Oratoriu San Roccu di Bastia

À prupositu di Wikipedia
Jump to navigation Jump to search
Facciata di l’Oratoriu San Roccu

L' oratoriu San Roccu hè un edifiziu religiosu chì si trova in u quartieru di Terra Vechja, oghje carrughju Napoléon in Bastia . À l'origine hè a chjesa di a cunfraterna San Roccu.

Storia[mudificà | edità a fonte]

A so storia hè ligata à quella di e cunfraterne di Bastia. A cità ne avia una sola : quella di Santa Croce, situata in u quartieru Citatella è diretta da i Ghjenuvesi. Un manuscrittu di u 1638 conta chì a cumunità corsa, in zerga, decide di creane d'altre. Hè cusì ch'elle sò create duie cunfraterne nove : un gruppu d'adulescenti fonda quella di San Roccu, è un gruppu di adulti fonda quella di l' Immaculata Cuncezziò [1].

A so storia hè dinù ligata à quella di l'epidemie di u Medievu. A grande pesta chì avia culpitu Bastia in u 1569 avia fattu danni tremendi. Si saria firmata di manera miraculosa à l'entrata di a cità grazia à l'intervenzione di San Roccu. Hè pè ringraziallu chì Bastiacci anu custruitu sta chjesa[2].

Descrizzione[mudificà | edità a fonte]

L'oratoriu primitivu di u 1590 hè statu rifattu cumplettamente in u 1604. A facciata hè stata ricustruita tardi, in stile neoclassicu. Quattru culonne tuscane sustenenu un grande fruntone triangulare.

U grande purtò di màrmeru biancu cù a cunchiglia di i pellegrini data di u 1860.

Dentru, i damaschi di seta rossa coprenu i muri, segondu l'usu tradiziunale in Ghjenuva. U decoru di stucci d'oru data di u 1617.

U retablu di l'altare principale hè statu sculptatu in Bastia in u 1692.

L'internu di l'oratoriu
L'organi

Da vede dinù[mudificà | edità a fonte]

Fonte[mudificà | edità a fonte]

  1. Sott'à a direzzione di Jean-Baptiste Raffalli, Bastia : le guide, Paris, Editions du patrimoine, 2003
  2. Sott'à a direzzione di Jean-Baptiste Raffalli, Almanach bastiais : tradizione viva di Bastia è di u so circondu, Comité des fêtes et de l'animation du patrimoine de Bastia, 2007