Messicu
| Stati Uniti messicani Estados Unidos mexicanos | |||||||||
|---|---|---|---|---|---|---|---|---|---|
| |||||||||
| Mottu: (senza mottu ufficiale) | |||||||||
|
| |||||||||
| Lingue ufficiali | spagnolu + 69 altre lingue | ||||||||
| Capitale | Cità di u Messicu (9.209.944 ab. / 2020) | ||||||||
| Pulitica | |||||||||
| Forma di guvernu | Ripublica federale cù sistema presidenziale federale | ||||||||
| Presidente | Claudia Sheinbaum | ||||||||
| Indipendenza | da a Spagna in u 1821 | ||||||||
| Entrata in l'ONU | 26 di ghjugnu 1945 | ||||||||
| Superficia | |||||||||
| Tutale | 1.964.375 km² | ||||||||
| Acque | 2,5 % | ||||||||
| Pupulazione | |||||||||
| Tutale | 129.875.529 ab. | ||||||||
| Densità | 61 ab./km² | ||||||||
| Geografia | |||||||||
| Cuntinente | America di u Nordu | ||||||||
| Fusu orariu | {{{orario}}} | ||||||||
| Ecunumia | |||||||||
| Muneta | Peso messicanu
| ||||||||
| Energia | {{{energia}}} kW/ab. | ||||||||
| Varie | |||||||||
| Duminiu internet | .mx | ||||||||
| Indicativu telefonicu | +52 | ||||||||
| Siglu autom. | {{{targa}}} | ||||||||
| Innu | Himno Nacional Mexicano | ||||||||
| Festa naziunale | 16 di settembre | ||||||||
U Messicu (in spagnolu: México; in nahuatl: Mēxihco), ufficialemente i Stati Uniti messicani (in spagnolu: Estados Unidos mexicanos; in nahuatl: Mēxihcatl Tlacetilīlli Tlahtohcāyōtl), hè un statu situatu à u Sudu di l'America settentriunale. A capitale hè a Cità di u Messicu. A superficia tutale di u paese hè di 1.964.375 km², cù 2,5% di superficia in acqua. A pupulazione di u Messicu hè di 129.875.529 abitanti in u 2023.
Hè una Ripublica federale: ci sò 31 Stati è a capitale, Cità di Messicu, chì ùn hè micca un statu è micca una cità sicondu a custituzione messicana.[1] L'ultime elezzione presidenziale (u 2 di ghjugnu 2024) anu vistu a vittoria di Claudia Sheinbaum. Hè a prima donna presidente di u Messicu. A muneta uficiale hè u peso messicanu. U mottu, "la Patria es Primero" ("a patria in prima"), ùn hè micca uficiale. U 16 di sittembre hè u ghjornu di a festa naziunale.
Giugraffia
[mudificà | edità a fonte]U Messicu hè un statu di l'America settentriunale. A so superficia hè di 1.964.375 km². Sparte cunfine cù i Stati Uniti d'America à u Nordu (3 152 km), u Guatemala (193 km) è u Belize (956 km) à u Sudeste. A u livanti si trova u golfu di u Messicu è à u punenti l'Uceanu Pacificu.
Rilievu
[mudificà | edità a fonte]E catene muntagnose
[mudificà | edità a fonte]
Due principale catene muntagnose attraversanu i Stati Uniti messicani: a sierra Madre occidentale è a sierra Madre orientale. A Sierra Madre occidentale, à u punenti, hè l'estensione di a Sierra Nevada di California è a Sierra Madre orientale, à u livanti, hè l'estensione di e Muntagne rocciose di u Novu Messicu è di u Texas. U Messicu pussede ancu altre catene muntagnose cumè a catena californiana, a sierra Madre del Sur, a sierra Madre de Oaxaca, a sierra Madre de Chiapas è a Meseta Central de Chiapas. À u centru di u paese, ci sò parechji larghi piani. Parechje cità so situate sopra sti piani, cumè a Cità di Messicu, Guadalajara, o ancu Puebla.
I più alti munti
[mudificà | edità a fonte]
U Messicu pussede parechji munti incù un altitudine superiore à 5.000 metri. Hè un paese muntagnolu è vulcanicu in a so maiò parte. Parechji monti sò vulcani. U Citlaltépetl (ò Picu di Orizaba) hè u più altu monte di u Messicu, cù 5.636 metri d'altitudine. Hè situatu in u Statu di Veracruz, in a Sierra de Oaxaca. U Popocatépetl hè u secondu più altu monte, cù 5.426 metri d'altitudine. Stu monte hè situatu versu a Cità di Messicu, sopra a fruntiera trà i Stati di Messicu è di Puebla. Ci hè dopu u monte Iztaccíhuatl (cù 5.215 metri d'altitudine).
Clima
[mudificà | edità a fonte]
Cù a so taglia è a so superficia, u Messicu pussede parechji climi sfarenti trà e regione. À u Nordu, i climi priduminanti sò u clima aridu, u clima semi-aridu è u clima diserticu. A Bassa-California (sopratuttu à u Sudu di a penisula) hè una di e regione e più aride di u Messicu. In e zone muntagnose, principalmente à u centru di u paese, u clima hè ghjeneralmente più dulce: uceanicu in altitudine ò subtrupicale in qualchì lochi. Per esempiu, a Cità di Messicu pussede un clima subtrupicale (o uceanicu sicondu certi climatologhi) cù 18°C di timperatura media, una staggione secca è una staggione ùmeda. U Sudu è a maghjurità di e zone costere anu un clima trupicale, cù friquintamente due staggione (secca è ùmeda) è timperature guasgi sempre superiore à 20°C. Una parte chjucca di u Nordu di u Messicu hà un clima mediterraniu, per esempiu in a cità di Tijuana.
| Ghj | Fri | Mar | Apr | Mag | Ghj | Lug | Aos | Sit | Utt | Nuv | Dic | Annu | |
|---|---|---|---|---|---|---|---|---|---|---|---|---|---|
| Timp. mas. med. (°C) | 22,3 | 24,2 | 26,0 | 27,3 | 27,1 | 25,7 | 24,4 | 24,5 | 23,6 | 23,3 | 22,7 | 22,3 | 24,5 |
| Timp. med. (°C) | 15,7 | 17,1 | 18,9 | 20,4 | 20,9 | 19,9 | 18,8 | 19,1 | 18,6 | 18,0 | 16,4 | 15,5 | 18.3 |
| Timp. min. med. (°C) | 8,4 | 9,4 | 11,1 | 13,0 | 13,7 | 13,8 | 13,0 | 13,1 | 13,1 | 11,8 | 9,8 | 8,4 | 11,5 |
| Pricip. (mm) | 7,6 | 5,6 | 10,4 | 23,1 | 56,5 | 134,9 | 161,4 | 153,4 | 127,8 | 54,1 | 12,8 | 6,9 | 754,5 |
Rapportu climaticu di Merida (Yucatan, clima trupicale):
| Ghj | Fri | Mar | Apr | Mag | Ghj | Lug | Aos | Sit | Utt | Nuv | Dic | Annu | |
|---|---|---|---|---|---|---|---|---|---|---|---|---|---|
| Timp. mas. med. (°C) | 30.8 | 31.5 | 34.0 | 35.6 | 36.3 | 35.3 | 35.0 | 34.9 | 34.2 | 32.7 | 31.5 | 30.6 | 33.5 |
| Timp. med. (°C) | 24.0 | 24.4 | 26.3 | 27.9 | 29.0 | 28.5 | 28.2 | 28.1 | 27.9 | 26.8 | 25.4 | 24.0 | 26.7 |
| Timp. min. med. (°C) | 17.2 | 17.3 | 18.6 | 20.2 | 21.7 | 21.6 | 21.4 | 21.3 | 21.6 | 20.8 | 19.3 | 17.5 | 19.9 |
| Pricip. (mm) | 38.4 | 32.2 | 22.5 | 24.4 | 69.4 | 138.3 | 158.7 | 140.7 | 183.1 | 127.9 | 56.2 | 45.1 | 1036.9 |
Rapportu climaticu di La Paz, Bassa-California di u Sudu (clima aridu):
| Ghj | Fri | Mar | Apr | Mag | Ghj | Lug | Aos | Sit | Utt | Nuv | Dic | Annu | |
|---|---|---|---|---|---|---|---|---|---|---|---|---|---|
| Timp. mas. med. (°C) | 23.6 | 24.9 | 27.3 | 30.3 | 33.4 | 35.6 | 36.6 | 36.2 | 35.0 | 32.6 | 28.3 | 24.4 | 30.7 |
| Timp. med. (°C) | 17.4 | 18.1 | 19.7 | 22.1 | 24.5 | 27.1 | 29.7 | 30.2 | 29.3 | 26.2 | 22.0 | 18.6 | 23.7 |
| Timp. min. med. (°C) | 11.2 | 11.3 | 12.1 | 13.9 | 15.7 | 18.6 | 22.9 | 24.1 | 23.5 | 19.9 | 15.7 | 12.8 | 16.8 |
| Pricip. (mm) | 14.2 | 5.3 | 2.3 | 0.8 | 0.9 | 1.3 | 14.5 | 37.2 | 58.4 | 12.1 | 7.4 | 14.8 | 169.2 |
Biudiversità
[mudificà | edità a fonte].jpg)
U Messicu hè unu di i 17 paesi megadiversi identificati in lugliu di u 2000 da u Programma Ambientale di e Nazione Unite. Più di 200.000 spezie sò prisente in u Messicu è ci sò ancu qualchì spezie endemiche. Hè u primu paese di u mondu in numeru di spezie sfarente di rettili, cù più di 707 spezie. U Messicu hè u secondu paese di u mondu in numeru d'ecosistemi è u quartu in numeru tutale di spezie. Oghji, più di 2.500 spezie sò ufficialmente prutette da a leghje messicana è 170.000 km² sò cunsiderati cumè spazii naturali prutetti.[2] Ci sò 67 parchi naziunali in u paese.
Oghje, una parte impurtante di a biudiversità messicana hè minacciata da a difurestazione, principalmenti à u Sudu è in e zone trupicale, per esempiu in u Statu di u Chiapas. E fureste sò spessu brusgiate in parte per l'agricultura. U Chiapas hà persu cusì 320,809 ettari di furesta trà u 2001 è u 2018.[3]
Fiumi è acqua
[mudificà | edità a fonte]
U Messicu pussede parechji fiumi ma pocu sò navigabili. I più famosi sò certameinti u río Bravo del norte, u río Grijalva, u río Usumacinta, o ancu u río Balsas. U Río Bravo del norte hè u nome messicanu di u fiume chì cunfina in parte u Messicu cù i Stati Uniti. Stu fiume hè chjamatu Río Grande in i Stati Uniti.[4] In e regione chì pussedenu due staggione (una secca è una ùmeda), a taglia di i fiumi pò scambià sicondu u periodu di l'annu.
Cù i numerosi climi chì pussede u Messicu, a dispunibilità in acqua scambia trà e regione. I Stati di u nordu anu ghjeneralmente pocu acqua, è u sudu, trupicale in a so maiò parte, ne pussede asssai.
U Yucatàn, peninsula situata à u sudeste di u Messicu, pussede un clima trupicale di savanna. Hè un tarritoriu pianu è i fiumi sò guasgì inesistenti. A ricca furesta trupicale prisente nantu à sta peninsula pò campa grazie à quachì numerosi pozzi sutterranii, chjamati cenotes in spagnolu. I cenotes tenenu assai acqua tuttu l'annu è ponu cusì annacquà a furesta sottu à a terra.
Dimugraffia
[mudificà | edità a fonte]
A pupulazione di u Messicu hè di 129.875.529 abitanti in u 2023, cù una densità di pupulazione di 61 abitanti per km². 78% di a pupulazione campa in cità in u 2010. A zona metrupulitana di Cità di u Messicu pussede una pupulazione di 20 892 724 abitanti (in u 2015).
| Cità | Pupulazione (2020) | |
|---|---|---|
| 1. | Cità di Messicu | 9.209.944 |
| 2. | Puebla | 1.692.181 |
| 3. | Ecatepec de Morelos | 1.645.352 |
| 4. | Ciudad Juarez | 1.501.551 |
| 5. | Guadalajara | 1.385.629 |
Storia
[mudificà | edità a fonte]Epica preculumbiana
[mudificà | edità a fonte]Epica culuniale
[mudificà | edità a fonte]L'indipendenza
[mudificà | edità a fonte]Cultura
[mudificà | edità a fonte]
U Messicu hè un paese chì pussede una cultura ricca è variata. Hè u risultatu d'una mistura trà e sfarente culture preculumbiane (ci sò più di 68 populi indigeni) è a cultura aurupeana, più particularmente spagnola, purtata da a culunisazione. Pudemu vede stu michju è ste sfarente influenze in l'architettura, a gastronomia, e tradizione, e celebrazione, a rilighjione, a musica o ancu in a lingua.
Musica
[mudificà | edità a fonte]
A musica messicana hè ricca, cù parechji stili sfarenti influenzati da e tradizione o da u folclore. U Messicu hà avutu grandi sviluppi musicali principalmente sti ultimi decennii. I Mariachi (Mariachis in spagnolu) sò i musicanti ghjuchendu in un tipu di furmazione musicale tipica di a cultura, di l'identità è sopratuttu di a musica messicana. Dapoi u 2011, i Mariachi sò iscritti in a lista riprisintativa di u patrimoniu culturale immateriale di l'umanità. Ghjiniralmente, un gruppu di Mariachi tradiziunale hè cumpostu da due trumbette, due o quatru viulini, una vihuela, una o quatru ghitarre è un guiratón (un strumentu tipicu messicanu).
Religione
[mudificà | edità a fonte]
A religione priduminante in u Messicu hè a religione cattolica. Sta religione fù purtata da i coloni auropei è spagnoli è fù ghjiniralmente imposta à e populazione lucale. Oghji, ufficialmente, u Messicu hè un statu laicu. A religione cattolica hè assai prisente in a cultura messicana, per esempiu in a musica o l'architettura.
| Religione | Percintariu |
|---|---|
| Cattolichi | 81 % |
| Prutestanti | 9 % |
| Senza religione | 7 % |
| Altri | 3 % |
Architettura
[mudificà | edità a fonte]Gastronomia
[mudificà | edità a fonte]
A cucina messicana hè ricunnisciuta cum'è Patrimoniu culturale immateriale di l'Umanità per l'UNESCO dapoi u 2010. A gastronomia messicana hè ricca per a so diversità: ogni regione di u paese pussede e so ricette tradiziunale è dunque a so propria cucina. Hè un mischju trà a gastronomia preculumbiana è a cucina spagnola. A maiò parte di l'ingredienti prisenti in a gastronomia messicana sò urighjinarii di u cuntinente americanu, cum'è a pumata, i fasgioli neri, l'avucati, u caccao, a vaniglia o ancu u pivaronu, ma ci sò ancu parechji prudutti vegetali o animali impurtati da u cuntinente auropeu (per esempiu u granu, u zuccaru, l'agrumi, u risu, a carne di porcu o di boiu è u pulletsru). Stu mischju d'ingredienti è di tecniche gastronomiche trà i due cuntinenti è e due civilisazione hà pruvucatu a nascita d'una nova gastronomia.[5] È cusì sò nati u guacamole, u pozole o i tamales, per esempiu.
E banchjere messicane e più famose sò certameinte u taco, a quesadilla, a tortilla o ancu u tamal.
E bivende messicane sò numerose. A tequila, una bivenda alculizata, si face grazie à a distillazione di l'agave turchina, una pianta urighjinaria di u Messicu.
Sporti
[mudificà | edità a fonte]Ecunumia
[mudificà | edità a fonte]Pulitica è administrazione
[mudificà | edità a fonte]Forma di guvernu
[mudificà | edità a fonte]I Stati Uniti messicani sò una Ripublica federale cù sistema presidenziale. U presidente hè elettu per un mandatu di 6 anni, ma ne pò fà solu unu. Attualmente, a presidente hè Claudia Sheinbaum (partitu MORENA), dapoi u 1u d'uttrovi di u 2024. Hè a prima donna presidente di u Messicu.
Stati
[mudificà | edità a fonte].png)
Ci sò 31 Stati. A capitale, Cità di Messicu, ùn hè micca un Statu è micca una cità sicondu a custituzione messicana.[1] Ci sò dunque 32 entità federative in tutale. Ogni Statu pussede a so custituzione.
| 1 | Aguascalientes | 17 | Nayarit |
| 2 | Bassa-California | 18 | Nuevo Leon |
| 3 | Bassa-California di u Sudu | 19 | Oaxaca |
| 4 | Campeche | 20 | Puebla |
| 5 | Chiapas | 21 | Querétaro |
| 6 | Chihuahua | 22 | Quintana Roo |
| 7 | Coahuila | 23 | San Luís Potosí |
| 8 | Colima | 24 | Sinaloa |
| 9 | Durango | 25 | Sonora |
| 10 | Guanajuato | 26 | Tabasco |
| 11 | Guerrero | 27 | Tamaulipas |
| 12 | Hidalgo | 28 | Tlaxcala |
| 13 | Jalisco | 29 | Veracruz |
| 14 | Messicu | 30 | Yucatán |
| 15 | Michoacán | 31 | Zacatecas |
| 16 | Morelos | 32 | Cità di u Messicu |
Da vede dinò
[mudificà | edità a fonte]Note è riferenze
[mudificà | edità a fonte]- ↑ 1,0 1,1 Custituzione messicana (in spagnolu)
- ↑ Comisión Nacional para el Conocimiento y el Uso de la Biodiversidad, Gobierno de México (in spagnolu)
- ↑ Comisión Nacional Forestal PDF (in spagnolu)
- ↑ Río Grande o Río Bravo, El Tiempo (in spagnolu)
- ↑ Gastronomia messicana: Patrimoniu culturale immateriale di l'Umanità, Fundación UNAM (in spagnolu)