San Carlu di Bastia
San Carlu, hè u nome d'una chjesa in u centru storicu di Bastia, in Corsica Suprana
Storia[mudificà | edità a fonte]
A chjesa hè stata custruita da i Ghjesuiti in u 1635 [1]. A l'origine, era dedicata à San Ignaziu di Loyola, patrone di i Ghjesuiti. Tandu si truvava à mezu à a campagna. U cunventu si trova à cantu. Oghje hè u cullegiu Simon-Jean Vinciguerra.
Dopu à l'espulsione di l'ordine di i Ghjesuiti in u 1769, l'edifiziu hè statu datu à a cunfraterna di San Carlu è a chjesa hà cambiatu u so nome.
Descrizzione[mudificà | edità a fonte]
A facciata hè caratteristica di u stilu ghjesuitu. Piglia cum'è mudellu a chjesa di u Gesù, in Roma. Hè cumposta di duie parte cun pilastri. A parte superiore hè più stretta, cù un fruntone di forma triangulare è duie grande vulute.
Si vedenu duie statue : San Francescu Saveriu è Sant'Ignaziu.
In giru à a chjesa[mudificà | edità a fonte]
À u pede di u scalone di San Carlu, ci hè una funtana à manu manca. Si chjama funtana di i Ghjesuiti o E trè funtane. Hè stata rifatta in u 1574. Duie grande placche rammentanu e risturazione, in u 1722 è in u 1806.
U cunventu di i Ghjesuiti hè u più anticu di Bastia. Hè statu apertu in u 1635. I Ghjesuiti ci anu assiguratu l'insignamentu segundariu durante l'epica ghjenuvese. Hè u rè Luigi XV chì hà da espulse tutti i Ghjesuiti di Francia, in l'anni 1768-1769. Oghje hè un cullegiu, chì porta u nome di Simon-Jean Vinciguerra.
Nòtte[mudificà | edità a fonte]
- ↑ Bastia : le guide, dirigé par Jean-Baptiste Raffalli, Michel-Édouard Nigaglioni, Éditions Du Patrimoine, 2003