8 di dicembre

À prupositu di Wikipedia
(Reindirizzamentu da 8 di decembre)
Dicembre
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

L' 8 di dicembre hè u 342esimu ghjornu (u 343esimu ghjornu s'è l'annata hè bisesta) di u calendariu gregorianu.

Evenimenti[mudificà | edità a fonte]

Nascite[mudificà | edità a fonte]

- 1959 - Gavin Friday, vocalista, musicista, cantautore, produttore hè attore irlandesu.

Morte[mudificà | edità a fonte]

- 1933: Karl Jatho, inventore alimannu.
- 2019: Juice Wrld (Jarad Higgins), rapper è cantadore statunitense (* 1998).

Celebrazione[mudificà | edità a fonte]

Feste[mudificà | edità a fonte]

A CUNCEZZIONE.

A celebrazione di l'Immaculata Cuncezzione di Maria Vergine, antichissima in Oriente, hè stata istituita in Occidente à u settesimu seculu.

U dogmu di l'Immaculata Cuncezzione ùn hè micca statu accettatu senza dificultà. San Bernardu, à u seculu XII, San Bonaventura è San Tumasgiu d'Aquinu à u seculu XIII, ùn ne vulianu sente parlà. I primi à insegnallu sò stati un Inglese è un Irlandese è, soprattuttu, à u seculu XIV, u franciscanu scuzzese Duns Scot.

In Francia, a Sorbona hà accettatu u dogmu è Bossuet l'hà ghjustificatu, allora chì i discepuli di San Tumasgiu cuntinuvavanu à predicà chì Maria avia peccatu. Parechji papa anu avutu à intervene per falli stà zitti.

Ci hè vulsutu à aspettà u seculu XIX per chì u dogmu di l'Immaculata Cuncezzione sia impostu da da Piu Nonu (1846-1878). L'8 dicembre 1854, publicava a so bolla "Ineffabilis" chì dicia:

"Subitu cuncepita, per grazia è privilegiu di u Diu omniputente, a beata Vergine Maria hè stata preservata da u peccatu uriginale."

Quattru anni dopu, in Lourdes, a Madonna apparia à Bernardette Soubirous, dicenduli: "Je suis l'Immaculée Conception".

Nomi: in Corsica usava u nome Cuncetta, datu in l'onore di a Madonna cum'è Nunzia, Natività è Assunta.

Paesi è cità: l'Isula Rossa, Pigna, Carpinetu, Caroneu è u Seminariu d'Aiacciu.- Ramintemu chì, à a cunsulta di Corti di u 31 ghjennaghju 1735, i Corsi, in rivolta contru à Genuva, avianu sceltu l'8 dicembre cum'è festa naziunale. Un preambulu à una specia di Custituzione dicia:

"Eleghjimu l'Immaculata Cuncezzione di a Vergine Maria, pè a prutezzione di a Patria è di tuttu u Regnu di Corsica. A so imagine deve esse stampata nantu à tutti i scudi è tutte e bandere. A vigilia è u ghjornu di a so festa, seranu celebrati in tuttu u Regnu cù a massima devuzione è dimustrazioni di gioia à rombu di moschetteria è cannone".[1]

I Santi[mudificà | edità a fonte]

In Corsica[mudificà | edità a fonte]

FESTA DI A NAZIONI

Ligami[mudificà | edità a fonte]


I mesi di l'annu
Ghjennaghju - Ferraghju - Marzu - Aprile - Maghju - Ghjugnu - Lugliu - Aostu - Settembre - Uttobre - Nuvembre - Dicembre