Wikipedia:Articulu8

A Nanna di Palleca hè una nanna di Corsica. Issa nanna hè tipica di a rigioni di u Talavu.
Salvatore Viale ni faci minzioni in i so Canti pupulari corsi (1855) è ni svela u testu. In u paesi di Palleca, una minnana canta par addurmintà u so bisfigliolu.

Eccu u testu di a nanna, incù una ortugrafia più muderna.

In Palleca di Pumonti

Un ziteddu s'addivava

È la so cara mammona

Sempri à trinnichà du stava

Fendu li l'annannaredda

È stu fattu li prigava.

Addurminteti vi o pegnu

Aligrezza di mammona

Ch'aghju da fà ni la cena

È da cusgia li pilona

Da lu vostru babbareddu

È da i vostri fratiddoni.

Quandu sareti maiori

Currareti par li piani;

L'arbi turrarani fiori

L'oliu currarà à funtani;

Turrarà balsamu fini

Tutta l'acqua di lu mari.

(...)