Alà dei Sardi

Alà
Nome ufficiale:	Alà dei Sardi
Blasone
Statu:	Italia
Regione:	Sardegna
Pruvincia:	Olbia è Tempiu
Cuurdinate:	40° 39' 0" N - 9° 20' 0" E
Altitudine:	700 m
Superificia:	188,6 km²
Pupulazione:	1.940 ab.
Densità:	10 ab./km²
Merre:	Francesco Pitzalis
Codice pustale:	07020
Codice ISTAT:	104003
Indicativu tel.:	079
Nome di l'abitanti:	Alaesi
Santu patrone:	Sant'Agustinu
Festa patrunale:	u 29 d'aostu
Situ ufficiale

Alà dei Sardi (saldu: Alà o Elà) è una cumuna di a pruvincia di Tarranoa-Timpiu. Hà 2000 abitadori, è hè situata in a righjoni storica di u Montacutu. A so lingua hè u locudoresu sittintriunali, una varietà di sardu un pocu influinzata da u lessicu corsu di a Gaddura. L'ecunumia si basa principalmenti annantu à l'agricultura è annantu à u pasturiu (pecuri è vacchi). Ogni annu - in u primu branu - in Alà dei Sardi si curri u Trufeu internaziunali di Cursa Campestra "ALASPORT", è vi participighjani i più importanti curridori di u mezufondu mundiali (primatisti mundiali, campioni mundiali è olimpichi). U trufeu hè unu di i più impurtanti d'Auropa pa i participanti. U quattru uttrovi v'è in Alà la festa di Santu Franciscu, è v'è da magnà è da bia pà più di deci milla piligrini di tutta a Sardigna.

L'orighjini

I primi abitanti di Alà dei Sardi sò stati Balares è Ilienses, dui populazioni trà i più feroci di u tempu anticu. Iddi sò risciuti à tena a bada l'antichi Romani, chì erani i patroni di u mundu à quiddi tempi. Si dici chì Alà era u capilocu di i Balares, parchì Alà si dici ancu Balà in lingua sarda, è dunqua pò vulè dì "cità di i Balares". Oghji in u territoriu d'Alà vi sò una vintina di siti archiulogichi di u periodu nuragicu, è calchì naracu sempri bè cunsirvatu. Dapoi, ancu a zona hè stata rumanizata, ma ancora vi sò tanti tuponimi di lingua nuragica, è quistu faci pinsà chì a rumanizazioni hè stata tardìva è pocu efficaci. In uu Medievu Alà dei Sardi hà fattu parti di u Ghjudicatu di Torres, è dapoi di li paci di Aragona hè passatu à a Cuntrada di Olevà, in l'Incuntrada di Monti Acutu, chì facia parti di i pussidimenti di i Duchi di Gandia, nobili spagnoli.

Oghji

Oghji u paesi hè in a pruvincia di Tarranoa-Timpiu, è hà una economia tradiziunali. Ma da pocu tempu s'hè svilupata l'arti di travaddà u suaru, chì pa qualità hè u meddu di a Sardigna. È ancu l'arti di travaddà i petri di i monti, chì sò richjesti in a Costa Smiralda (Tarranoa, Altzachena) pa rivestì i casi è i tanchi di i turisti. I maestri di muru d'Alà dei Sardi sò i più famosi pa i rivestimenti in petra, in tutta a Gaddura.

Liami

• Alà dei Sardi [1]
• Alasport [2]
• Fotografia di Alà [3]

I cumuni di a pruvincia di Tarranoa è Tempiu
	A Madalena - Agghju - Alà dei Sardi - Alzachena - Badesi - Bilchidda - Buddusò - Budoni - Bultigghjata - Caragnani - Figari - Locusantu - Loiri è Poltu Santu Paolu - Lu Palau - Lungoni - Lurisi - Monti - Oscari - Patru - Sant'Antoni - Santu Franciscu d'Aglientu - Santu Tiadoru - Tarranoa - Telti - Tempiu - Trinitai è Vignola