Angulu rettu

In matematica, in particulari in giumitria, l' angulu rettu hè un angulu difinitu in u siguenti modu: s'è da un puntu d'una retta s'alza un' antra retta è l'anguli furmati trà sta è a retta data da una parti è da l'altra sò cungruenti, tandu 'ss'anguli sò retti.

I difinizioni di gradu, radianti è angulu ghjiru implicheghjani ch'è l'angulu rettu hè un angulu di 90 gradi, vali à dì di π/2 radianti o 1/4 di l'angulu ghjiru.

U sinu d'un angulu rettu vali 1, u cusinu 0, a tangenti ùn hè micca difinita (ma tendi à $\pm \infty$ ), a cutangenti 0.

Particularità

S'è un triangulu hà un angulu rettu hè dittu rittangulu. Datu chì a somma di i misuri di i 3 anguli d'un triangulu hè sempri uguali à 180°, un triangulu ùn pò micca avè più d'un angulu rettu (eccittuatu i casi di i triangulu diginerati): l'altri dui anguli devini essa acuti.
S'è dui vettori o dui retti formani un angulu rettu si dicini parpindiculari.
S'è una forza hè asercitata annantu à un corpu in dirizzioni parpindiculari à u so muvimentu, u travagliu risultanti hè nullu.

Da veda dìnò