Listincu

À prupositu di Wikipedia
Andà à: Navigazione, Ricerca
U listincu
Listincu.jpg
Pistacia lentiscus
Classificazioni scentifica
Regnu Plantae
Divisioni Magnoliophyta
Classa Magnoliopsida
Ordini Sapindales
Famiglia Rosaceae
Genaru Pistacia
Nomu binuminali
Pistacia lentiscus
Linnaeus, 1753
U listincu

U listincu (o lustincu) (Pistacia lentiscus) hè un arburettu chì faci parti di a famiglia di l'Anacardiaceae. U listincu hè altu trè o quattru metri. Fiurisci da marzu à aprili.

Parechji sinonimi di Pistacia lentiscus sò: Pistacia brevifolia, Pistacia chia, Pistacia gummifera, Pistacia narbonensis.

In Corsica[mudificà | edità a fonte]

Pistacia lentiscus Sardinia LM.jpg

U listincu, com'è a scopa, l'arbitru o a ghjinestra, hè una pianta cumuna è tipica di a machja corsa.

L'oliu hè sempri statu ottinutu in i rigioni di u Mediterraniu, à parta da l'ugliastru, eppo dopu, à parta da a variità cultivata: l'alivu. Ma in i tempi, si facia dinò, in Corsica com'è in Sardegna, un oliu di listincu. Si cugliia i picculi bachi di u listincu è si mittiani in una sporta. Dopu à a racolta, 'ssi bacareddi sò missi, beddi sparti, in un locu apartu duranti trè o quattru ghjorna. À u capu di qualchì ghjornu, i baghi perdini un pocu di a so acqua è diventani vizzi. Dopu si cacciani i vetti è i casci. Si caccia dinò a pula chì hè attaccata à i bachi. Dopu i bachi chì fermani si mettini in acqua è si facini bodda in una paghjola duranti una meza ora. Tandu si pò veda un dipositu niricciu annantu à i lati di a paghjola. È i graneddi diventani giaddi chjari. Si caccia dopu a sciuma da i graneddi chì sò diventati gonfii. Eppo i graneddi sò sfracicati.À la fini, s'otteni un oliu di culori verdi. 'Ssu oliu si pò cunsirvà duranti parechji anni, è ancu sin'à un dicenniu.

In u Maroccu, 'ssu oliu di listincu s'usava contra i brusgiaturi o par calmè u mal di spinu. In casa, 'ssu oliu ghjuvava dinò par fà si u lumu. In parechji paesi di l'Africa di u Nordu è di l'urienti, l'oliu di listincu era mischiatu incù a pasta d'amanduli è a farina, par fabbricà speziu di buttirulu. In Sardegna, l'oliu di listincu si manghjava annantu à u pani biscottu.

À i ghjorna d'oghji, incù u listincu, si faci un oliu escinziali.

U listincu era usatu à spessu in Corsica par fà i sporti, com'è a murta o a vetriccia.

Da veda dinò[mudificà | edità a fonte]

Rifarenzi[mudificà | edità a fonte]

  • Mai, B.T., Girard M., De Lanfranchi, F. (2005), U listincu: un "alivu" sminticatu ?, Stantari, pagine 41-46 (in francesu)

Liami[mudificà | edità a fonte]