Farfalla ferulaghja
| |||||
|---|---|---|---|---|---|
| |||||
| Papilio hospiton | |||||
| Classificazione scentifica | |||||
| Regnu | Animalia | ||||
| Imbracamentu | Arthropoda | ||||
| Classa | Insecta | ||||
| Ordine | Lepidoptera | ||||
| Famiglia | Papilionidae | ||||
| Generu | Papilio | ||||
| Nomu binuminale | |||||
| Papilio hospiton Gené, 1839 | |||||
| |||||
U macaone corsu (o Macaonu corsu) (Papilio hospiton) hè una spezia di farfalla chì face parte di a famiglia di e Papilionidae.
Descrizzione
[mudificà | edità a fonte]
Hè una farfalla maiò, incù una apertura alare massima di 8 o 10 centimi. Per via di quessa l'adulti si vedenu è si scontranu à spessu in a natura, da maghju à ghjugnu. L'ale da daretu di u macaone corsu anu spezia di coda. Sò di culore neru, adurnate di mutivi gialli vivi è di machje bianche. I masci prisentanu ancu una fascia turchina caratteristica annantu à e so ale pustiriore.Ci hè pocu dimurfisimu sessuale è u masciu è a femina sò guasi listessi. U macaone corsu bula lestru è ùn hè micca cusì faciule d'ussirvà la annantu à un fiore.
Per u più, si trova annantu à a ferula, da u livellu di u mare, insin'à 2000 metri.[1]
U brugu
[mudificà | edità a fonte]I brughi sò verdi, incù anelli neri pichjulati di giallu. U brugu si nutrisce di cinqui pianti:
- a ferula (Ferula comunis)
- a ruta corsa (Ruta corsica)
- a pastinaccia (Pastinaca latifolia)
- Peucedanum officinale paniculatum
- è Laserpitium halleri cynapiifolium.
Differenze incù u macaone cumunu
[mudificà | edità a fonte]
U macaone corsu s'assumiglia assai à u macaone cumunu. E dui farfalle si ponu cunfonde. Ma esistenu qualchì differenze. Ci hè una grande tacca rossa in a coda ind'è u macaone cumunu. Invece, ind'è a maccaone corsu, 'ssa tacca hè più chjuca è chjirchjata nera. È a coda di u macaone corsu hè più corta ch'è quella di u macaone cumunu.
Accade ch'ellu ci fusi un'ibridazione trà u macaone corsu è macaone cumunu. Ma l'esemplari chì nascenu di 'ssa ibridazione sò sterili.
Biolugia
[mudificà | edità a fonte]Papilio hospiton hè un farfalla diurna, attiva per u più mentre i mesi d'istate. Si nutrisce di u nettare di i fiori, in particulare di e piante di a famiglia di l'Apiaceae è l'Asteraceae. E femine facenu i so ovi annantu à piante ospite specifiche, tale u finochju selvaticu (Foeniculum vulgare) è u finuchjettu (Anethum graveolens). I bruchi si sviloppanu nutriscendu si di e casce di 'sse piante.
Endemismu
[mudificà | edità a fonte]Hè una spezia endemica di a Corsica è di a Sardegna.
In Corsica
[mudificà | edità a fonte]U maccaone corsu hè cumunu in Corsica. Si scontra in l'isula sana. Per u più, si trova ind'ellu ci hè a ferula, da u livellu di u mare sin'à 700 metri. Più in sù, si pò truvà annantu à a Ruta corsa o à parte da 800 metri, annatu à Peucedanum paniculatum.[2] Hè à un'altezza media di 400-500 metri ch'ellu hè u più abundante.[3] Esiste dinù in Corsica u maccaone cumunu. Parechji siti impurtanti per u maccaone corsu in Corsica sò: l'Agriate, u Cuscione è l'Alcudine.
In Sardegna
[mudificà | edità a fonte]In Sardegna si scontra per u più annantu à a ferula. Si trova in tutta l'isula è hè abundate in particulare in l'areale di Montimannu.[4] Si trova dinù annantu à Ruta lamarmorae, ma raramente è solu à altezze superiore à i 1400 m in i Monti di u Gennargentu.
Hè statu ossirvatu ch'è l'areale di a ferula era in calata.
Tassonumia
[mudificà | edità a fonte]Papilio hospiton hè ancu cunnisciutu sottu u nome di Macaone di Corsica o Macaone corsu. Hè statu discrittu per a prima volta da l'entomologu francese Jean-Baptiste Alphonse Dechauffour sz Boisduval in u 1833. Appartene à a sottufamiglia di i Papilioninae è à u generu Papilio.
Prutizzione
[mudificà | edità a fonte]Papilio hospiton hè cunsideratu cum'è una spezia in priculu criticu d'estinzione sient'è l'Unione internaziunale per a cunsirvazione di a natura (UICN). A so pupulazione hè in declinu per causa di a distruzzione di u so ambiente naturale, di a frammintazione di e pupulazione è di a racolta eccessiva per u cummerciu di l'insetti. Misure di cunsirvazione sò messe in piazza per pruteghje 'ssa spezia, in particulare a criazione di riserve naturale è a sensibilisazione di u publicu à a so impurtanza eculogica. Difatti, u macaone corsu hè prutettu à parechji livelli:
- a cunvinzione internaziunale di Washington (CITES) chì interdisce u cummerciu di e spezie di fauna è di flora minacciate di sparizione.
- a cunvinzione di Berna
- a dirittiva Habitat
- in Francia, hè scrittu annantu à lista d'insetti prutetti di l'arristatu di u 3 aostu 1979
Note
[mudificà | edità a fonte]Bibliugrafia
[mudificà | edità a fonte]- Papilio hospiton, 2015, studiu CITES, Unione Europea
- Maria Cecilia Ruiz, Farfalle, Offiziu di l'Ambiente di Corsica Archiviu 2015-10-26 at the Wayback Machine
- Berquier C. & Andrei-Ruiz M.-C., Lista Rossa regiunale di e Farfalle diurne è Zygene di Corsica, Corti: Edizione di l'Uffiziu di l'Ambiente di a Corsica, 2017
Liami
[mudificà | edità a fonte]- Papilio hospiton, SardegnaForeste
- Papilio hospiton, INPN (in francese)
- Papilio hospiton (in inglesu)
- Insetti, Papilio hospiton (in talianu)
Da vede dinù
[mudificà | edità a fonte]Altri prugetti
[mudificà | edità a fonte]
Papilio hospiton annantu à Wikimedia Commons.
