Battaglia di u Vechju
A Battaglia di u Vechju hè un' impurtante battaglia, ma pocu mintuvata sin'ad avà, chì accadì in Corsica pocu dopu à quella di Ponte Novu. Fù u 2 di ghjugnu di u 1769 chì a battaglia ebbe locu, vale à dì quattru simane dopu à Ponte Novu (8 è 9 di maghju).
A battaglia
[mudificà | edità a fonte]Sò Clemente Paoli è Ghjacumu Petru Abbatucci chì venenu à succorre à Pasquale Paoli, à u locu ind'ellu ci hè u ponte custruitu da Eiffel sopra u fiume U Vechju. A scena si passa u 2 ghjugnu di u 1769, annantu à e sponde di u Vechju. E forze sò fora di propurzione: da u latu di i naziunale, ùn sò più ch'è 600. Da a parte francese, ci sò 10000 omini in l'armata guidata da u conte di Vaux. I corsi anu sfattu u ponte è alzatu muri di petra. Ma i francesi aprenu u focu incù a so artigleria è lampanu dopu ponti mobili per francà u fiume, è assaltanu dopu l'armata corsa. U cumbattu hè feroce, cù a cultella o a baiunetta. À 1 contru à 20, i cumbattenti corsi resisteranu durente cinque ghjorni. Scrive Ghjuvan Vittoriu Angelini:
"Tutti quelle è quelli chì sò sopravvivente di l'ideale paulinu sò prisenti: omini, donne, zitelli, studienti di l'università di Corti, milizie, truppe rigulare. Cù a baiunetta, cù a cultella, e truppe francese, dopu à un cumbattu di cinque ghjorni, forzanu u passaghju : i corsi dinù anu avutu i so Termopili". [1]
Cunsequenze di a battaglia
[mudificà | edità a fonte]U 13 ghjugnu, Pasquale Paoli, incù i so cumpagnoni è u so fratellu Clemente, si trova in Portu Vechju, dopu à esse si cansatu in Bucugnà è in Bastelica. Da Portu Vechju, imbarca per Livornu annantu à u batellu di cummerciu Le Vermouth, per un esiliu chì durerà sin'à u 1790. Trè centu paulisti (frà i quali u so fratellu Clemente, ma dinù Annibale di u Rustinu, diciottu frati è sei preti) u suviteranu dopu annantu un antru batellu, Le Rachel.
Note
[mudificà | edità a fonte]- ↑ Angelini (1977), p. 222.
Bibliugrafia
[mudificà | edità a fonte].PNG)
- Angelini, Ghjuvan Vittoriu, Storia sicreta di a Corsica, 1977, Albin Michel, Parighji.
- Francescu Antone Girolami, Storia di a Corsica, Marseglia, Libraria Marsigliese, 1906, 572 pagine (ripublicatu in u 1971).