Torra di Roccapina
A turra di Roccapina (o Torra di Roccapina) hè una turra di Corsica, di u seculu XVII.[1] Hè una turra ghjinuvesa, situata annantu à a cumuna di Sartè, à un'altezza di 134 metri. Faci parti d'un insemu di turri di u dispusitivu di difesa missu in piazza da i Ghjinuvesi, trà u 1605 è u 1611, chì à quidd'ebbica, tutti i costi di l'isula erani abbuttati da i Barbareschi, in particulari quiddi di u litturali di a Corsica di punenti.
Accantu à a turra, ci si trova un munimentu naturali di Corsica: u Lionu di Roccapina.
Da a turra, ci hè a vista annantu a piaghja d'Arbaghju, annantu à l'Omu di Cagna, annantu à I Monachi è annantu à a Turra d'Ulmetu.
Storia
[mudificà | edità a fonte]
L'edificazioni di a turra di Roccapina fù prugittata in un ducumentu di 1573, chì discrivi u prugramma di l'ultima fitta di custruzzioni di i turri di u litturali. Quidda di Roccapina hè stata custruita in circa 1610-1612, da Giovanni de Cauro, chì custruì dinò a turra di Sinetosa. A turra era vardata da un capu è dui suldati pagati da u Tinenti di Sartè. Ma a turra ùn fù più vardata à u principiu di u seculu XVIII.
Discrizzioni
[mudificà | edità a fonte]'Ssa turra circulari s'inalza annantu à trè liveddi tradiziunali : basamentu cecu, pianu partusgiatu incù una porta, è tarrazza. I piumbatoghji di a curona sò rimpiazzati da di i brittischi. À l'internu, a pezza di u prima pianu hè cuparta d'una cupula. Unu pozzu fala in a cistarra. Annantu à a tarrazza, a varghjola di scali hè sparita. Ci sò parichji archeri, ma a volta hè aparta, à u liveddu di u sicondu pianu.
Prutizzioni
[mudificà | edità a fonte]A turra di Roccapina hè classata com'è munimentu storicu dipoi 1994.
Accessu
[mudificà | edità a fonte]
Annantu à u stradonu d'Aiacciu à Sartè, si pidda a strada chì và in Roccapina, insin'à à piaghja. À quandu ghjuntu à a piaghja, ci hè un grossu chjapponu. Da quì, ci hè un stradeddu chì codda insinamenti à a turra, in circa una meza ora.
Noti
[mudificà | edità a fonte]- ↑ 'Ss'articulu pruveni in parti da l'articulu currispundenti di a wikipedia in francesu.
Bibliugrafia
[mudificà | edità a fonte]- Leandri, Franck è Chabot, Laurent (2003). Munimenti di Corsica, Edisud. Aix-en-Provence (in francesu)
Liami
[mudificà | edità a fonte]Da veda dinò
[mudificà | edità a fonte]