Culumbia
'Ssu artìculu hè in custruzzione. Pudete cuntribuisce à a so redazzione.
| Ripublica di Culumbia República de Colombia | |||||||||
|---|---|---|---|---|---|---|---|---|---|
| |||||||||
| Mottu: Libertad y Orden (Libertà è Ordine) | |||||||||
|
| |||||||||
| Lingue ufficiali | spagnolu | ||||||||
| Capitale | Bogotà (8.034.649 ab. / 2024) | ||||||||
| Pulitica | |||||||||
| Forma di guvernu | Sistema presidenziale cù statu unitariu | ||||||||
| Presidente | Gustavo Petro | ||||||||
| Indipendenza | da a Spagna in u 1810
| ||||||||
| Superficia | |||||||||
| Tutale | 1.141.748 km² | ||||||||
| Acque | 8,8 % | ||||||||
| Pupulazione | |||||||||
| Tutale | 51.266.000 ab. | ||||||||
| Densità | 45 ab./km² | ||||||||
| Geografia | |||||||||
| Cuntinente | America di u Sudu | ||||||||
| Fusu orariu | {{{orario}}} | ||||||||
| Ecunumia | |||||||||
| Muneta | Peso culumbianu
| ||||||||
| Energia | {{{energia}}} kW/ab. | ||||||||
| Varie | |||||||||
| Duminiu internet | .co | ||||||||
| Indicativu telefonicu | +57 | ||||||||
| Siglu autom. | {{{targa}}} | ||||||||
| Innu | Himno Nacional de la República de Colombia | ||||||||
| Festa naziunale | 20 di lugliu | ||||||||
A Colombia ò a Culumbia, ufficialmente a Ripublica di Culumbia (República de Colombia in spagnolu), hè un statu d'America meridiunale. A capitale è più grande cità hè Bogotà, situata à u centru di u paese. A Culumbia hà una superficia di 1.141.748 km² è una pupulazione di 51 milioni d'abitanti, cù una densità di 45 ab./km². L'abitanti sò chjamati culumbiani ò colombiani (colombianos in spagnolu).
A Culumbia hè un statu unitariu cù sistema presidenziale; l'attuale capu di guvernu hè Gustavo Petro. U spagnolu hè a lingua ufficiale à nivellu naziunale ma ci sò 68 altre lingue chì anu u statutu di lingue cuufficiale in e so regione d'urigine. A muneta hè u peso culumbianu.
A festa naziunale si celebra u 20 di lugliu, anniversariu di l'indipendenza da u Regnu di Spagna in u 1810.
Giugraffia
[mudificà | edità a fonte]A Culumbia hè un paese situatu à u nordu di l'America meridiunale. Sparte cunfine cù u Venezuela à u livante, u Brasile à u sudeste, u Perù è l'Ecuadòr à u sudu è u Panama à u nordu. Una parte di u paese hè muntagnola; a curdigliera di l'Andi cumincia à u nordu. A superficia tutale di a Colombia hè 1.141.748 km², cù una superficia in acqua di 8 %. U mare di i Caraibi hè situatu à u nordu, è l'uceanu Pacificu à u punente. A zona andina, à u centru di a Culumbia, ragruppa e principale cità è agglumerazione di u paese cum'è Bogotà (a capitale), Medellìn, Bucaramanga, Cùcuta ò ancu San Juan de Casto. Ci sò altre cità impurtante à u nordu, in a zona caraiba, cumè Cartagena de Indias, Santa Marta è Barranquilla. Calì, un'altra grande cità, hè situata trà a zona muntagnola è a zona pacifica, à u punente.
Rilievu
[mudificà | edità a fonte]
A curdigliera di l'Andi cumincia à u nordu di a Culumbia. Una parte di u paese hè dunque muntagnola. In Culumbia, a curdigliera hè scumparta in trè parte: a curdigliera centrale (centru), a curdigliera uccidentale (punente) è a curdigliera urientale (livante). A Culumbia hè ancu un paese vulcanicu; i vulcani sò dunque numerosi. U Nevado del Huila, incù 5.750 metri d'altitudine, hè u più altu vulcanu attivu di u paese. L'altri principali vulcani sò l'Azufral (4.070 m), u Cerro Bravo (4.000 m), u Cerro Machín (2.750 m), u Cerro Negro de Mayasquer (4.445 m), u Cumbal (4.764 m), u Doña Juana (4.150 m), u Galeras (4.276 m), u Nevado del Huila (5.750 m), u Nevado del Tolima (5.215 m), u Nevado del Ruiz (5.321 m), u Petacas (4.054 m), u Puracé (4.650 m), u Romeral (3.858 m), u Santa Isabel (4.965 m) è u Sotará (4.400 m).
Clima
[mudificà | edità a fonte]
Per via di a so situazione giugraffica, a Culumbia pussede un clima trupicale ò subtrupicale nantu à a so maiò parte.
E coste (pacifiche è caraibe) anu un clima ghjeneralmente trupicale ò equaturiale, cù timperature alte è un umidità impurtante tuttu l'annu. In queste zone, e timperature medie sò superiore à 25°C. U clima hè trupicale di savanna in a regione di i Caraibi, chì pussede dunque una staggione secca è una staggione ùmeda. À u nordeste, in u dipartimentu di a Guajira, u clima hè diserticu.
À u centru di u paese, cù a muntagna è l'altitudine, u clima hè spessu un pocu più frescu, ma scarsameinte frettu. Per esempiu, u clima di Bogotà hè timperatu d'altitudine, cù una timperatura media massima cutighjana circa à 20°C è un umidità prisente tuttu l'annu. Ma in qualchì valle di u centru di u paese si trova ancu un clima steppicu.
U clima culumbianu hè influanzatu da i fenumeni climatichi d'El Niño è di La Niña.
Biudiversità
[mudificà | edità a fonte]
A Culumbia pussede una di e più ricche biudiversità di u mondu, cù un numeru strasurdinariu di spezie animale è vegetale, grazie à e so fureste è à u so clima caldu è ùmedu. Ind'una grande parte di u paese, si pò vede numerose fureste primarie. À u sudeste di a Culumbia si trova a furesta primaria di l'Amazonia.
U Sistema Nacional de Áreas Protegidas pruteghje è geste i 59 parchi naziunali, d'una superficia tutale di 125.790 km² (10 % di a superficia naziunale). A diversità vegetale hè immensa, cù più di 45 000 spezie, o guasgì 15 % di a flora di u mondu. A Culumbia pussede ancu 1.825 spezie d'acelli (19 % di e spezie di u mondu è 60 % in Sudamerica). L'Auropa è l'America di u nordu, inseme, anu un numeru tutale di spezie d'acelli menu impurtante chì a sola Culumbia. Ci sò più di 3.000 spezie di barabattule in u paese, 733 spezie d'anfibi, è 30 % di e spezie di cuppulate di u mondu. Ma oghji, sicondu WWF, a mita di e spezie animale prisente in Culumbia sò minacciate di sparizione.
Storia
[mudificà | edità a fonte]Cultura
[mudificà | edità a fonte]Dimugraffia
[mudificà | edità a fonte]A pupulazione di a Culumbia hè di 51 milioni d'abitanti è a so densità hè di 45 ab./km². A capitale, Bogotà, hè a cità più pupulata di u paese, cù più di 7 milioni di persone.