Arcipelagu

À prupositu di Wikipedia
Jump to navigation Jump to search
Imaghjina satellitu illustrendu l'arcipelagu Finlandesu
L'arcipelagu di Hawaï

Un arcipelagu hè un insemu d'isuli abbastanza prossimi l'uni da l'altri.[1] A prussimità si doppia par u più di un'urighjini giulogica cumuna, in generali vulcanica.

'Ssa nuzioni hè apradata in giugrafia par disignà un modu d'apprupriazioni negativi di u spaziu trà elementi isulati intrattinendu liami impurtanti è primurdiali.

Urighjini[mudificà | edità a fonte]

U termini " arcipelagu " veni da u grecu bizantinu ἀρχιπέλαγος (archipelagos), littiralamenti " mari principali " [du verbu ἄρχω (árkhô) {essa u prima, cummandà} → prefissu ἀρχί- (arci-) {principali} è πέλαγος (pélagos) {l'altu mari}]. 'Ssa parola disignava à l'urighjina u mari Egeu, carattarizata da u so grandi numaru d'isuli (i Cicladi, i Spuradi, Salamina, Eubea, Samutracia, Lemnos, Samos, Lesbos, Chios, Rhodes, è cetara.). Quandu a maiò parti di 'ssi isuli funi tolti à l'Imperu bizantinu à l'iniziu di seculu XIII da Marcu Sanudo, generali venetu, quiddu quì fù fattu duca di l'Arcipelagu.

Giugrafia[mudificà | edità a fonte]

In giugrafia, a nuzioni di " arcipelagu " rinvia à una cuncizzioni spicifica di u spaziu ussirvata in 'ssu tipu di locu, chì parmetti di custattà chì " un spaziu giugraficu ùn hè micca nicissariamenti cuntinuu "[2] : i liami intrattinuti da 'ssi isuli in reta di una certa manera " par sopra " u spaziu marinu chì i spicca, custituiscini un spaziu discuntinuu carattarizatu da a so cuesioni[2]. 'Ssa nuzioni hè stata stesa matafuricamenti à altri tipi di spazii giugrafichi. Par indittu, in u studiu di a ecunumia mondializata attuali, i giugrafi tali Petru Veltz parlani di una " ecunumia d'arcipelagu " : l'ecunumia mundiali hè cuntrullata à parta da un numaru ristrintu di metropuli beddi culligati trà eddi da ottimi mezi di cumunicazioni, i vii marittimi à i telecumunicazioni. Siont'è l'autori, 'ssi metropuli appariscini com'è un arcipelagu d'isuli isulatu annantu à un mari[2].

Drittu[mudificà | edità a fonte]

In drittu internaziunali è in drittu di u mari, a nuzioni di Statu arcipelagu disigna un Statu custituitu intiriamenti da unu o parechji arcipelaghi è evintualamenti di altri isuli.

Listinu d'arcipelaghi[mudificà | edità a fonte]

Ci voli à nutà quì chì certi arcipelaghi poni essa ragruppati. 'Ssu raggruppamentu hè dinò cunsidaratu com'è un arcipelagu. Par indittu, l'Antigli sò un arcipelagu di l'Uceanu Atlanticu, cumpostu par u più di i Grandi Antigli è di i Picculi Antigli, chì facini parti ancu eddi di l'arcipelagu. U siguenti tavuleddu ragruppa l'arcipelaghi incù unu numaru dicriscenti d'isuli, certi "duppiona" poni dunqua esista.

Nomu di l'arcipelagu Numaru d'isuli Statu o zona giugrafica Nota
Finlandia 179584 In u mari balticu, in u mezupunenti di a Finlandia Più grandi arcipelagu di u mondu
Indunesia 13466 Ripublica d'Indunesia (Asia di u Sudestu è Uceania) Statu Arcipelagu
Filippini 7107 Ripublica di i Filippini (Asia di u Sudestu) Statu Arcipelagu
Giapponu 6852 Statu di u Giapponu (Asia di u Livanti) Statu Arcipelagu
Antigli America cintrali, Uceanu Atlanticu
Arcipelagu Lisandru 1100 Stati Uniti (Alaska), Uceanu Pacificu Nordu
Isuli Aleutini 300 Uceanu Pacificu Nordu (à a larga di l'Alaska) Isuli vulcanichi
Cicladi 250 Grecia, Mari Egeu
Hawaii 137 Uceanu Pacificu Vulcanisimu di puntu caldu
Tuvalu 123 Statu di i Tuvalu (Uceania) Statu Arcipelagu
Seychelles 115 Ripublica di i Seychelles (Uceanu Indianu) Statu Arcipelagu
A Maddalena 62 In u mari Tarraniu, à a larga di a costa Smeralda in Sardegna, Italia À u nordestu di a Sardegna, in i Bocchi di Bonifaziu
Isuli Feroe 29 Uceanu Atlanticu Nordu
I Comori 4 Canali di u Mozambicu, à a larga di a costa hè di l'Africa Arcipelagu Vulcanicu

Noti[mudificà | edità a fonte]

  1. 'Ss'articulu pruveni in parti da l'articulu currispundenti di a wikipedia in francesu.
  2. 2,0 2,1 2,2 Tiresa Saint-Julien, " l'approcciu spaziali ", in Annette Ciattoni è Yvette Veyret (dir), I fundamintali di a giugrafia, Armand Colin, 2003, p. 10 (in francesu)