Kinshasa

Kinshasa (lingala: Kinsásá; finu à u 3 maghju 1966 Léopoldville in francese; ò Leopoldstad in ulandese) hè a capitale è a cità maiori di a Repubblica Democratica di u Congo. Hè a terza grandi aria metrupulitana di l'Africa dopu à U Cairu è Lagos. In l'urdinamentu amministrativu di u paesi, Kinshasa hè sii una cità ch'è una pruvincia (in modu analogu à Parighji in l'urdinamentu francesu, chì hè sii una cità ch'è un dipartimentu).

Kinshasa hè a siconda cità di lingua francesa à u mondu, dopu à Parighji è davanti à Montréal. S'è a crescita dimugrafica attuali cuntinueghja in i prossimi anni, Kinshasa surpassarà Parighji prima di 2020.

Giugrafia

Situata à 280 metri, nantu à a riva manca di u fiumu Congu in currispundenza di u Pool Malebo, di fronti à Brazzaville, capitali di a Ripublica di u Congu. Posta à i cuurdinati 4 19' 30" Sudu 15 19' 20" Livanti prisenta un clima guasi tipicamenti equaturiali incù sulamenti valori di accumulu pluviumetricu più bassi rispettu à i zoni strittamenti equaturiali è un periodu di staghjoni secca, quist'ultima divuta in prima à a rilativa luntananza di l'Uceanu Atlanticu (400-450 km in linia d'aria) dispinsadori di umidità.

I tampiraturi medii annuali di l'aria giugrafica in quistioni sò elevati annantu à valori di 27 gradi (media trà i minimi è i massimi), in parechji rari periodi i minimi falani appena sottu à i 20 gradi parmittendu un pocu di rinfriscamentu, sippuri incù sempri minori friquenza ancu in a stessa metropuli cungulesa si poni avè notti più freschi, quantunqua un' parcintuali dirisoriu duranti tuttu un annu.

Storia

Fù fundata da Henry Morton Stanley in u 1881 incù u nomu di Léopoldville, in onori di u suvranu belgicu Leopoldu II, appena un annu dopu ch'è u so rivali in l'esplurazioni di u fiumu Congu, Pietro Savorgnan di Brazzà, avissi fundatu Brazzaville nantu à a riva opposta di u fiumu. L'impurtanza strategica di l'insidiamenti era divuta à u fattu ch'è u padulu di Malebo, chì sipara i dui cità, hè u puntu à parta da u quali u fiumu Congu diventa navighevuli prucidendu versu l'internu di u cuntinenti. Par avè accessu à tuttu u bacinu di u Congu, dunqua, era nicissariu di pruceda via terra solu finu à Malebo, dopu ch'è era pussibuli pruceda (moltu più faciuliamenti) via fiumu.

À 1898 ricodda u cumplitamentu di a strada farrata diretta versu a cità custiera di Matadi. Quandu, in l'anni vinti, a capitali di u Congu Belgicu fù spustata da Boma à Léopoldville, crisciti di suttrattu: à mità di l'anni trenta l'abitanti erani circa 40.000, 2.500 di i quali erani auropei; a pupulazioni stimata di u 1945 era para à 100.000 abitanti, è à l'iniziu di l' anni cinquanta l'abitanti erani 250.000, trà i quali ci erani 15.000 auropei. À quidd'ebbica ricodda a fundazioni di l'università amministrativamenti aggrigata à l'università di Lovanio.

Prima di l'indipindenza, Léopoldville era custituita da dui parti distinti, a cità di l'auropei è quidda africana chjamata Quartier Indigène. I residenti aviani bisognu di un parmissu spiciali par entra in i diversi parti di a cità dopu 21.00 ori di sera. In u 1950 fù custruitu u stadiu. In 1960 Lépoldville avia circa 400.000 abitanti, è era a più pupulosa cità di l'Africa cintrali. Dopu à a presa di puteri da parti di Mobutu Sese Seko (1965) Léopoldville fù rinuminata Kinshasa, da u nomu di un picculu paesi chì si truvava in i circonda di a cità.

Ecunumia

Kinshasa hè ancu un attivu centru industriali è custituisci u maiò portu fluviali di l'Africa, capilinea di a strada farrata è di l'oleudottu par Matadi.

Parsunalità liati à Kinshasa

Cyrille Adoula, puliticanti
Alessandro D'Onofrio, architettu è sindacu d'arti
Péguy Luyindula, ghjucadori di ballò di u PSG
Kama Sywor Kamanda chì quì hà studiatu ghjurnalisimu, scenzi pulitichi, lettari è filusufia.
Blaise Nkufo, exi ghjucadori di ballò naturalizatu svizzaru.
Muhammad Alì, exi pugilistu. Cumbattì quì unu di i so macci più impurtanti contr'è George Foreman par a cunquista di u titulu mundiali di i pesi massimi (1974).
Fabrice Muamba, exi ghjucadori di ballò

Fonti

'Ss'articulu pruveni in parti o in tutalità da l'articulu currispundenti di a wikipedia taliana.