Carrughju Napuleò (Bastia)
U carrughju Napuleò, in francese rue Napoléon, hè un carrughju di Bastia, situatu in u quartieru di Terra Vechja.
Era a via principale di a cità nanzu à a a custruzzione di i casali di A Traversa (boulevard Paoli).
U carrughju hè statu difesu à e vitture. Hè diventatu pedunale in u 2013[1]. Oghje ci si trovanu parechji cummerci, sopr'à tuttu alimentarii[2].
Situazione
[mudificà | edità a fonte]
U carrughju Napuleò principia à u nordu in cima di a piazza Santu Niculà. Si compie à meziornu da E Terrazze, in francese rue des Terrasses.
Parechji carrughji ci sboccanu :
- Carrughju Jean Casale
- Carrughju San Roccu
- Carrughju di l'arillogiu à sole (rue Neuve Saint-Roch)
- Carrughju Jacques Faggianelli
- Carrughju di a Cuncezziò
- Carrughju Funtana Nova
- E Terrazze (rue des Terrasses)
Lastra di u carrughju di l'arillogiu à sole 
E Terrazze 
Carrughju San Roccu
Munumenti
[mudificà | edità a fonte]Ci sò duie chjese situate carrughju Napuleò : San Roccu è A Cuncezziò.
-
San Roccu -
A Cuncezziò
_-_2021-09-12_-_2.jpg)
Lochi d'interessu
[mudificà | edità a fonte]À u numeru 13, sopr'à u purtone di u casale ci hè un bassurilievu chì rapresenta una Madonna di l'Immaculata Cuncezzione. Fatta di marmeru biancu, hè di u XVIIIu seculu.
À u numeru 11, sopr'à a porta d'entrata ci hè un bassurilievu in teghja chì rapresenta dui griffoni. Portanu un stemma.
À u numeru 8 ci hè una piccula statua chì rapresenta à Santa Catalina d'Alessandria.
À u numeru 9 si vede un balcone in ferrru à u quintu pianu. Ci si vede un fiore di gigliu stazzunatu, simbulu di a munarchia francese. Si pò dunque datà trà u principiu di a cunquista francese (1768) è a rivuluzione (1789).
