Gaddura

À prupositu di Wikipedia
Andà à: Navigazione, Ricerca
UniversalEditButton.png

L'ortografia è a grammatica di 'ssu articulu traduttu da u talianu devenu esse verificate. Ci pudete cuntribuisce.

Gaddura
Nome ufficiale: Gallura
Blasone Bandera
Statu: Flag of Italy.svg Italia
Capilocu: Tempiu
Superficia: ~3.000 km²
Pupulazione: ~140.000 ab.
Densità: ~50 ab./km²
Pruvincie: Olbia è TempiuSassari
Cumune: Tarranoa, Tempiu, Alzachena, a Madalena , Caragnani, Luras, Agghju, Bultigghjata, Lungoni, Locusantu, Palau, Aglientu, Trinitài d'Agultu è Vignola, Telti, Golfu Aranci, Badesi, Viddalba, Sant'Antoni di Gaddura, Loiri Poltu Santu Paulu, Santu Tiadoru, Budoni, Padru
Situ ufficiale
Carta
<<V'hè, micca monda luntanu da la Sardigna, un'isula chjamata (...) Corsica. Da quist'isula una parti di la spidizioni venni in Sardigna è avali abitighja in listessu rughjoni riservendu par iddi una parti di li muntagni: da l'indighjeni di la Sardigna partantu, quisti venini chjamati Corsi da lu nomu di la sò patria. Li Cartaginesi (...) suttumittirunu l'abitanti di Sardigna salvu l'Iliesi è li Corsi, par iddi fù sufficienti la prutizioni di li muntagni par ùn essa suttumissi.(...) Di l'alliati Cartaghjnesi quiddi chi erani Africani o Iberichi, (...), quandu venneru in cuntrastu, disertendu arrughjunarunu anch'iddi in li lochi alti di l'isula. Quisti vinirunu chjamati Bálari' in la lingua di li Corsi: è dunqua li Corsi chjamani Bálari l'esuli. Quisti dunqua li pupulazioni ch'iddi uccuparunu la Sardigna è chi, staddatisi quicci, in quista manera si la dividini.>>

Pausania, mitai IIu seculu d.C.

Capu Testa, Santa Tiresa Gaddura

La Gaddura (o Gallura) (in gadduresu Gaddùra /ga'ɖːura/, in sardu Gallùra) hè un rughjoni storicu è giugraficu di la Sardigna. Cumprendi la parti nord'urientali di l'isula, da lu Riu di Coghinas (Cucina) à Monti Nieddu à Santu Tiadoru, mantinendu comu cunfini miridiunali la muntagna di Limbara, è cumprendi la Costa Smiralda. Li centri maiori sò: Tarranoa, Tempiu, Alzachena, a Madalena.

Lu tarritoriu[mudificà | edità a fonte]

Lu tarritoriu hè oghji cumpresu in la nova Pruvincia di Tarranoa è Tempiu è in minima parti la pruvincia di Sassari, mentri prima era cumpresu supratuttu in la pruvincia di Sassari è in minima parti in quidda Nuaru.

Monti Limbara

U toponimu prisenta listessa radica di l'ebraicu galil è di lu finiciu gallal "paesu d'altura", par suttulinià la natura privalentementi muntagnosa (Monti Puntaccia, Monti Abbalata), spezia s'iddu paragunata à quidda piana o cuddinosa di lu cunfinanti Locudoru. Anticamenti chjamata Gallul, Gallula eppo Gallura. Ricca di rocca granitica allisciata da lu ventu, da l'acqua è da lu mari, spezia ind'è li costi, sculturi naturali di formi curiosi com'è quidda di l'Ursu vicinu à Palau, dani à la Gaddura un aspettu assai urighjnali, assai sumiddenti à quiddu di lu sudu di la Corsica è ch'iddu laca spaziu solu versu lu nordu à calchì fertili pianiccia. La vighjitazioni spuntanea hè furmata da la machja maditarrania (listincu, muchju, albitru, murta ecc.). L'internu inveci hà un aspettu diffarenti, più riparatu da li venti è carattirizzatu da impunenti affiuramenti granitichi è buschi di Licci è suvari è lu travaddu di st'ultimu arburi hè oghji una di li principali attivitai. A Gaddura storica cumprendi 22 comuni, 21 in Pruvincia di Tarranoa è Tempiu è 1 in pruvincia di Sassari: Tarranoa, Tempiu, Alzachena, a Madalena , Caragnani, Luras, Agghju, Bultigghjata, Lungoni, Locusantu, Palau, Aglientu, Trinitài d'Agultu è Vignola, Telti, Golfu Aranci, Badesi, Viddalba (SS), Sant'Antoni di Gaddura, Loiri Poltu Santu Paulu, Santu Tiadoru, Budoni, è Padru.

Storia[mudificà | edità a fonte]

Alzachena, Tumba di li Giganti Coddu Vecchju.

Urighjni è Preistoria[mudificà | edità a fonte]

'Un hè stata ancora pruvata la prisenza di l'omu in Gaddura in lu paleuliticu. L'omu hè ghjuntu in Sardigna circa 700.000 anni fà, à traversu lu bloccu sardu-corsu, dopu à avè passatu lu strittu di mari ch'iddu lu cunghjunghji à l'archipelagu Tuscanu. Hè dunqua monda prubabili la so prisenza ancu in Gaddura. La più antica prisenza di l'omu in Gaddura hè di lu neoliticu. In Aglientu in lucalitai Lu Litarroni è à "Cala Corsara" annant'à l'isula di Spargi hè stata truvata una gren' quantitai di ceramica è di ossidiana pruvinenti da lu Monti Arci. Quistu indichighja, ancora una volta, la Gaddura comu lu passaghju ubblicatu "di l'oru nieddu" in l'antichitai. Li rotti da è par la Sardigna erani beddi cunnisciuti è li so risorsi richjamavani monda ghjenti è idei. A Gaddura hè stata pupulata da ghjenti corsi fin' da l'antichitai prerumana. In epica nuragica la Gaddura hè stata una testa di ponti par la diffusioni di la cultura nuragica in lu sudu di la Corsica è particularmenti di la tipulugia à "curridoriu" (imparintata cù li custruzioni torreane di la vicina Corsica è di quidda mista curridoriu-tholos), suventi accumunati da l'accuppiamentu di strutturi architittonichi cù li rocchi inghjiru.

Epica Rumana[mudificà | edità a fonte]

Dapoi la cunquista di la Sardigna da parti di li rumani (238 a.C.) la citai di fundazioni punica di Tarranoa diveni assai impurtanti essendu lu portu piu vicinu à la penisula taliana, culligatu à Calares è Turris Lybissonis.

A basilica rumanica di Santu Simpliciu à Tarranoa

Epica Ghjudicali: lu Ghjudicatu di Gaddura[mudificà | edità a fonte]

Giudicati sardi 1.svg

Dapoi lu dicadimentu di Olbia par causa di l'incursioni di li Vandali da lu 594 Phausiana hè sedi di lu Viscamu par iniziativa di lu Papa Grigoriu Magnu, sustituita in epica ghjudicali da quidda di Civita. In lu medievu, da la mitai di lu IX seculu la Gaddura diventa unu di li quattru Ghjudicati (o Regni) autonomi chi tandu dividiani l'isula, cù capilocu Civita (a Tarranoa ughjinca). Lu Ghjudicatu di Gaddura cumprindia li rughjoni storichi ughjinchi di la Gaddura, di li Barunii è parti di lu Nuaresu è à capu di lu Regnu (logu) v'erani lu munarca chjamatu Ghjudici (Judike) è un Cunsiddu (Corona de Logu). Ancu s'iddu lu capilocu era Civita (ricustruita annant'à l'antica citai rumana di Olbia), la corti ghjudicali si spustava tra li maghjori centri di li Curatorii di lu Regnu. Hè stata una risidenza Ghjudicali lu casteddu di Baldu vicinu à Locusantu. In lu 1073 in una apistula ch'iddu lu Papa Grigoriu VII invia à li Ghjudici Sardi par invità li à la suttumissioni à la Ghjesgia di Roma cumpari par la prima volta lu nomu "Gallura" in lu Costantinus Gallurensis. In antri ducumenti cumparirà ancu in li formi Gallul, Gallulu, Gallula è dapoi Gallura.

A cattidrali di Santu Petru in lu centru storicu di Tempiu

Bisogna inveci aspittà una Carta Pisana di la mitai di lu XIII seculu par vida lu toponimu Galorj (vicinu all'ughjinca Punta Nera à Palau) annant'à una carta giugrafica. L'ultimu Ghjudici di Gaddura fu Ninu Visconti in lu 1296 è lu stemma di lu Regnu era un ghjaddu, tutt'oghji prisenti annan'a tutti li campanili di li ghjesgi gadduresi.

Epica aragunesa è iberica[mudificà | edità a fonte]

In Epica tardu-medievali è aragunesa à l'abbandonu di Civita (chjamata avà "Terranova") è à lu spupulamentu di li costi uppressi da l'incursioni pirateschi arabi currispondi un sviluppu maiori di li rughjoni muntagnosi interni è di la citai di Tempiu. Trà lu Cinqucentu è lu Setticentu la crescita di l'imigrazioni da la Corsica n'ha cundiziunatu lu carattari di l'abitanti, chi rifletti ancu oghji specificitai rispettu à lu restu di la Sardigna, è portani à la furmazioni di lu dialettu gadduresu è à la cultura di li stazzi.

Unu stazzu gadduresu ristauratu

Epica sabauda[mudificà | edità a fonte]

In lu 1839 lu Viscamu veni spustatu à Tempiu, di pocu divintata citai (1836) è capilocu di pruvincia (da lu 1807 à lu 1821 è da lu 1833 à lu 1859).

Da lu XXu seculu à oghji[mudificà | edità a fonte]

Cù la fini di l'ottucentu è lu XXu seculu incu lu midduramentu di li culligamenti è lu sviluppu turisticu s'hè invirtuta la tindenza demugrafica à favori di la marina (spezia trà Santa Tiresa, la Costa Smiralda è Santu Tiadoru) è di la citai di Tarranoa (Olbia). A Gaddura hà lu maiò redditu pro-capite di la Sardigna.

Linguistica[mudificà | edità a fonte]

In Gaddura si parlani dui lingui: lu gadduresu (cunsidaratu sicondu i linguisti com'è un dialettu corsu, una variità di lingua sarda o ancu com'è una lingua per se) è lu sardu logudoresu in la varietai sittintriunali, ch'iddu ha in ugna casu piddatu parti di lu lessicu corsu è gadduresu adattendulu à la struttura di la lingua sarda.

suttu-varietai di gadduresu

U Gadduresu, urighjnatusi in l'Alta Gallura, hè parlatu in guasi tutta la Gaddura, da Viddalba (Viddavechja) à Santu Tiadoru, salvu li centri di Olbia è di Luras è di parti di li campagni di Golfu Aranci, mentri lu locuduresu - ch'iddu finu à lu 1400 era spartu in tutta la Gaddura hè ogghji parlatu à Olbia, Luras, parti di tarritoriu di Golfu Aranci, in lu centru di Padru e Budoni.

Annant'à l'isuli di la Matalena particularmenti si parla l'isulanu, una varianti di lu Corsu monda vicina à quidda parlata in l'internu di Bunifaziu cù calchi influenza Ghjenuvesa e Punzesa.

In Agghju si parla un gadduresu curiosu, cù carattiristichi sassaresi in la prununzia, mentri Bultighjata hè avà gadduresofuna, ma fin'à mitai di lu seculu passatu parlava un sardu logudoresu assai intaccatu da lu gadduresu.

Architittura è munumenti maiori[mudificà | edità a fonte]

L'architittura di la Gaddura si carattirizzighja par la gren'utilisazioni di lu granitu.

Preistoria è Epica nuragica[mudificà | edità a fonte]

  • Necropuli di Li Muri à Alzachena
  • Puzzu sacru di Sa Testa à Tarranoa
  • Tomba di li Giganti di Su Monte de s'Ape à Tarranoa
  • Tomba di li Giganti di Coddu Vecchju à Alzachena
  • Tomba di li Giganti Li Lolghi à Alzachena
  • Tomba di li Giganti "Pascaredda à Caragnani
  • Naracu Albucciu à Alzachena
  • Naracu Maiori à Tempiu

Epica rumana[mudificà | edità a fonte]

  • Resti di la citai rumana è di l'acquidottu di Tarranoa

Epica medievali è ghjudicali[mudificà | edità a fonte]

  • Basilica di Santu Simpliciu à Tarranoa (XI-XII sec.)
  • Casteddu di Pedres à Tarranoa (1296-1388)
  • Casteddu di Balaiana à Locusantu
  • Palazzu di Baldu à Locusantu
  • Frammenti medievali in la casa falzamenti attribuita à Ninu di Gaddura à Tempiu
  • Ghjesgia di Nostra Signora di Locusantu

Munumenti di lu quattrucentu à lu setticentu ibericu[mudificà | edità a fonte]

  • Facciata goticu-aragunesa di l'Oratoriu di lu Rusariu à Tempiu
  • Stazzi in li campagni gadduresi
  • Casa Parruchjali di Santa Ghjusta à Caragnani (XVII sec.)
  • Oratoriu di Sant'Anna à Caragnani
  • Oratoriu di Santa Cruci, di lu Rosariu, di Sant'Anna è di la Madonna di Itria ad Agghju
  • Parruchjali cù campanili è oratori di lu Purgatoriou è di Santu Petru à Lurisi
  • Palazzu Pes-Villamarina à Tempiu
  • Palazzu di li Scolopi incu la corti purticata à Tempiu
  • Cumplessu di lu Santuariu, di la Parrucchjali è di lu Campusantu di Nucchisi
  • Santuariu di la Nativitai di Maria à Locusantu
  • Palazzeddi in granitu in li centri storichi di Tempiu, Agghju è Caragnani

Epica sabauda è ottucentescha[mudificà | edità a fonte]

  • Ghjesgi di campagna in li campagni gadduresi
  • Pianu di espansioni di a Madalena (1777)
  • Pianu Riguladori di fundazioni sabauda di Lungoni di l'ing. Franciscu Maria Magnon (1808)
  • Ampliamentu di la cattidrali di Santu Petru à Tempiu (XIII sec.) è supralivazioni di lu campanili quattrucentescu
  • Facciata è cupartura di la Ghjegia medievali di Santa Cruci (XIII sec.) à Tempiu
  • Santuariu di lu Bon Caminu à Lungoni
  • Ghjesgia di la Santissima Trinitai à Trinitai d'Agultu
  • Vidda Tamponi à Tarranoa (1870)
  • Palazzu Cumunali à Tempiu (1882)
  • Vidda Weber à a Madalena

Epica ughjinca[mudificà | edità a fonte]

  • Casa Cumuna di Tarranoa
  • Scoli elementari "Vecchju Casigghjatu" o "Sculasticu" à Tempiu (1910/1917)
  • Scoli elementari "Sculasticu" à Tarranoa (1911)
  • Tiatru di lu Carmini à Tempiu (1928-1929)
  • Stazioni è ufficini farruviarii di Tempiu (1930-33) cù pinturi di Ghjaseppa Biasi (1931-32)
  • Archititturi di la Costa Smiralda

Voci currilati[mudificà | edità a fonte]

Bibliugrafia

  • S. Chessa, Le Dimore rurali in Sardegna, con particolare riferimento al Monteacuto, al Goceano, al Meilogu e alla Gallura, Cargeghe, Documenta, 2008.