Euru

L'Euru (ευρώ in grecu, евро in bulgaru, evro in slovenu, è ewro in maltese) hè a muneta cumuna in quindici paesi di a zona euru. I paesi sò l'Austria, u Belgiu, Cipru, a Finlandia, a Francia, a Germania, a Grecia, l'Irlanda, l'Italia, Lettonia, Lituania, u Lussemburgu, Malta, i Paesi Bassi, u Portugallu, a Slovenia, a Slovachia è a Spagna.

U simbolu di l'euru

Euru 2023

L'euru hè ancu impiegatu di manera ufficiale da paesi fora di l'Unione Europea :

Infine, ci vol'à completà st'elencu cù i paesi ch'impieganu l'euru senza quatru legale :

u Kosovo
u Montenegru

U simbolu di l'euru hè : €

Storia[mudificà | edità a fonte]

L'euru hè l'erede di l'European Currency Unit. Fù privistu da u Trattatu di Maastricht di u 1992, è hè diventatu a muneta officiale di a zona euru in u 1999, prima di diventà ancu a muneta fiduciaria in u 2002.

Crisi di u 2010[mudificà | edità a fonte]

In 2010, l'euru cunnosce una crisi importante per causa di una crisi di cunfidenza di i mercati finanziarii in e debite suvrane. Quessa crisi si scrive in quella, longa è profunda, di a crisi economica di u 2008. Cuminciò cù una speculazione nant'i tituli di u tesoru grecu, à a fine di l'annu 2009. Stu paese cunnuscìa una debita di 120% di u PIB ^[1]. Avìa digià mentitu à propositu di e so statistiche ecunomiche è budgetarie. Per quesse ragione, a Grecia ebbe difficultà pè finanzià si, ciò chì era un prublemu tamantu postu chì u tassu di deficitu budgetariu era di 13%. L'agenze di nutazione finanzarie anu dunque sgradatu a debita greca, dendu la una nota di BBB+ (Standard and Poor's).

A Grecia dumandò dunque un aiutu da l'Unione Auropea, dicendu chì ne avìa bisognu pè ùn esse in fallita, è chì, senza aiutu auropea, dumandarìa l'aiutu di u FMI. Invece, pè assicurà i mercati finanziarii, u guvernu grecu (socialistu) dichjarò chì vulìa riduce u so deficitu da 13% à 2,8%, un tassu di deficitu cumpativule cù i criterii di Maastricht. Senza surpresa, e mesure annunziate pè parvene à 'ssu scopu cagiunonu manifestazione tamante in u paese sanu.

Ma i dirigenti auropei mettenu tempu à mette si d'accunsentu pè stabilì un pianu d'aiutu, perchè Angela Merkel, a cancilliera tedesca, ci era opposta. Quessa fece calà a muneta unica. Di maghju, dopu a terza greva generale in u paese, u Cunsigliu Auropeu si mette finalmente d'accunsentu pè un creditu di 110 milliardi d'euri à a Grecia, in trè anni. Ma 'ssu aiutu ùn essendu bastante, deve esse cumpiettatu da un aiutu di u FMI, ciò chì hè statu interpretatu cumu un sintumu di l'assenza di guvernanza economica di a zona euru, è di sulidarità frà i paesi membri.

A crisi greca si spartò pocu à pocu in altri paesi auropei, cumu u Portugallu, è a Spagna. A a fine di u mese di maghju, u novu guvernu inglese di David Cameron (conservatore-liberale) annuncia anc'ellu un pianu d'austerità, seguitatu da u guvernu talianu, è tedescu. Ancu in Francia u guvernu annunciò misure pè riduce u deficitu. Di ghjunghju, u guvernu ungherese di Viktor Orbán (conservatore) pruvucò à u so tornu una panica, fendu calà ancu a borsa di New York, dicendu chì u guvernu sucialistu à u putere fin'à maghju averebbe mentitu nant'i conti publichi, è i pronostichi economichi, nanzu di rivenè nant'à 'sse dichjarazione^[2].

E consequenze nant'i tassi di scambiu di l'euru funu (è, a u mumentu di scrive 'ss'articulu, fermanu sempre) importante. Difatti, in nuvembre di u 2009, 1€ si cumprava cù 1,5$, è in fine di maghju 2010, 1,2$ solu eranu bastanti.

Pezze è biglieti[mudificà | edità a fonte]

I biglieti di banca di l'euru sò tutti listessi.

Valore d'u biglietu	5 €	10 €	20 €	50 €	100 €	200 €	500 €
Vistu di faccia
Vistu di dossu

E pezze, elle, anu dui faccie :

una chi firma a stessa in ogni paese di a zona euro
una detta "naziunale", chi scambia

L'Europa in lu mondu			L’Europa cume Alleanza di Stati			L’Europe senza fruntere
0,01 €	0,02 €	0,05 €	0,10 €	0,20 €	0,50 €	1 €	2 €
						Faccia cumuna di a pezza di 1 euru

A Pulitica Monetaria Auropea[mudificà | edità a fonte]

A pulitica monetaria auropea hè decisa di manera independente da a Banca Centrale Europea, in Francfort, in Germania.

Sedia di a BCE in Francuforte nant'à u Menu.

U valore di l'euru[mudificà | edità a fonte]

L'euru in pettu à astre munete[mudificà | edità a fonte]

Variazzone di lu tassu di cambiu di l'euru scontr'à u dollar, u yen è a lira sterling. U tassu hè calibratu à 1 pè lu 1u ghjennaghju 1999 :
Verde: Jan-1999: €1 = $1,18 ; aostu 2007: €1 = $1,37
Rossu: Jan-1999: €1 = ¥133 ; aostu 2007: €1 = ¥162
Turchinu: Jan-1999: €1 = £0,71 ; aostu 2007: €1 = £0,67

L'anziane munete rimpiazzate da l'euru[mudificà | edità a fonte]

Fin'à 1999 è 2002, a muneta impiegata in Francia è dunque ancu in Corsica era u francu francese.

Referimenti[mudificà | edità a fonte]

↑ Analisa di u situ «Les Échos» nant'a crisi di a debita grecca
↑ [http://www.hu-lala.org/?p=8257 Articulu in francese nant'à 'sse dichjarazione

Ligami[mudificà | edità a fonte]

Situ ufficiale
Situ ufficiale di a BCE
Una storia di l'euru nant'u situ di a Banca di Francia
Biglieti di banca di l'euru (in inglesu) (in tedescu)

	I stati membri di l'Unioni Auropea
Austria - Belgica - Bulgaria - Cechia - Cipru - Croazia - Danimarca - Estonia - Finlandia - Francia - Ghjermania - Grecia - Irlanda - Italia - Lettonia - Lituania - Lussemburgu - Malta - Paesi Bassi - Polonia - Portugallu - Romania - Sluvacchia - Sluvenia - Spagna - Svezia - Ungheria

[1] Analisa di u situ «Les Échos» nant'a crisi di a debita grecca

[2] [http://www.hu-lala.org/?p=8257 Articulu in francese nant'à 'sse dichjarazione

[1]

[2]