Serapias vomeracea

À prupositu di Wikipedia
Serapias vomeracea
Serapias vomeracea
Classifica scentifica
Regnu Plantae
Divisioni Magnoliophyta
Classa Liliopsida
Ordini Orchidales
Famiglia Orchidaceae
Genaru Serapias
Nomu binuminali
Serapias vomeracea
( Burm. f. ) Briq. , 1910

Serapias vomeracea hè un fiori chì faci parti di a famiglia di l'Orchidaceae.

Discrizzioni[mudificà | edità a fonte]

Serapias vomeracea hè una spezia d'urchidei terranii vivaci di a famiglia di l'Orchidaceae. 'Ssa pianta arbacea hè nutevuli par i so fiora distintivi di culori russicciu o purpureu, ragruppati in infiuriscenzi cumpatti annantu à u picciolu.

I casci di Serapias vomeracea sò liniari à lanceulati, verdi chjaru o verdi scuru è sò di regula disposti à a basa di u picciolu. U picciolu stessu, ribustu è drittu, pò aghjunghja un'altezza da 10 à 40 centimi.

I fiora sò di culori russicciu o purpureu, ragruppati in un'infiuriscenza cumpatta. U labeddu, di forma lungarinu, hè di regula di culori più chjaru cà i sepali è i pitali è prisenta marchi bughji. I fiora di Serapias vomeracea sò ermafruditi è sò inamacati par u più da l'insetti.

Ripartizioni[mudificà | edità a fonte]

Serapias vomeracea hè largamenti sparta in u bacinu mediterraniu, stindendu si da a penisula Iberica à a Turchia, è cumpresu certi parti di l'Africa subrana Nordu. Prifirisci ambienti varii, andendu da i pratulini à i machji, è ancu l'arici di furesti è i landi. Hè di regula truvata in i terri beddi assiccati è appena aciti o neutri, à altitudini andendu da u liveddu di u mari sinu à circa 1500 metri.

Serapias vomeracea hè prutetta da a Cunvinzioni annantu à u cummerciu internaziunali di i spezii di fauna è di flora salvatichi minacciati d'estinzioni (CITES), chì intardisci u so cummerciu. Bench'è 'ss'urchidea ùn fussi micca cunsidarata com'è una spezia minacciata à a scala mundiali, sforzi di cunsirvazioni sò rializati in certi righjoni par pruteghja è prisirvà 'ssa spezia. 'Ssi sforzi cumprendini a criazioni di riservi naturali è a missa in sesta di prugrammi di riintruduzioni.

Serapias vomeracea hè prisenti in Corsica ed hè cumuna.[1]

Biolugia[mudificà | edità a fonte]

Serapias vomeracea hè una pianta vivaci chì fiurisci di branu, di regula trà aprili è ghjunghju. L'impullinazioni di 'ssa spezia hè assicurata da l'insetti, tali l'ape è e farfalle, chì sò attratti da i culori vivi è i mutivi di u labeddu. I graneddi sò spargugliati da u ventu.

Tassonumia[mudificà | edità a fonte]

Certi sinonimi sò: Serapias cordigera, Serapias cordigera var. vomeracea, Serapias cordigera subsp. vomeracea.

Serapias vomeracea hè calchì volta cunsiderata cum'è una sottuspezia di Serapias cordigera, ma hè di regula ricunnusciuta com'è una spezia distinta.

Cunsirvazione[mudificà | edità a fonte]

Serapias vomeracea hè una spezia relativamenti cumuna in certi righjoni di a so area di ripartizioni. Eppuru, hè minacciata in certi parti di u so ambienti par causa di a distruzzioni di i pratulini è i prata asciutti. I misuri di cunsirvazioni sò nicissarii par prisirvà 'ssa spezia, in particulari a prutizzioni di i so ambienti è a sinsibilisazioni di u publicu à a so impurtanza eculogica.

Rifarimenti[mudificà | edità a fonte]

  • Jeanmonod D. & Gamisans J. (2013) Flora Corsica (2 ed), Edisud.

Noti[mudificà | edità a fonte]

  1. Jeanmonod & Gamisans (2013).

Altri prugetti[mudificà | edità a fonte]