Stanislao Konarski

À prupositu di Wikipedia
Andà à: Navigazione, Ricerca
Stanislau Konarski

Stanislau Konarski (in polaccu: Stanisław Konarski; u nome reale: Hieronim Franciszek Konarski; natu u 30 settembre 1700 à Żarczyce; mortu 3 agostu 1773 in Varsavia, Polonia). Era un pedagogu polaccu, un riformatore educativu, un scrittore politicu, un poeta, un drammaturgu, un monacu di Piari (Scolopi) è u precursore principale di l'Illuminismu in Polonia.

File:Medal Sampere auso.jpg
Medaglia di 1765 incù u ritrattu di Stanislau Konarski è a scrizzione latina: Sapere auso.

Konarski studiò 1725-27 in u Collegium Nazarenum à Roma, induve diventò un'insegnante di retorica. Fece dopu un viaghju à traversu a Francia, a Germania è l'Austria per rinfurzà a so educazione.

In u 1730, riturnò in Polonia è cominciò un travagliu annantu à una edizione nova di a leghje polacca (Volumina legum).

À parte da u 1736 Konarski insegnò à u Collegium Resoviense in Rzeszów è in u 1740 fundò u Collegium Nobilium, una scola d'elite di Varsovia per i figli di a nobiltà minore ("szlachta"). Dopu, riformò l'educazione di Piari in Polonia, conformemente à u so programma educativu (Ordinationes Visitationis Apostolicae..., 1755). E so riforme diventonu un puntu importante in a lotta di u XVIII seculu per modernizà u sistema educativu polaccu.

À l'iniziu, Konarski fù associatu politicamente incù u rè Stanislau Leszczynski. Più tardi, incù a "Famiglia" di Czartoryski ed u rè Stanislau Augustu Poniatowski participendu à i famosi "pranzi di giovedì". Stanislau Augustu Poniatowski volse chì una medaglia fusse creata in l'onore di Konarski, incù u so ritrattu è a scrizzione latina Sapere auso.