Cavaddu di mari

U cavaddu di mari
Hippocampus hippocampus
Classifica scentifica
Regnu	Animalia
Imbrancamentu	Chordata
Classa	Actinopteri
Imbrancamentu	Acanthopterygii
Classa	Percomorphaceae
Ordini	Syngnathiformes
Famiglia	Syngnathidae
Genaru	Hippocampus
Nomu binuminali
Hippocampus hippocampus Carl Linnaeus, 1758

U cavaddu di mari (o cavallu di mare) (Hippocampus hippocampus) hè una spezia d'animali di a fauna marina chì faci parti di a famiglia di i Syngnathidae.

Discrizzioni

U cavaddu di mari cumunu si caratterizeghja da u so corpu lungarinu è una testa à forma di cavaddu, da induva u so nomu. A so taglia varieghja di regula trà 10 è 15 centimi. U so culori pò varià da giaddu à brunu passendu pà u rossu è u verdi, ciò chì li parmetti di camuffà si efficacementi in u so ambienti.

Ripartizioni

U cavaddu di mari cumunu hè prisenti in acqui timparati è trupicali di u mari Atlanticu urientali, di u mari Terraniu è di u mari Neru. Omu u trova di regula in l'arbaghji marini, l'estuarii è i scogli curaddini pocu prufondi.

In Corsica

U cavaddu di mari hè prisenti in acqui marini di Corsica.

Altri nomi di u cavaddu di mari sò: u cavaddu marinu, u pesciu cavaddu (Carghjesi), u cavallucciu (Bastia) o u cavadducciu marinu.

Biolugia

U cavaddu di mari cumunu hè un animali unicu. Difatti, hè u masciu chì porta l'ovi in una stacca incubatrici situata annantu à u so corpu. A femina diponi i so ova in 'ssa stacca, induv'eddi sò ficundati da u masciu. Quist'ultimu assicura dopu a prutizzioni di l'ova insin'à a so sbucciata. I cavaddi di mari si movini pianamenti imprudendu a so nutaghjola dursali par stabiliscia si.

Tassunumia

U cavaddu di mari cumunu apparteni à u genaru Hippocampus, chì ragruppa una centinara di spezii d'animali marini di a famiglia di i Syngnathidae. Parechji sinonimi di Hippocampus hippocampus inchjudeni Hippocampus brevirostris è Hippocampus europaeus.

Cunsirvazionie

U cavaddu di mari è minacciatu da a perdita di u so ambienti naturali divuta à a distruzzioni di l'arbaghji marini è à a pulluzioni di l'acqua. Hè dinù vittima di a pesca eccessiva pà u cummerciu di l'animali di cumpagnia. I misuri di cunsirvazioni sò missi in campu in certi loca par pruteghja 'ssa spezia, tali a criazioni di zoni marini prutetti è a sinsibilisazioni di u publicu à l'impurtanza di a so prisirvazioni.

U cavaddu di mari (Hippocampus hippocampus) hè prutettu da a cunvinzioni internaziunali di Washington (CITES) chì intardisci u cummerciu di i spezii di fauna è di flora minacciati di sparizioni.

Rifarenzi

• Dalbera Stefanaggi M.J., Miniconi R., Nesi A., Bertelli C., BDLC Mare è pesca - Hippocampus hippocampus Archiviu 2005-10-19 at the Wayback Machine
• Rughjeru Miniconi, Parlata aghjaccina cittatina è paisana, Ed. A Barcella, 2017.

Altri prugetti

• Hippocampus hippocampus annantu à Wikimedia Commons.