Labirintu di Cnossu

Pianu di u palazzu riali di Cnossu. Si credi chì da a cumplissità di u palazzu aghji avutu urighjina u mitu di u labirintu

U Labirintu di Cnossu hè un lighjindariu labirintu, chì sicondu a mitulugia greca fù fattu custruiscia da u Rè Minossu annantu à l'isula di Creta par rinchjuda ci u mustruosu Minotauru, natu da l'unioni di a moglia di u rè, Pasifae, incù un toru.

Era un intrecciu di stradi, stanzi hè gallarii, custruitu da u geniali Dedalu incù u figliu Icaru, i quali, quandu ni terminoni a custruzzioni, ci si truvoni prighjuneri. Dedalu custruì ali, ch'eddu appiccicò incù a cera à i so spaddi, è tremindù ni iscini bulendu.

U Minotauru divurava ogni annu setti ziteddi masci è setti ziteddi femini di Atena, finch'è Teseiu, aiutatu da Arianna, l'uccisi. Teseiu riuscì à escia da u labirintu solu grazia à u filu chì Arianna l' avia datu hè chì avia lasciatu scorra longu u parcorsu. Una volta uccisu u Minotauru, Teseiu seguì a strada indicata da u filu.