Dumenicu Carlotti
Dumenicu Carlotti (1877-1948) hè statu un scrivanu in lingua corsa. Era piuttostu cunnisciutu per via di u so cugnome: Martinu Appinzapalu. Hè natu in u Petrosu in u 1877.
Bibliugrafia[mudificà | edità a fonte]
- Raconti è fole di l’isula persa
- A Corsica in pruverbi è detti: 1100 pruverbi è detti
- Addiu à i Muraccioli, Aiacciu, Stamperia A Muvra, 1925
- Racconti e leggende di Cirnu Bella, Giusti, Livorno (1930)
- U Rè di Corsica, puema allegoricu, Ajacciu, Stamparia di A Muvra , 1929
- Pampane corse, Prefaziu di Santu Casanova, Bastia, Stamperia A. Piaggi , 1926
Strattu[mudificà | edità a fonte]
L’usteria di i latroni
U ghjovanu scarparu Ghjuvan Valentu hà tombu mille mosche è ne hà feritu cinque centu. A so nomina ghjugne ignalocu.
Viaghjava annantu u so sumerellu arechjilongu è schinchiseccu senza nè danaru nè bagagli. È, tocchi tocchi, viaghjendu, eccu ti chì dopu trè ghjorni cuminciava à disperà si quand’ellu ti ghjunghje davanti una bellissima usteria à mezu boscu.
Tempu vistu lu :
— Ghjuvan Valentu, Ghjuvan Valentu, tomba mille è ferisce cinque centu ! Umbè, umbè !
L’usteria era piena di latroni, eccu ti chì, presi di paura intesu u nome di l’eroe, scappanu in furia è in fretta, per porte è purtelli, lascendu si a magnusca annantu tavula, è arme rilucente, è cavalli boni. Ghjuvanni si scavalca è si mette tranquillamente à tavulinu. C’era un pranzu numeru unu, mancu toccu.
— Magnate, o illustre paladinu, disse l’usteriaghju. Vi devu a vita. A vostra sola presenza m’hà sbarrazzatu di sti latroni.
— Altru aghju fattu ! disse fieramente, à corpu techju, Ghjuvan Valentu.
È si colse da cavallu à u più bellu cavallu, quellu di u capulatrone. È dendu un colpu di spronu.
— Sì mai avete bisognu d’aiutu, fate mi cennu. Finchì Ghjuvan Valentu ùn sarà mortu nisunu vi farà tortu !
L’usteriaghju è a servitù s’inchjinonu fin’à terra.
'Ssu artìculu hè in custruzzione. Pudete cuntribuisce à a so redazzione.