Neve (Ghjacumu Santu Versini)
Neve hè una puesia di l'autore è pueta in lingua corsa Ghjacumu Santu Versini (1867-1922), dettu Buscagliolu. Hè stata publicata in A Cispra di marzu 1914. L'ultima strufetta hè stata aghjustata dopu, chì a si ramintavanu parechji di i sculari chì eranu stati à scola incù Ghjacumu Santu Versini.
- I grataghji fulighjinosi
- Anu e so faldette bianche.
- E fate ch'ùn sò mai stanche,
- L'anu fatti cusì pumposi
- I grataghji fulighjinosi...
- I licciaconi è li pulloni
- L'hà vistuti tutti lu ventu
- Di cadusgiulelle d'argentu...
- Sbaccuneghjanu da ricconi
- I licciaconi è li pulloni...
- U sole hè spentu,
- U celu piegne...
- Più tarra, più monti, più machja...
- Un nivulu di corbi grachja...
- Malasci à ch'ùn hà ghjuntu legne!
- U sole hè spentu. U celu piegne...
- Neva, neva, è neva fiori !
- Di biancu s'impanna lu mondu...
- Bellu granu sarà più tondu
- Pà li buiaghji è li pastori.
- Neva, neva è neva fiori!
Referenze
[mudificà | edità a fonte]- Ceccaldi, Matteiu (1976) Antulugia di a litteratura corsa - Anthologie de la littérature corse, Klincksieck: Paris
Ligami
[mudificà | edità a fonte]- Paese di marignana - Fole è canti Archiviu 2008-11-14 at the Wayback Machine