara, duranti alminu dodici ori. U lindumani, s'aghjusta un bichjirinu d'acqua. Dopu si faci cocia tuttu durenti dui ori, à focu dolci. Di quandu in quandu, si caccia a sciuma.

Citazioni[mudificà | edità a fonte]

L'albitru hè mintuvatu à spessu in a litteratura è a cultura corsa. Par esempiu:

  • in a sprissioni: rossu com'è un bagu
  • in a buccata: rossu imbagatu, rossu imbagarellatu

Rifarenzi[mudificà | edità a fonte]

Da veda dinò[mudificà | edità a fonte]


WikiLettera

'Ssu articulu hè in custruzzioni. Pudeti cuntribuiscia à a so redazzioni.