Lighjenda di u Scuntumatu

À prupositu di Wikipedia
Jump to navigation Jump to search

A Lighjenda di u Scuntumatu (o Legenda di u Scuntumatu) hè una lighjenda di Corsica. Issa lighjenda hè urighjinaria di u paesi di Tassu. Ci era in Tassu, in un locu chì si chjama u Scuntumatu, un chjapponu ind'eddu ci era dui croci tracciati. Issu chjapponu di u Scuntumatu hè statu distruttu quand'eddu hè statu custruitu u stradonu da Ghjuvicaccia à Vutera. Una lighjenda ci dici l'urighjina di issu chjapponu. Issa lighjenda s'assumiglia mori à quidda di a Spusata.

Si dici cusì chì una figliola di Vutera chì avia sempri campatu incù a so mamma s'aia da marità incù un ghjuvanottu di Sampolu. A mamma era vediva è povara ma par u so matrimoniu, a figliola s'aia pigliatu guasi tuttu ciò chì ci era in casa. A mamma era ferma incù guasi nudda in a so casa. Quandu a figliola era partita incù u so spusatu, a mamma era tristissima. Ma subitamenti, vedi affaccà a figliola chì si ni volta in casa. Tandu pensa a mamma : "A me figliola t'avarà avutu u rimorsu, è veni à basgià mi". Ma ùn era micca quissa a spiigazioni. Chì a figliola dissi tandu à a mamma: "Voltu, chì mi so sminticata di piglià a consula di a meda. L'aghju da piglià la". È a figliola riparti tandu incù a consula di a meda par raghjugna u so spusatu. È i dui spusati fecini strada, à cavaddu, annantu à a strada da Vutera à Sampolu. Ma à quandu ghjunti i spusati in u Scunsumatu, a mamma dissi, in colara: "Ch'è tù ti tronchi u coddu in u Scunsumatu !". Ci fù tandu un rimori trimenti è di i dui spusati un firmò più ca un chjapponu incù dui croci annantu.

Rifarenzi[mudificà | edità a fonte]

  • Lucetta Poncin, Vida di u Taravu, Alanu Piazzola, 2004 (in francesu)


E legende di Corsica
A magunella di Petrosu - Legenda di a Spusata - Lighjenda di a stantara d'Apricciani - Legenda di u Frate è a Sora - Legenda di u lavu di Crenu - Legenda di u Scuntumatu - Lighjenda di a torra di Capiteddu - Lighjenda di u limitu trà Frassetu è Bastelica - Lighjenda di i Scali di u rè d'Aragona - Pristaticci