Regnu di Gaddura

U Regnu di Gaddura (o Regnu di Gallura) hè unu di i quattru regni suvrani è indipindenti chì nascìni in Sardegna à u seculu VIII par rimpiazzà un Imperu rumanu divintatu troppu luntanu (quiddu di Bisanza) è par pruteghja si in particulari di i razzii arabi.^[1]

U Regnu di Gaddura si sviluppeti in a parti norduriintali di a Sardegna, dapoi u cursu di u fiumu Coghinas insin'à u golfu d'Orosei, accupendu i rigioni di a Gaddura è di i Barunii (tredici curatorii), oghji incurpurati in i pruvincii di Olbia è Tempiu è Nuoru. U regnu cunfinaia à punenti incù u Regnu di Logudoru è d'Arburea è à u sudu incù u Regnu di Cagliari.

U Regnu di Gaddura, com'è d'altrondi l'altri trè Regni era un riamu suvranu siont'è u principu ghjuridicu Superiorem micca recognoscens, incù un tarritoriu suddivisu in u 13 Curatorii, i distritti dirighjiti da un curatori è cumpridindu centri abitati chjamati Cità. U Regnu avia u so parlamentu probbiu, a Curona di Logu, cumpostu da i rapprisintanti di i Curatorii. Pussidia u so probbiu duminiu publicu, u Rennu, vutaia i leghji, avia i fruntieri è fabbricaia a so muneta.

U so capu era u Judex ius dicens ("quiddu chì dici a leghji"). U Ghjudici tinia a so auturità non solu da l'eredità ma dinò da u ricunniscimentu di u so Imperium da a Curona di Logu.

Storia

Nascita di u Regnu

À u IXu seculu, l'arabi è i berberi ani fattu una pulitica aggrissiva d'espansioni è di pirataria in u Mari Tarraniu chì finì incù a cunquista di a Cicilia in u 827 par taddà a Sardegna da u guvernu cintrali di l'Imperu bizantinu. In l'assenza di struzzioni i rispunsevuli pruvinciali Bizantini sardi, chjamati ghjudici, ani cuminciatu à guvirnà di manera autunoma.

À u seculu X l'isula hè stata divisa in u quattru "ghjudicati, frà i quali dui, Logudoru è Arburea sò stati ragruppati à u principiu di u seculu XI. Versu u 900, 'ssi tarritorii sò divintati di fattu Stati indipindenti, i so principi à u puteri essendu "ghjudici" succidindu à i so pridicissori, funziunarii imperiali.

A so capitala era situata à Civita, ricustruita annantu à i ruvini di l'antica cità rumana d'Olbia, di a quali u nomu apparisci par a prima volta in u 1113.

U Regnu di Gaddura hè unitu à quiddu di u Logudoro in u 1238 eppo ridiventa indipindenti in u 1257 incù Chiano Visconti di Pisa. À u principiu di u XIVu seculu a famidda Doria di Genuva si ni rendi maestra. I Visconti di Milanu pruclamani i dritti ch'iddi pratendini tena in qualità d'eredi di Giovanna Visconti l'ultima "Ghjudici ereditariu" ma i devini ceda à u riamu d'Aragona in u 1447^[2].

Lista di i Ghjudici di Gaddura

Eccu u listinu di i Ghjudici di Gaddura:^[3] :

versu u 1022 : Manfredo ;
insin'à u 1038 : Baldo, i so fiddoli (?) ;
dopu à u 1038 : Barisone Ier (?) ;
versu ? : Andrea (?) ;
1054-1073 : Costantino Ia fiddolu d'Ubaldo (?) ;
versu u 1080 : Torgodorio di Zori (o Torchitorio) sposu d'una fiddola di Costantinu Ia ;
versu u 1092 : Saltaro, u so fiddolu (?) ;
1113-1116 : Ottocorre di Gunale, fiddolu di Comita di Gunale ;
versu u 1116 : Costantinu II sposa Anna fiddola di Torgodorio (?) ;
1120-1133 : Comita Ia Spanu, u so fiddolu.

Dinastia di Gunali

1146-1173 : Costantinu III di Lacon-Gunale, discindenti da Ottocorre (?) ;
1173-1203 : Barisone II, u so fiddolu esiliatu in u 1182 è 1184 ;
1203-1220 : Elena, a so fiddola ;
1203-1208 : Lamberto Visconti di Pisa sposu in u 1206 d'Elena di Gaddura, zitedda di Barisone II ;
1211-1216 : Comita II di Torres ;
1216-1218 : Marianu II di Torres.

Dinastia Visconti

1218-1223 : Lamberto Visconti ristabulitu, cuntrolla Cagliari (1220-1225) ;
1223-1238: Ubaldo Visconti, u so fiddolu sposa Adelasia di Torres, cuntrolla Cagliari (1232-1233) è Torres (1236-1238).
Cumpetizioni trà :
1238-1257 : Adelasia di Torres (morta in u 1259), a so veduva ;
1238-1249 : Enzio fiddoli di Fredericu II di u Sant' Imperu, dinò Ghjudici di Torres da u 1238 à u 1272, cunsorti Adelasia ma divurziighja in u 1246 ;
1238-1275 : Giovanni dittu Chiano Visconti, fiddolu d'Ubaldo (mortu versu u 1230), frateddu di Lamberto Visconti, cuntrolla 1/3 di Cagliari dapoi u 1258 ;
1275-1296 : Ugolino dittu Nino Visconti, u so fiddolu, 1/3 di Cagliari ;
1296-1308/1309 : Giovanna Visconti (morta in u 1339), a so zitedda sposa Rizzardo di Camino è cuntrolla 1/3 di Cagliari.

Noti

↑ 'Ss'articulu pruveni in parti da l'articulu currispundenti di a wikipedia in francesu.
↑ Anthony Stokvis, Manuali di storia, di genealugia è di crunulugia di tutti i Stati di u globu, dapoi i tempa i più rinculati insin'à i nosci ghjorna, pref. H. F. Wijnman, Israeli, 1966, Capitulu XII paragrafu 9 " Isula di Sardegna " p.740-742 è dipintu genealogicu n° 19. .
↑ Gian Giacomo Ortu (2005), " Tavole dei Giudici " p.175.

Bibliugrafia

Gian Giacomo Ortu La Sardegna dei giudici, Regione autonoma della Sardegna, 2005 (in talianu)

De veda dinò

[1] 'Ss'articulu pruveni in parti da l'articulu currispundenti di a wikipedia in francesu.

[2] Anthony Stokvis, Manuali di storia, di genealugia è di crunulugia di tutti i Stati di u globu, dapoi i tempa i più rinculati insin'à i nosci ghjorna, pref. H. F. Wijnman, Israeli, 1966, Capitulu XII paragrafu 9 " Isula di Sardegna " p.740-742 è dipintu genealogicu n° 19. .

[3] Gian Giacomo Ortu (2005), " Tavole dei Giudici " p.175.

[1]

[2]

[3]