Pilonu
From Wikipedia
U Pilonu (o Pilone) era un visitu tradiziunali corsu. Era fattu di pelu caprunu. U pilonu era senza manichi nè apartura. Di i volti ci era una balzana di tela, nera, chì u rinfurzava in ghjò.
U pilonu novu era longu, ma à misura ch'eddu si frustava, si pudia taglià un pocu in ghjò è divintava più cortu à pocu à pocu. Ma ci erani i variazioni da una pievi à quidda altra, apposta chì u pilonu era purtatu più longu in Pumonti cà in Cismonti. U pilonu era u vistitu di i pastori, ma dinò di i cacciadori, chì i parava da u fretu è da l'acqua. Pisava mori u pilonu, insin'à ottu chilò.
[mudificà] Citazioni
Accadi à spessu chi u pilonu fussi citatu in a cultura è in a litteratura corsa. Par esempiu:
- in u pruverbiu: Par maghju o par maghjonu, ùn ti caccià u to pilonu.
- in a festa di Sant'Andria, u 30 nuvembri, i ziteddi andavani da una casa à quissa altra cantendu una pricantula, è à quiddu chì ùn dava nudda, si facia a siguenti risposta:
- Chì vo abbiati tanti chjirchjoni
- Ch’iddu ci hè pila in un pilonu.
- Isfurcà vogliu lu palu,
- Quiddu di setti furconi,
- Ch'ùn ci s'appenda più zanu
- Nè cappucciu nè pilonu
- È taglià vogliu la coda
- À Cimoscu ed à Falconi.
[mudificà] Liami
[mudificà] Riferimenti
- Galletti, (1863) Storia illustrata di a Corsica - Histoire illustrée de la Corse
- Pecqueux-Barboni, R. (2008) Pannu è panni - Costumes de Corse, Albiana
