Mintrastu
(Reindirizzamentu da Mentha suaveolens insularis)
| U mintrastu | ||||||||||||||||
|---|---|---|---|---|---|---|---|---|---|---|---|---|---|---|---|---|
| Classificazione scentifica | ||||||||||||||||
| ||||||||||||||||
| Trinomial name | ||||||||||||||||
|
Mentha suaveolens insularis |
U mintrastu (o a mintrastella) (Mentha suaveolens insularis) hè una pianta chì faci partita di a famiglia di i Lamiaceae. U mintrastu hè cumunu in parechji isuli di u Mari Tarraniu com'è a Sardegna, a Sicilia è a Corsica. Si trova in i loca umiti, par asempiu accantu à i vadini. U mintrastu hè altu sin'à 80 cm.
U mintrastu fiurisci da ghjugnu à sittembri.
Un sinonimu di Mentha suaveolens insularis hè: Mentha rotundifolia subsp. insularis.
In Corsica
[mudificà | edità a fonte]U mintrastu hè cumunu in Corsica.
Citazioni
[mudificà | edità a fonte]U mintrastu hè mintuvatu qualchì volta in a litteratura è in u cantu corsu. Par asempiu:
- in a puisia di Carulu Giovoni:
- Addiu, dolci virdura
- U mintrastu è la filetta
- È la canzona quieta
- In i nidi di friscura.
- in a canzona U francà di i staghjoni di Surghjenti:
- Spadanscia a me muntagna suttu à a vampa di lu soli.
- U mintrastu 'llu so adori incurunighja lu matticciu.
- in a Predica di a rustaghja di Monsignori di la Fuata:
- Li sgarzunotti ti coglini li fica?
- Chì ci hè bisognu chì nimu la ti dica?
- Pensi forsi di parà li
- Cù u mintrastu o cù l'urtica?
- Ci vol pronta la lamaghja:
- Comu fà senza rustaghja?
Rifarenzi
[mudificà | edità a fonte]- Mentha suaveolens subsp. insularis (in francesu). Archiviu 2006-10-02 at the Wayback Machine
- Gamisans, J. & Jeanmonod, J. (1993) Catalogu di i pianti vascularii di Corsica - Catalogue des plantes vasculaires de la Corse, Conservatoire et jardin botanique de la ville de Genève, Genève (in francesu).
Da veda dinò
[mudificà | edità a fonte]- a menti