Torre di Corsica

À prupositu di Wikipedia
Andà à: Navigazione, Ricerca

E torre genuvese di Corsica sò stati custruite, dopu à a dumanda di a populazione, per pruteghje l'isula da i pirati.

E torre eranu un sistema di difesa di a populazione corsa. Quandu ci era un periculu, i torreghjani avvertianu a populazione, à sonu di culombu o accidendu un focu à u pianu superiore di a torra. Cusì e torre chì eranu piazzate accantu pudianu dinù privene quesse altre. Cusì, in una ora o dui, tutta a Corsica era prevenuta.

Ci era parechji piani in e torre. Cumportavanu dinù l'archere. À u pianu superiore, ci era una rangata di piumbatoghji. Ci eranu e scale per passà da un livellu à l'altru di a torra.

A maiò parte di e torre genuvesi sò ronde, ma una parte sò quatrate.

Storia[mudificà | edità a fonte]

A custruzzione di e torre genuvese di Corsica hà cuminciatu à u XVIesimu seculu, quandu à pupulazione di l'isula hà dumandatu à Genuva una prutezzione contra à i pirati è l'invasori chì vinianu da u mare. In u 1531, a custruzzione di nuvanta torre annantu à u litturale di a Corsica hè dicisa. I travaglia cumincionu sottu a direzzione di Sebastiano Doria è Pietro Filippo Grimaldi Podio. À u principiu du i XVIIIesimu seculu, si pudia cuntà 85 torre annantu à u litturale di Corsica.

Prutezzione[mudificà | edità a fonte]

Attualemente, fermanu 67 torre. Parechje sò sfundate, ma uni pochi sò bè cunservate. Bon' parechje sò classate cum'è munimenti storichi.

Galleria d'imagine[mudificà | edità a fonte]

Ligami[mudificà | edità a fonte]


WikiLettera

'Ssu articulu hè in custruzzioni. Pudeti cuntribuiscia à a so redazzioni.