Palazzu di i Nobili Dodeci
U Palazzu di i Nobili Dodeci, chjamatu ancu Paviglione di i Nobili Dodeci, in francese Palais des Nobles Douze o Pavillon des Nobles Douze hè un bastimentu storicu di Bastia à l'epica ghjenuvese.
Si trova Piazza di Corte, in Citatella, à u centru di u quartieru di Terranova. hè una casa chì si trova à fiancu à u Palazzu di i Guvernatori. Fù creatu intornu à l'anni 1703.
I "Nobili Dodeci" eranu una istituzione riservata à i Corsi, in particulare à e grande famiglie. I Nobili Dodeci eranu eletti per dui anni. Assistianu è cunsigliavanu u guvernatore ghjenuvese. Eranu dodeci, è giravanu : ogni Nobile Dodeci stava un annu in stu bastimentu è assistia u guvernatore ghjenuvese. Purtava e duglienze di u populu è u cunsigliava nant'à certi punti.
Ponu esse cunsiderati cum'è i primi diputati di e pieve.
Sott'à a duminazione francese, u bastimentu hè statu pigliatu da l'armata, chì ci hà stallatu i so scagni.
Oghji sò occupati da i servizii di u patrimoniu di a cumuna di Bastia [1] .
A facciata d'orìgine ùn era micca quella chì si pò vede avà. Si pudia vede un decoru dipintu, chì rapresentava l’arme di a Republica di Ghjenuva sustinuti da dui grifoni[2]. Si pò vede stu dissegnu à l'archiviu di Ghjenuva[2].
Nobili dodeci cunnisciuti
[mudificà | edità a fonte]Ghjacintu Paoli, u babbu di Pasquale Paoli hè statu nobile dodeci à parechje riprese : da u 1724 à u 1726, è in u 1730[3]
Da vede dinù
[mudificà | edità a fonte]Note
[mudificà | edità a fonte]- ↑ Jean-Baptiste Raffalli; Fernande Maestracci; Max Boulmer, Bastia : musées, monuments, promenades, Monum - Ed. du patrimoineª ed., 2003. ISBN 978-2-85822-697-9, OCLC 717275677.
- ↑ 2,0 2,1 https://journals.openedition.org/adlfi/50212
- ↑ Antoine-Marie Graziani, Commémoration du bicentenaire de la mort de Pascal Paoli, Conseil général de Haute-Corse, 2007 (ISBN 978-2-915371-28-4)