Corsipedia
A Corsipedia hè a versione di Wikipedia in lingua corsa. Hè stata criata u 9 di decembre 2003. Cum'è tutte l'altre Wikipedie in tutte l'altre lingue si tratta d'un'enciclopedìa lìbera è gratisi. Ognunu chi vole, pò participà è cuntribuì cun u so sapè. U nome Corsipedia hè inspiratu da a Galipedia, a versione di Wikipedia in lingua galiziana.
U prupòsitu particulare d'issu prugettu hè di prumove a lingua corsa è di fà cunnosce l'ìsula di Còrsica nantu à internet è in u mondu.
Sinu à oghje, a Wikipedia in lingua corsa tene 6,485 artìculi. U nùmeru d'utilizatori registrati attuale hè di 7,563. Ma hè moltu diffìciule d'indicà u nùmeru d'utilizatori (o participanti) chi ponu cuntribuì cum'è autori d'artìculi rispettivamente chi pàrlanu corsu daveru, perchì assai chi cuntribuìscenu cum'è autori ùn sò micca registrati o ùn indichèghjanu micca e so cunniscenze di corsu nant'à e so pàgine d'utilizatore. Attualmente (22 di marzu 2013) ci sò 22 utilizatori chi indichèghjanu ch'elli ponu cuntribuì in lingua corsa, di i quali 12 incun un nivellu elementare, 6 cù nivellu mezu è 2 cù nivellu avanzatu; 2 antri participanti indichèghjanu ch'elli hanu u corsu cum'è lingua materna.
Siente u nùmeru d'artìculi, a Corsipedia appartene à e 140 più grande Wikipedie, d'un tutale di 285. Attualmente (22 di marzu 2013), hè a 133ima più grande Wikipedia. Ma questa ùn hè micca un indicatore pè a qualità.
