Lingua di diavulu

À prupositu di Wikipedia
Serapias cordigera
Serapias cordigera
Classifica scentifica
Regnu Plantae
Classa Lycopodiopsida
Divisione Tracheophyta
Sottudivisione Spermatophytes
Ordine Asparagales
Famiglia Orchidaceae
Generu Serapias
Nome binuminale
Serapias cordigera
Carl Linnaeus, 1763

A Lingua di diavulu (Serapias cordigera) hè una spezia di pianta chì face parte di a famiglia di l'Orchidaceae.

Descrizzione[mudificà | edità a fonte]

Ditagliu di u fiore

A lingua di diavulu hè una pianta erbacea bulbosa, incù fustu altu 20-50 cm, verde in fondu è russicciu in testa. L'apparatu radicale hè custituitu da 2, in rari casi 3, rizotuberi. E foglie, lineare o lungarine, sò di culore verde incù striature viulacee. E brattee sò argintine incù vinature purpurine. I fiori, da 5 à 10, rossu-brunastri, sò raggruppati in un'infiuriscenza densa. I sipali è i petali sò uniti è formanu un elmu chì fascia guasi cumplittamente a basa di u labellu; quellu hè bipartitu in un ipochilu guasi cumplittmente cupartu da l'elmu tipalicu, dutatu di duie callusità basale lucide, purpureu-nirastre, divergente, è un epichilu largu (19-32 mm x 12-23 mm), à forma di core, rivoltu versu u bassu, incù una parte cintrale assai pilosa.

Fiurisce da aprile à ghjugnu.

Ripartizione[mudificà | edità a fonte]

A Lingua di diavulu hè originaria di e rigione mediterranie, in particulare da u sudu di l'Europa, di l'Africa Nordu è Mediu Oriente. Omu pò truvà la in ambienti varii tali e pratuline, a machja è e fureste chjare. 'Ssa spezia hà una priferenza per e terre calcarie.

A Lingua di diavulu hè prisente in Corsica.[1] A lingua di diavulu si trova in i prati umiti, in l'ulivete, in e castagnete è in e quercete, sinu à 1100 m d'altitudine.

Biolugia[mudificà | edità a fonte]

A Lingua di diavulu hè una pianta vivace chì fiurisce di veranu. L'impullinazione di 'ssa spezia hè assicurata da l'insetti, per u più ape è farfalle. I fiori producenu un nettare inzuccheratu. I granelli sò spergugliati da u ventu.

Tassonumia[mudificà | edità a fonte]

Serapias cordigera hè ancu cunnisciuta sottu à i sinonimi seguenti : Serapias cordigera subsp. cordigera, Serapias cordigera var. cordigera, Serapias cordigera subsp. cretica, Serapias cordigera var. cretica, Serapias cordigera subsp. peloritana, Serapias cordigera var. peloritana.

U numeru cromusomicu di a lingua di diavulu hè 2n=36.

Ibridi[mudificà | edità a fonte]

Serapias cordigera pò dà vita à ibridi incù altre spezie di Serapias trà e quale [2]:

  • Serapias x ambigua Rouy ex E.G.Camus (1892) (S. cordigera x S. lingua)
  • Serapias x godferyi A. Camus (1926) (S. cordigera x S.neglecta)
  • Serapias x gennaioi A. Turcu & P.Medagli (2011) (S. cordigera x Serapias orientalis apulica)
  • Serapias x halacsyana Soó (1931) (S. cordigera x S. bergonii)
  • Serapias x kelleri A.Camus (1926) (S. cordigera x S. vomeracea)
  • Serapias x provincialis H. Baumann & Künkele, (1989) (S. cordigera x S. olbia)
  • Serapias x rainei E.G. Camus (S. cordigera x S. parviflora)

Hè statu inoltre discrittu un ibridu intergenericu incù u generu Anacamptis:

  • x Serapicamptis debeauxii (E.G.Camus) J.M.H.Shaw, 2005 (A. papilionacea x S. cordigera)

Spezia simile[mudificà | edità a fonte]

A lingua di diavulu si sceglie da Serapias neglecta per via di a culurazione più scura ch'è u labellu è per l'ipochilu guasi cumplittamente cupartu da l'elmu tipalicu.

Cunsirvazione[mudificà | edità a fonte]

A Lingua di diavulu hè una spezia chì hè cunsiderata cum'è essendu di preoccupazione minore sient'è a lista rossa di l'Unione internaziunale per a cunsirvazione di a natura (UICN). Eppuru, certe pupulazione ponu esse minacciate per causa di a distruzzione di u so ambiente naturale, in particulare per causa di l'urbanisazione è di l'agricultura intensiva. E misure di cunsirvazione, tale a prutezzione di l'ambienti è a sensibilisazione di u publicu, sò necessarie per prisirvà 'ssa spezia.

Com'è tutte l'urchidee, a lingua di diavulu hè prutetta da a cunvinzione internaziunale di Washington (CITES) chì interdisce u cummerciu di e spezie di fauna è di flora minacciate di sparizione.

Riferimenti[mudificà | edità a fonte]

Note[mudificà | edità a fonte]

  1. Jeanmonod & Gamisans (2013).
  2. Serapias: World checklist of selected plant families, The Board of Trustees of the Royal Botanic Gardens, Kew.

Altri prugetti[mudificà | edità a fonte]