Wikipedia:Articulu12

A Muvra hè un ghjurnale autonomistu fundatu in lu 1920 da Petru Rocca. Diventa in lu 1923 l'òrganu di stampa di u Partitu Corsu d'Azzione (chi diventa u Partitu Corsu Autonomistu in lu 1927) sin'à a Siconda Guerra Mundiale in lu 1939.

"A muvra" fù publicatu a prima volta u 15 di maghju 1920 in Parigi, si dicìa esse l'erede di Santu Casanova è d'A Tramuntana. "Rimpatriatu" l'annu dopu in Aiacciu, u ghjurnale sarà publicatu senza interruzzione sin'à lu 1939. I muvristi funu tanti numarosi ch'anu pulsutu fà a mità di l'anni 20, riviste culturale cume A baretta Misgia, Ghjuventu ò l'Almànaccu di a muvra, senza scurdassi di a truppa di teatru manighjata da i Notini.

In giru a i fratelli Rocca, Petru è Matteu, si scontra -principalmente- Ghjacintu Yvia-Croce, Orsini d'Ampugnani, u giòvanu Marcu Angeli, è, un tempu, u pueta Maistrale. Tratava d'omi maturi, chì escenu di a burghese minore intellettuale, spessu talianufili, puliticamente cunservatori, è ancu riazziunarii è attaccati à una visione sclusivamente ètnica di a nazione. Finanzatu un tempu, di lu 1921 sin'à lu 1923, da l'industriale aiaccinu Francescu Coty, u ghjurnale benefizieghja poc'à pocu di u sustegnu di l'irredentisti taliani. E duttrine sviluppate dentru à "A Muvra", chi si dicianu cursiste, s'urganizzavanu in giru a 4 punti principali: - u primu tuccava l'affirmazione di l'esistenza di a nazione corsa chi divìa rinasce è ci vulìa rihabilità a cultura è l'azzione di sò omi maiori; par esmpiu, trà d'altre cose, a dumanda di riapartura di l'università di Corti, inaugurazione d'a Croce di u Ricordu in Ponte Novu in lu 1925, ò e publicazione numarose nant'à a vita di Pasquale Paoli. Ordunque, sta nazione si truvava sottumessa da un paese incapace di guarentisce u sò sviluppu;