Filibertu Evaristu Ciattoni
Filibertu Evaristu Ciattoni[1] hè statu incù Don Luiggi Giafferi è Andria Colonna-Ceccaldi, unu di i trè generali fundatori di a Nazione corsa[2].
À u principiu di u seculu XVIII, i Corsi custituiscenu unu righjimentu cumplettu à u sirviziu di Napuli, è à u mezu di 'ssu seculu empienu l'effettivi di u righjimentu Reale-Farnese. Quandu a guerra di 40 anni scoppia in u 1729, bon parechji Corsi, frà i quali 'ssi primi capi di a ribellione, chettanu i so ranghi per vultà in Corsica à cumbatte i Genuvesi[3].
A Corsica era tandu sottu a duminazione genuvese dapoi 1645.
Organizeghjanu u 22 dicembre di u 1730 à a Cunsulta di San Pancraziu di Biguglia (o di Furiani) l'insurrezione è ghjuranu ch'elli priferiscenu more ch'è campà genuvesi. Davanti 4000 omini, seria statu pruclamatu generale di a Nazione corsa[4].
U 14 aostu di u 1731, Filibertu Evaristu Ciattoni dirighje unu di i trè corpu di truppe corse (i "naziunali"), è scala in Balagna[5].
'Ss'insurrezione cunducerà à a dichjarazione d'indipendenza di a Corsica in u 1735 (cunsulta naziunale d'Orezza u 30 ghjinnaghju di u 1735)[6] , Ghjacintu Paoli (babbu di Pasquale Paoli) è Giafferi piglianu tandu a testa di u guvernu. U so nome ci hè mintuvatu à tempu à i tituli nuvelli attribuiti à i generali chì hanu guidatu l'insurrezione:
| « Articulu 8 - I generali di u riame Andria Ceccaldi, Ghjacintu Paoli è Filibertu Evaristu Ciattoni seranu à l'avvene primati di u riame, è li serà datu u nome d'Altezze Reale da a parte di l'assemblea generale è di a ghjunta[7]. » |
Note
[mudificà | edità a fonte]- ↑ 'Ss'articulu pruvene in parte da l'articulu currispundente di a wikipedia in francese.
- ↑ manifestu di u 22 dicembre, testu originale in lingua corsa
- ↑ I truppe corse
- ↑ Consulta di biguglia à u curtili di a quale Don Luigi Giafferi è Andrea Colonna Ceccaldi sò tandu pruclamati " generali di a Nazione "
- ↑ Crunulugia Corsica Template:XVIIIe
- ↑ pruclamazione di l'indipendenza [archiviu 2015-12-22; Ritruvatu 2016-01-30].
- ↑ Custituzione corsa : Rigulamentu di u 30 ghjinnaghju 1735.