Omu di Cagna

À prupositu di Wikipedia
Jump to navigation Jump to search
L'Omu di Cagna
A vista annantu à l'Omu di Cagna da i caseddi di Naseu

L'Omu di Cagna hè un munimentu naturali di Corsica. Situatu à una altezza di 1217 metri, in i monti di Cagna, si cumponi di parichji cantona, l'unu annantu à l'altru. Sopra, ci hè un chjapponu chì pesa parichji tonni, più o menu tondu è largu parichji metri, in equilibriu annantu à una tola rittangulara.

U nomu Omu di Cagna veni da u fattu chì u munimentu naturali, vistu da luntanu, hà una forma antrupumorfa, u chjapponu subranu s'assumiddendu à u capu di un parsunaghju.

Itinerariu[mudificà | edità a fonte]

Da u stradonu naziunali N196, si pidda u stradonu dipartimintali D50 è si ghjugni in Munacìa d'Auddè. Da quà, si và insinamenti à u paesi di Ghjannucciu. Da a parti suprana di u paesi, ci hè un stradeddu chì porta in circa dui ori è mezu, insin'à l'Omu di Cagna. Ci voli à cuntà un'ora è mezu par falà.

Citazioni[mudificà | edità a fonte]

A muntagna di Cagna, vista da a turra d'Ulmetu

Accadi chì l'Omu di Cagna fussi mintuvatu in a cultura è in a litteratura corsa. Par asempiu:

U lionu di Roccapina
Hà dittu à l'Omu di Cagna
S'è tù vardi la muntagna
Ié ti vardu la marina.
Salutami l'Omu di Cagna
È l'Ospedale cun Bavella
Di lu Cuscionu la muntagna
Incù l'Alcudina per stella.

Liami[mudificà | edità a fonte]

Da veda dinò[mudificà | edità a fonte]


I munimenti naturali di Corsica

Arcu di l'Ursini - Arcu di u Scandulaghju - Lionu di Roccapina - Omu di Cagna - Tafonu di u Cumpuleddu -