Sant'Elena
Sant'Elena hè un'isula vulcanica di 122 km2, situata per mezu à l'oceanu Atlanticu sudu, à 1930 km di e coste africane è à 3500 km di e coste brasiliane, per 15° 57' S, 5° 42' W. Face parte amministrativamente di Sant'Elena, Ascensione è Tristan da Cunha, territoriu d'oltrimare di u Regnu Unitu.[1] L'isula fubbe scuperta da u navigatore galizianu João da Nova Castella u 21 di maghju di u 1502 è numinata in l'onore d'Elena, mamma di Custantinu Ia. Da u 1657, diventa pussessu di a Cumpagnia inglese di l'Indie orientale.
Per u più cunnisciuta cum'è locu d'esiliu di Napuleone da u 1815 à a so morte u 5 di maghju di u 1821, l'isula li deve u so interessu turisticu chì riposa annantu à l'attraenza di i lochi ch'ellu hà friquintati. In u 1890, u capu zulu Dinizulu ci fubbe ditenutu, prima chì i Britannichi ci imprighjuneghjinu u generale Piet Cronje è 6000 Boers durente a Siconda Guerra di i Boers.
Isula furtezza annantu à u passaghju di e nave di a Cumpagnia di l'Indie, perse u so rollu strategicu à u mumentu di l'apertura di u Canale di Suez.
Geugrafia
[mudificà | edità a fonte]Sant'Elena hè situata in l'Atlanticu sudu, à 1850 chilomitri di e coste africane è 3500 di u Brasile.
Storia
[mudificà | edità a fonte]Scuperta
[mudificà | edità a fonte]L'isula fù scuperta da u navigatore galizianu João da Nova u 21 di maghju di u 1502[2], ghjornu di a festa di santa Elena sient'è l'usu anticu è ortudossu, chì li vale u so nome.
Qualchì avvinturieru è qualchì schiavu a pupuleghjanu. I vilieri, in u corsu di e so longhe travirsate, ci facenu arretta per rinnuvà a so pruvisione d'acqua dolce è di viveri freschi, ciò chì li vale u nome d'" Osteria di l'Oceanu "[3]. In u 1633, una flotta olandese ne piglia pussidimentu à nome di i Paesi Bassi chì l'annessanu senza occupà la. A Cumpagnia britannica di l'Indie orientale chì ùn pussede in i mari australi nissunu puntu di rilasciamentu per e so nave, si ne impatrunisce in u 1659 è l'acconcia prima di cede la à a Curona in u 1834. I guvernadori ci sò tandu numinati. Da u 1815 à u 1821, l'isula hè pristata à u Guvernu britannicu cum'è locu d'esiliu per Napuleone[4].
A ditenzione di Napuleone Ia
[mudificà | edità a fonte]
Dopu à i Centu Ghjorni, Napuleone fubbe esiliatu è depurtatu da i Britannichi annantu à Sant'Elena induve ellu sbarcò u 16 d'uttrove di u 1815 à bordu di u HMS Northumberland 1798 6[5]. A ghjunta di Napuleone caghjunò una crescita di a pupulazione di l'isula : circa 1500 suldati inglesi (in più di i 800 militareschi di a cumpagnia di l'Indie) è 500 marinari di a fluttiglia di guerra, è ancu officiali di u guvernu britannicu, accumpagnati da a so famiglia, senza sminticà a piccula culonia francese chì campava in a vicinanza di Napuleone[6]. Inoltre, i Britannichi, timendu un sbarcu di marinari francesi per liberà u prigiunere, rivendiconu l'isula di l'Ascensione - sin'à tandu disabitata - è ci stabilinu una guarnigione.
Napuleone morse u 5 di maghju di u 1821. U lindumane, u guvernadore di l'isula, sir Hudson Lowe, sin'à tandu in perpetuu cunflittu incù u so anzianu prigiunere, vinì in persona à assicurà si di a so morte è dichjarò tandu à a so vicinanza :
| « (...) era u più grande nimicu di l'Inghilterra è ancu u meiu ; ma eiu li perdongu tuttu. À a morte d'un cusì grande omu, ùn si deve risente ch'è un prufondu dulore è prufondi rimpienti[7].
Sicondu e so ultime vulintà in u casu induve u so corpu ùn duvia micca esse vultatu in Europa, Napuleone fubbe inumatu u 9 di maghju vicinu à una surghjente, in a valle di u Géranium, dinuminata dapoi "valle di a Cappella". U 27 di maghju, tutta a culonia francese chittò l'isula. Dicennovi anni dopu à a morte di Napuleone, u rè Louis-Philippe pote ottene da u Regnu Unitu a ristituzione di e cennere di l'exi imperatore. L'esumazione di u corpu di Napuleone ebbe locu u 15 d'uttrove di u 1840 » |
, po fubbe rimpatriatu in Francia è inumatu à l'Invalide in Parigi.
In u 1822, l'abitazione di Longwood fubbe ceduta à un affituariu chì li dete torna l'usu di chjude ch'ella avia innanzu à a ghjunta da Napuleone, tantu chì dopu, i visitadori custatonu ch'è a casa di Napuleone aggrundava
| « mulinu, silu, stifale di paglia è ancu cavalli.[8] » |
À parte si da u 1854, l'imperatore Napuleone III neguziò incù u guvernu britannicu l'acquistu di Longwood House è di a valle di a Cappella, chì diventonnu pruprietà francese in u 1858, sottu à u nome di Campu francese di Sant'Elena è gistite dapoi da a ministeru di l'Affari stranieri. U paviglione di i Briars, prima dimora di l'imperatore annantu à l'isula, fubbe aghjuntu à u duminiu in u 1959, quandu a so ultimu pruprietariu ne fece donu à a Francia.
Vegetazione
[mudificà | edità a fonte]A vegetazione di l'isula cuntava numerose spezie endemiche à u mumentu di a so scuperta, ma hè statu assai guastata da a prisenza di l'omu. A distruzzione hà principiatu pocu tempu dopu à a scuperta da i Portughesi in u 1502, incù l'intruduzione di capre. Ma ùn ci era nissunu animale erbivoru annantu à l'isula, è a flora ùn era micca adatta à u pasciale. Più tarde, incù u stabilimentu d'una pupulazione permanente da a Cumpagnia inglese di l'Indie orientale in u 1659, numerose piante, cum'è Phormium tenax, sò state introdutte, e quale anu criatu nuvelli paisaghji. Inoltre, l'arburi sò stati assai imprudati per a custruzzione è a cucina, è a distillazione di l'arrack.
S'è l'internu di l'isula era prubabilmente cupertu da una densa furesta tropicale, è ancu a costa, u paisaghju attuale hè assai differente. Ci sò trè grande zone di vegetazione : i machjoni di filette arburescente, annantu à e più parte alte di l'isula, i pasciali à l'altezze medie, è una zona cumplittamente rosa, annantu à e parte basse.
Certe spezie cum'è Acalypha rubrinervis è Nesiota elliptica (olivu di Sant'Elena) sò avà sparite. Altre spezie, cum'è Pelargonium cotyledonis sò diventate rare o in via d'estinzione. Una spezia particulare hè entruta in a Storia: si tratta di u salice chì adumbrava a cappella di Napuleone [9].
Acelli endemichi
[mudificà | edità a fonte]U curriere di Sant'Elena figura annantu à u blasone è a bandera di l'isula.
.jpg)
Parechji sottuspezie d'acelli endemichi di l'isula sò sparite dapoi l'occupazione umana (per via di a caccia, distruzzione di a furesta primaria subtropicale, spezie predatrice introdutte...) : Rantanu di Sant'Elena (Aphanocrex podarces), Puppusgia di Sant'Elena (Upupa antaios), Culombula turchina, Cuccu di Sant'Elena (Nannococcyx psix).
Pupulazione
[mudificà | edità a fonte]Ùn esiste micca una pupulazione indigena annantu à l'isula. L'abitanti di l'isula sò Europei discendenti di Britannichi, Africani discendenti di schiavi è di Chinesi. Tutti l'abitanti parlanu inglese. Ùn ci hè mai statu creolu per avà è e pupulazione d'origine non britannicu ùn usanu più a lingua di i so antenati.
A pupulazione s'inalza à circa 4200 abitanti in u 2008, inchjudendu i visitadori (3900 ùn cuntendu ch'è l'autoctoni), chì si scumpartenu per a maiò parte in l'internu di l'isula, più verdicante. Eppuru, quessa hè in forte calata, apposta ch'ella hà persu 1000 abitanti dapoi u 1998.
A capitale di l'isula hè Jamestown, chì n'hè dinù a cità principale incù 864 abitanti. Situata annantu à a costa, stendendu si annantu à 1.5 km, ma spruvista di portu, hè incasciata trà duie muntagne.
Divisione amministrative
[mudificà | edità a fonte]| Distrittu | Superf. km² |
Pop. 22 febr. 1987 |
Pop. 3 di marzu 1998 |
Pop. 10 febr. 2008 |
Densità ab. /km² |
|
|---|---|---|---|---|---|---|
| Alarm Forest | 5,9 | ... | 289 | 276 | 46,8 | |
| Blue Hill | 36,5 | 190 | 177 | 153 | 4,2 | |
| Half Tree Hollow | 1,6 | 1 075 | 1 140 | 901 | 563,1 | |
| Jamestown | 3,6 | ... | 884 | 714 | 198,3 | |
| Levelwood | 14,0 | 415 | 376 | 316 | 22,6 | |
| Longwood | 33,4 | ... | 960 | 715 | 21,4 | |
| Sandy Bay | 15,3 | 305 | 254 | 205 | 13,4 | |
| Saint Paul's | 4,4 | ... | 908 | 795 | 69,7 | |
| Tutale | 121,7 | 5 644 | 5 157 | 4 255 | 35,0 |
'Ssi distritti sò ridutti à dui : Livante è Punente. Quattordici ettari formanu u Campu francese di Sant'Elena.
Accessu à l'isula
[mudificà | edità a fonte]Via marittima
[mudificà | edità a fonte]L'isula ùn hè accessibile ch'è per battellu, ma ùn pussede micca porti dutati d'un molu. Una nave britannica u RMS St Helena (RMS per Reale Mail Sirviziu, l'ultimu battellu pustale britannicu sempre in sirviziu), mezu cargò mezu nave face a lega incù l'Africa di u Sudu. Ci volenu quattordici ghjorni à u cargò mistu RMS Santu Helena, per percorre l'8000 chilomitri chì spiccanu Cardiff (Paese di Galles) da Jamestown.
Via aeria
[mudificà | edità a fonte]Dopu à assai contruversie, u prugettu d'aeruportu fù abbandunatu per causa di a crise ecunomica mundiale in u 2009. Eppuru, u nuvellu guvernu britannicu di u prima ministru David Cameron dicise di ghjunghju 2010 di rilancià u prugettu chì fù aduttatu di nuvembre 2011. Hè una sucità sudafricana, Basil Read, chì ottense u cuntrattu di 200 milioni di libri, è l'aeruportu duvia apre in u 2015 (data di u 200u anniversariu di u ghjunta in esiliu di Napuleone), incù i buli trà l'isula è l'Africa di u Sudu[10]. Finalmente, l'aeruportu fù inauguratu u 21 di maghju di u 2016.
Note
[mudificà | edità a fonte]- ↑ 'Ss'articulu pruvene in parte da l'articulu currispundente di a wikipedia in francese.
- ↑ Jules-Sébastien-César Dumont di Urville, Viaghju pitturescu intornu à u mondu, tomu II, p. 547.
- ↑ Ulane Bonnel, Sant'Elena, terra d'esiliu, Hachette, 1971, 17.
- ↑ Ghjacumu Macé, Dizziunariu storicu di Sant'Elena, Tallandier, 2004.
- ↑ Thierry Lentz , Napuleone, Edizione La Boétie, 2013, 82.
- ↑ Michele Dancoisne-Martineau, Cronache di Sant'Elena: Atlanticu sudu, Perrin, 2011, p. 301.
- ↑ Napuleone, Larousse, 2015, p.91
- ↑ Albertu Benhamou, L'altru Sant'Elena : a cattività, a malatia, a morte è i medichi intornu à Napuleone, 2010, p. 373.
- ↑ L'altru Sant'Elena Archiviu 2019-10-30 at the Wayback Machine, annantu à u situ lautresaintehelene.com, cunsultata u 26 di nuvembre di u 2014.
- ↑ Remote UK island colony of St Helena to get airport, BBC, 3 di nuvembre di u 2011.