Lingua siciliana

Sicilianu (Sicilianu)
Altri nomi:	sicilianu, sicilianu-calabrese
Parlatu in:	Italia, cumunità d'emigranti
Parsoni:	~5.000.000 (2002)
Classifica:	?
Scrittura:	Latina
Tipulugia:	SVO / SOV
Filugenesi:	Indoauropeanu Italicu Rumanicu Italu-uccidentale Italu-dalmatu / Italu-rumanicu Gruppu linguisticu sicilianu Sicilianu
Statutu officiale
Nazioni:	Sicilia, Calabria (meridiunale)
Rigulatu da:	Centru di studii filulogichi è linguistichi siciliani
Codici di classificazioni
ISO 639-2	scn
ISO 639-3	scn
Estrattu in lingua
Dichjarazioni univirsali di i diritti di l'omu - Art.1
Tuti i èssiri umani nàscinu lìbbiri e avali nnâ dignitati e nnê diritti. Sunnu addutati di raciuni e cuscenzia e s'ànnu a cumpurtari unu cull'autru cu spirdu di fratirnitati.
Lingua - Alencu d'e lingue - Linguistica

Puisia in cicilianu

A lingua ciciliana, o lingua siciliana (in cicilianu sicilianu hè a lingua rumanica di l'isula di Sicilia. Hè una lingua appartinendu à u gruppu di i lingui rumanichi di a famiglia di i lingui induauropei. In un sensu rigurosu, 'ssu terminu disigna u cicilianu di Cicilia è i so diversi dialetti, mentri chì in un sensu largu, a parsona si riferisci à u gruppu linguisticu cicilianu cumprindendu u cicilianu di Cicilia, u calabresu centrumeridiunali, u salentinu è ancu u cilentanu miridiunali.

A lingua ciciliana ùn faci l'ughjettu di nisciuna prutizzioni rigulamentaria, ùn essendu micca minziunatu frà i lingui prutetti da a leghji di u 15 di dicembri di u 1999 annantu à i " Reguli in materia di prutizzioni è di difesa di i minuranzi linguistichi storichi ".

Arghja di ripartizioni

L'arghja di ripartizioni naturali di i diversi dialetti ciciliani si stendi annantu à l'insemu di a Cicilia, è ancu annantu à a parti miridiunali di a Calabria è annantu à a parti a più miridiunali è uriintali di a Puglia : u Salentu (ghjustu appuntu in u " calcagnu " di a " botta taliana ").

Litteratura ciciliana

A cuprendula di u 'Vucabulariu sicilianu di Piccitto

A litteratura in lingua ciciliana hè una di i primissimi litteraturi in lingua vulgari à nascia in Italia dopu à u diclinu di u latinu. Hè à u XIIIu seculu, sottu à l'impulsioni di Federiccu II è di a so corti cumposta da littarati, di sapienti è di filosufi chì 'ssa nova litteratura si sviluppa. U cicilianu s'arricchisci d'impronti à u tuscanu è à u latinu. I pueti di corti ani da sviluppà una puisia lirica di qualità è à forti cumpunenti sculasticu. U sunettu è a canzona sò i formi privilighjati da i pueti chì cantani a so prummissa o discorrini annantu à a natura di l'amori. Frà l'autori di 'ssa ebbica si trova : Giacomo da Lentini, Cielo d'Alcamo, Rinaldo d'Aquino, Giacomino Pugliese o dinò Petru Di i Vigni.

Accentu

L'accentu cicilianu sona assà apartu à l'arechja, cunfiriscendu à 'ssa lingua è à i so locutori (ancu quandu eddi si sprimani in talianu cumunu) un certu esotisimu. Par indittu, u verbu èssiri (" essa ") tistimunieghja di un e assà apartu incù un accentu tonicu forti è trascinendu annantu à a prima sillaba.

In soprapiù, i Ciciliani prununciani sempri l' "s" com'è in a parola corsa" messa ". Cusì, un cicilianu prununciarà i paroli casa è odiosu incù una /s/ dura, quandu inveci u talianu ufficiali li sustituisciaria u sonu /z/.

U cicilianu ammetti i varianti siont'è i loca ma ferma una lingua viva chì faci parti di u patrimoniu di a rigioni è chì manifisteghja u culori lucali di a Cicilia. Difatti, i locutori ci sò assà liati, ferma d'altrondi u prima mezu di cumunicazioni (davanti u talianu) quandu a parsona s'alluntana da i zoni turistichi. U cicilianu parmetti cusì un'idantità ciciliana chì usa a lingua com'è fattori unificanti.

Grammatica

Santacroci

U cicilianu improda una varianti di u santacroci latinu chì cumporta 22 lettari : 5 vucali è 17 cunsunanti.

Vucali					Cunsunanti
hà	e	i	o	u	b	c	d	f	g	h	j	u/a	m	n	p	q	r	s	t	v	z
Hà	E	I	O	U	B	C	D	F	G	H	J	U/A	M	N	P	Q	R	S	T	V	Z

U cicilianu ùn improda dunqua micca i lettari k-K, w-W, x-X è y-Y, cunfurmamenti à u talianu. In l'anziani testi ciciliani a lettara x-X era apradata, com'è in u Maltesu, par u sonu equivalenti à u "ch" corsu. È ancu xh-XH era usatu par u sonu equivalenti à u "ch" alimanu.

U segnu diacriticu u più usatu in cicilianu cumunu hè l'accentu gravi (apradatu par marcà l'accentu tonicu).

• Asempii d'impiegu di l'accentu gravi in cicilianu :
• " èssiri " (in corsu : essa)
• " fràggili " (in corsu : fralu/frala, fragili)
• " òspiti " (in corsu : ospiti)
• " màsculu " (in corsu : masciu)
• " òstrica " (in corsu : ostricia)
• " crìsciri " (in corsu : crescia)
• " àrma " (in corsu : anima o ancu alma)
• " apòstulu " (in corsu : apostulu)
• " ìsula " (in corsu : isula)

Ma s'improda dinò l'accentu circunflessu par marcà a sparizioni di una sillaba in una parola.

• Asempii d'impiegu di l'accentu circunflessu in cicilianu :
  • âmu, cuntrazzioni di avemu (in corsu : avemu)
  • malaûriu, cuntrazzioni di malauguriu (in corsu : mal'auguriu)
  • âti, cuntrazzioni di aviti (in corsu : aveti)

Eppuri, parechji scrittori ciciliani ani scrittu in cicilianu usendu dinò altri segni diacritichi tali l'accentu acutu par signalà l'accentu tonicu (veni à dì com'è in spagnolu), è sancu u trema par signalà i falsi diftonghi.

• Asempii d'impiegu di u trema in cicilianu :
  • castïari (in corsu : "castigà")
  • cuntìnüu (in corsu : "cuntinuu")

Asempii di a lingua scritta

Strattu di Antonio Veneziano

Celia, Lib. 2

(~1600)

Non è xhiamma ordinaria, no, la mia

è xhiamma chi sul'iu tegnu e rizettu,

xhiamma pura e celesti, ch'ardi 'n mia;

per gran misteriu e cu stupendu effettu.

Amuri, 'ntentu a fari idulatria,

s'ha novamenti sazerdoti elettu;

tu, sculpita 'ntra st'alma, sì la dia;

sacrifiziu lu cori, ara stu pettu.

Strattu di Giovanni Meli

Don Chisciotti e Sanciu Panza (Cantu quintu)

Stracanciatu di notti soli jiri;

S'ammuccia ntra purtuni e cantuneri;

cu vacabunni ci mustra piaciri;

poi lu so sbiu sunnu li sumeri,

li pruteggi e li pigghia a ben vuliri,

li tratta pri parenti e amici veri;

siccomu ancura è n'amicu viraci

di li bizzari, capricciusi e audaci.

Strattu di Nino Martoglio

Brìscula 'n Cumpagni

(~1900)

—Càrricu, mancu? Cca cc'è 'n sei di spati!...

—E chi schifiu è, di sta manera?

Don Peppi Nnappa, d'accussì jucati?

—Misseri e sceccu ccu tutta 'a tistera,

comu vi l'haju a diri, a vastunati,

ca mancu haju sali di salera!

Vucabulariu

cicilianu	talianu	corsu
accattari	comprare	cumprà, accattà
anciòva	acciuga	anchjuva
addumàri	accendere	accenda
àrvulu	albero	arburi
avùgghia	ago	acughja
batìa	abbazia	abbazia
benìssimu	benissimo	benissimu
fìnu	fino	fin'à/sin'à
fùsu	fuso	fusu
fùmu	fumo	fumu
ghiàcciu	ghiaccio	ghjacciu
làtti	latte	latti
lèccu	ecco	ecu
pirrera	miniera	minera
munzèddu	mucchio	mora/muchju
nurrìzza	balia	nutrici/balia
pàrma	palma	palma
piàttu	piatto	piattu
picciuttànza	adolescenza	aduliscenza
pòpulu	popolo	populu
rusàriu	rosario	rusariu
subbìssu	abisso	abissu
sapùni	sapone	savonu
scèccu	asino	sameri
sciàrra	lite	lita
sònu	suono	sonu
vòcula nzìcula	altalena	manganiolu
zabbàra	agave	agava
ziànu (tsianou)	zio	ziu

Situazione ligislativa è ricunniscenza

Ancu s'ellu ùn hà nisuna ricunniscenza ufficiale esplicita da a Republica Taliana, chì cù a lege naziunale 482/99 ùn include micca u sicilianu trà e minurità linguistiche prutette, l'idioma sicilianu hè ricunnisciutu da a Regione Siciliana, da l'Unione Europea è da l'UNESCO. Hè statu u sughjettu di parechje iniziative ligislative regiunale per a so prutezzione, cum'è u decretu presidenziale di u 1951 è e lege regiunale di u 1981 è di u 2011, chì cuntenenu norme precise per a valorizazione è l'insignamentu di u patrimoniu linguisticu isulanu in e scole. In più, u sicilianu hè prumossu in Calabria dapoi u 2012, grazia à una lege chì tutela u patrimoniu dialettale calabrese, in particulare u dialettu regginu.

Studii filulogichi è sculastichi

Dapoi u 1951, u Centru di studii filulogichi è linguistichi siciliani (CSFLS), basatu vicinu à l'Università di Palermu, prumove u studiu di u sicilianu anticu è mudernu. Stu travagliu hà u scopu di parmette un approcciu currettu à a storia linguistica di a Sicilia, soprattuttu in u mondu di a scola. L'attività di u Centru hè sustenuta ufficialmente da a lege regiunale n. 54 di u 21 d'aostu di u 1984. Queste iniziative cercanu di rinnuvà i prugrammi sculastichi per piglià in contu a cultura di a lingua isulana.

Ricunniscenza in i statuti lucali è patrimoniu

I cumuni di Bivona, Caltagirone è Grammichele ricunnosce ufficialmente in i so statuti a lingua siciliana, cunsiderata cum'è un valore storicu è culturale inalienabile. Dapoi u 2010, u sicilianu hè inseritu in u Registru di l'Eredità Immateriale di a Sicilia (REIS), istituitu da a Regione, induve una sezzione specifica hè dedicata à u "Libru di i Dialetti, di e Parlate è di i Gerghi" di a lingua siciliana. Stu registru serve à pruteghje e parlate isulane cum'è una forma di cultura viva è tistimunianza storica.

Presenza internaziunale è cattedre

A diffusione di a lingua siciliana hà varcatu i cunfini isulani. In u 2012, a cullaburazione trà l'Università di Palermu è l'Università Naziunale di Rosario in Argentina hà purtatu à a fundazione di u "Centro de Estudios Sicilianos" è à a creazione di una catedra di "Cultura è lingua siciliana". In u 2016, una catedra simile hè stata creata vicinu à l'Università La Manouba di Tunisi, in Tunisia, sottu a direzzione di u prufessore Alfonso Campisi. In i Stati Uniti, l'urganizazione no-profit "Arba Sicula", basata in New York, prumove a lingua attraversu una rivista bilingue inglese-sicilianu per mantene u ligame cù e cumunità di l'emigrazione.

Da veda dinò

• Pruverbii siciliani