Riserva naturale di l'Isule Finuchjarole

À prupositu di Wikipedia
Jump to navigation Jump to search
L'isule Finuchjarole

A riserva naturale di l'Isule Finuchjarola hè una riserva naturale di Corsica. Classificata in u 1987, si stende annantu à una superficia di trè ettari è pruteghje un arcipelagu cumpostu di trè isulotti à u nordestu di u Capicorsu chì ghjova da situ di nidificazione per una spezia endemica di u mare Terraniu: l'acula marina corsa.[1]

Lucalisazione[mudificà | edità a fonte]

U territoriu di a riserva naturale si trova annantu à a cumuna cismuntinca di Ruglianu. Hè custituitu d'un arcipelagu di trè isulotti, l'Isule Finuchjarole, vicinu à a costa à u nordestu di u Capicorsu. A superficia tutale di a riserva hè di 3 ettari, ciò chì ne face a più chjuca di e riserve naturale di Corsica.

Storia di u situ è di a riserva[mudificà | edità a fonte]

L'isulotti è a torra annantu à l'isula Finuchjarola

L'isulotti sò desertichi è cuperti da una vegetazione bassa è adatta à u sale. Una torra genuvese fubbe edificata in u 1594 annantu à l'isulottu u più altu.

Ecolugia[mudificà | edità a fonte]

U scopu principale di a riserva naturale hè di pruteghje i siti di nidificazione di l'acula marina corsa.

Flora[mudificà | edità a fonte]

L'arcipelagu hè marcatu da a prisenza in abbundanza di finochju chì dà u nome à l'arcipelagu. Ci sò dinù annantu à l'isulotti assai taravelli è porri selvatichi.

Fauna[mudificà | edità a fonte]

Oltre l'acula marina corsa, numerose spezie d'acelli stanu annantu à l'arcipelagu, in particulare u marangone, a terraghjola russiccia, a capinera scupaghjola, a capinera curpettirossa, a capinera ochjirossa è l'acula marina.

Ci si trovanu dinù trè spezie di rettili : l'aciartula tirrenica (rodulphisimonii) spezia endemica di l'arcipelagu, u Phyllodactylus europaeus è a Tarentola Mauritanica è annantu à e rive, un molluscu minacciatu, a laparedda maiori.

Prutezzione[mudificà | edità a fonte]

L'accessu à a riserva naturale ùn hè micca autorizatu à u publicu.

Amministrazione, pianu di gistione, rigulamentu[mudificà | edità a fonte]

A riserva naturale hè gistita da l'Associu Finuchjarola-Punta di u Capicorsu[2]. A riserva face parte di a reta di e Riserve naturale di Corsica[3].

L'isule Finuchjarola sò un situ classificatu pruprietà di u Cunsirvatoriu di u litturale[4].

Cum'è riserva naturale [5], face parte di a reta di e Riserve naturale di Corsica.

U situ hè chjusu à u publicu da u 1 di marzu à u 31 d'aostu, incù interdizzione di sbarcu. L'ammogliu hè interditu tuttu l'annu in un raghju di u 200 metri.

Stuvigli è statutu ghjuridicu[mudificà | edità a fonte]

A riserva naturale hè statu criata da u dicretu n°87-494 di u 29 di ghjugnu di u 1987.

Articuli cunnessi[mudificà | edità a fonte]

Note[mudificà | edità a fonte]

  1. 'Ss'articulu pruvene in parte da l'articulu currispundente di a wikipedia in francese.
  2. situ di l'assuciazione
  3. Offiziu di l'Ambiente di Corsica
  4. Capicorsu Cunsirvatoriu di u litturale
  5. Riserva naturale di l'Isule Finuchjarola